స్మార్ట్ఫోన్ బ్రాండ్ HONOR చైనీస్ మార్కెట్ లో కొత్త ఫోల్డబుల్ ఫోన్ను లాంచ్ చేసింది. ఈ ఫోన్ Honor V Purse అనే పేరుతో వచ్చింది. ఇది పర్స్ మాదిరిగా కూడా ఉపయోగపడనుంది. ఈ స్మార్ట్ఫోన్ కొన్ని రోజుల క్రితం కాన్సెప్ట్గా ఆవిష్కరించబడింది. కానీ ఇప్పుడు నిజంగానే మార్కెట్ లోకి అడుగుపెట్టింది. ప్రస్తుతం ఈ ఫోల్డబుల్ ఫోన్ చైనా మార్కెట్ కి మాత్రమే పరిమితం. రానున్న రోజుల్లో ఇతర మార్కెట్స్ లోకి వస్తుందా లేదా ఇంకా తెలియదు.
సరికొత్త HONOR V పర్స్ మడతపెట్టినప్పుడు 6.45-అంగుళాల OLED డిస్ప్లేను మరియు విప్పినప్పుడు 7.71-అంగుళాల OLED డిస్ప్లేను అందిస్తుంది. ఇంకా ఈ ఫోల్డబుల్ ఫోన్ లో క్వాల్కమ్ స్నాప్ డ్రాగన్ 778జి చిప్సెట్ వాడారు. ఈ ఫోన్ 16జిబి ర్యామ్, డ్యూయల్ కెమెరా సెటప్ తో వచ్చింది.
Honor V Purse ధర, కలర్ ఆప్షన్స్
- Honor V Purse ఫోల్డబుల్ ఫోన్ 16జిబి+256జిబి, 16జిబి+512జిబి వేరియంట్స్ లో లభిస్తుంది.
- బేస్ మోడల్ ధర CNY 5,999 (సుమారు రూ.68,406), టాప్ మోడల్ ధర CNY 6,599 (సుమారు రూ.76,620)
- పర్స్ మాదిరి ఫోల్డబుల్ ఫోన్ కంపెనీ యొక్క చైనా అధికార వెబ్సైట్ ద్వారా పరిమిత సంఖ్యలో మాత్రమే కొనుగోలుకి అందుబాటులో ఉంటుంది.
- గ్లేసియర్ బ్లూ, ఎలిగంట్ బ్లాక్, కమీలియా గోల్డ్ కలర్ ఆప్షన్స్ లో Honor V Purse లభిస్తుంది.
Honor V Purse డిజైన్
- HONOR V పర్స్ అనేది ఒక ప్రత్యేకమైన ఫోల్డింగ్ ఫోన్, సాధారణ ఫోల్డింగ్ ఫోన్ల వలె కాకుండా లోపలికి మడవబడుతుంది.
- ఫోన్ దాని వెనుకకు చుట్టబడిన డిస్ప్లేతో వస్తుంది. ఇంకా ఈ డివైజ్ హ్యాండ్ బ్యాగ్ రూపాన్ని పోలి ఉండటం విశేషం.
- ఫోన్ మడతపెట్టినప్పుడు, ఈ డివైజ్ మందం 8.6 మిమీ ఉంటుంది. కానీ మీరు డివైజ్ ని తెరిచినప్పుడు మందం 4.3 మిమీకి తగ్గుతుంది.
- ఫోల్డబుల్ ఫోన్లో గొలుసులు మరియు ఈకలు కూడా ఉంటాయి. తద్వారా దీనిని మార్చగలిగే పట్టీలతో హ్యాండ్బ్యాగ్గా తీసుకెళ్లవచ్చు.
Honor V Purse స్పెసిఫికేషన్స్
- స్క్రీన్: Honor V Purse లో 6.45-ఇంచ్ ఓఎల్ఈడీ డిస్ప్లే (మడిచినప్పుడు), 7.71-ఇంచ్ ఓఎల్ఈడీ డిస్ప్లే (తెరిచినప్పుడు), 1600 నిట్స్ పీక్ బ్రైట్నెస్ ఉంటాయి.
- చిప్సెట్: Honor V Purse లో స్నాప్ డ్రాగన్ 778జి ప్రాసెసర్ వాడారు.
- కెమెరా: Honor V Purse లో 50ఎంపి మెయిన్ కెమెరా, 12ఎంపి అల్ట్రావైడ్ యాంగిల్ లెన్స్ ఉన్నాయి. సెల్ఫీస్, వీడియో కాల్స్ కోసం 8ఎంపి ఫ్రంట్ కెమెరా అందించారు.
- స్టోరేజీ, ర్యామ్: Honor V Purse 16జిబి+256జిబి మరియు 16జిబి+512జిబి వేరియంట్స్ లో లభిస్తుంది.
- ఓఎస్: Honor V Purse డివైజ్ ఆండ్రాయిడ్ 13 ఓఎస్ ఆధారిత మ్యాజిక్ఓఎస్ 7.2 కస్టమ్ స్కిన్ పై పని చేస్తుంది.
- బ్యాటరీ: Honor V Purse లో పవర్ బ్యాకప్ కోసం 4,500 ఎంఏహెచ్ బ్యాటరీ అందించారు. ఇది 35 వాట్ ఫాస్ట్ చార్జింగ్ కి సపోర్ట్ చేస్తుంది.
- ఇతర ఫీచర్లు: Honor V Purse లో గ్రావిటీ సెన్సర్, ఎన్ఎఫ్సీ, ఫింగర్ ప్రింట్ స్కానర్, బ్లూటూత్ 5.2 తదితర ఫీచర్లు ఉంటాయి.
- కలర్స్: Honor V Purse డివైజ్ గ్లేసియర్ బ్లూ, ఎలిగంట్ బ్లాక్ మరియు కెమేలియా గోల్డ్ కలర్ ఆప్షన్స్ లో లభిస్తుంది.