ప్రముఖ స్మార్ట్ ఫోన్ బ్రాండ్ Infinix తన కొత్త సెమీ-ట్రాన్స్పరెంట్ బ్యాక్ ప్యానెల్ స్మార్ట్ ఫోన్ Infinix GT 10 Pro ని లాంచ్ చేసింది. సరికొత్త డిజైన్, ఫీచర్లతో ఈ ఫోన్ ని యూజర్ల ముందుకు తీసుకొచ్చింది. ఈ ఫోన్ గేమింగ్ ప్రియులు మరియు ట్రాన్స్పరెంట్ డిజైన్ ని కోరుకునే యూజర్లకు బాగా నచ్చుతుందని చెప్పవచ్చు. కాగా, Infinix GT 10 Pro డివైజ్ ఈ-కామర్స్ వెబ్ సైట్ ఫ్లిప్ కార్ట్ ద్వారా సేల్ కి వస్తోంది. సరే, ఓసారి Infinix GT 10 Pro డివైజ్ ధర, పూర్తి స్పెసిఫికేషన్స్ తెలుసుకుందాం పదండి.
Infinix GT 10 Pro ధర, లభ్యత
Infinix GT 10 Pro స్మార్ట్ ఫోన్ సింగిల్ స్టోరేజీ ఆప్షన్ లో లభిస్తుంది. ఈ ఫోన్ 8జిబి ర్యామ్, 256జిబి స్టోరేజీని ఆఫర్ చేస్తుంది. Infinix GT 10 Pro డివైజ్ లాంచ్ ధర రూ.19,999 గా ఉంది. ఐసీఐసీఐ మరియు కొటక్ బ్యాంక్ ద్వారా నెరిపే లావాదేవీలపై రూ.2,000 ఇన్స్టంట్ డిస్కౌంట్ లభిస్తుంది. డిస్కౌంట్ తర్వాత ఫోన్ ని రూ.17,999 కే కొనుగోలు చేయవచ్చు. ఫ్లిప్కార్ట్ ద్వారా నేటి నుంచి డివైజ్ ని ప్రీ-బుకింగ్ చేసుకోవచ్చు.
Infinix GT 10 Pro డిజైన్
Infinix GT 10 Pro డివైజ్ Nothing Phone 2 తరహా డిజైన్ ని కలిగి ఉంది. కంపెనీ దీన్ని సైబర్ మెకా డిజైన్ అని పిలుస్తోంది. ఫోన్ బ్యాక్ సైడ్ నుంచి యూనిక్ గా కనిపిస్తోంది. మినీ ఎల్ఈడీ లైట్స్ ప్యానెల్ పై ఉన్నాయి. ఫ్రంట్ పార్ట్ గురించి మాట్లాడితే, పంచ్ హోల్ డిస్ప్లే ఉంది. Infinix GT 10 Pro డివైజ్ సైబర్ బ్లాక్, మిరాజ్ సిల్వర్ కలర్ ఆప్షన్స్ లో లభిస్తుంది.
Infinix GT 10 Pro స్పెసిఫికేషన్స్
- డిస్ప్లే: Infinix GT 10 Pro లో 6.67-ఇంచ్ అమోలెడ్ స్క్రీన్, 120 హెర్ట్జ్ రిఫ్రెష్ రేట్, 360 హెర్ట్జ్ టచ్ శాంప్లింగ్ రేట్, 1080*2400 పిక్సెల్ రెజుల్యూషన్, 900 నిట్స్ పీక్ బ్రైట్నెస్, 1920 పీడబ్ల్యూఎమ్ ఫ్రీక్వెన్సీ, డీసీఐపీ3 వైడ్ కలర్ గేముత్ సపోర్ట్ ఉన్నాయి.
- చిప్సెట్: Infinix GT 10 Pro లో మీడియాటెక్ డైమెన్సిటీ 8050 చిప్, ఏఆర్ఎమ్ మాలి జీ77 ఎంసీ9 జీపీయూ, లీనియర్ మోటర్, 4డీ వైబ్రేషన్ టెక్నాలజీ ఉన్నాయి.
- ర్యామ్, స్టోరేజీ: Infinix GT 10 Pro లో 8జిబి ర్యామ్, 256జిబి స్టోరేజీ, 8జిబి వర్చువల్ ర్యామ్ ఉన్నాయి.
- కెమెరా: Infinix GT 10 Pro డివైజ్ లో ట్రిపుల్ రియర్ కెమెరా సెటప్ ఉంది. ఇందులో 108ఎంపి మెయిన్ కెమెరా, 2ఎంపి మ్యాక్రో లెన్స్, 2ఎంపి డెప్త్ సెన్సర్ ఉన్నాయి. సెల్ఫీస్, వీడియో కాల్స్ కోసం 32ఎంపి ఫ్రంట్ కెమెరా ఉంది.
- బ్యాటరీ: Infinix GT 10 Pro స్మార్ట్ ఫోన్ లో పవర్ బ్యాకప్ కోసం 5000 ఎంఏహెచ్ బ్యాటరీ ఉంది. ఇది 45 వాట్ ఫాస్ట్ చార్జింగ్ కి సపోర్ట్ చేస్తుంది.
- ఓఎస్: Infinix GT 10 Pro స్మార్ట్ ఫోన్ ఆండ్రాయిడ్ 13 ఓఎస్ ఆధారిత ప్యూర్ ఎక్స్ఓఎస్ 13 కస్టమ్ స్కిన్ పై పని చేస్తుంది.
- ఇతర ఫీచర్లు: Infinix GT 10 Pro డివైజ్ లో డ్యూయల్ సిమ్, 5జీ, 4జీ, బ్లూటూత్, వై-ఫై, డ్యూయల్ స్పీకర్స్, హై-రెజ్ ఆడియో ఉన్నాయి.