ప్రస్తుతం స్పెయిన్ లోని బార్సిలోనా నగరంలో మొబైల్ వరల్డ్ కాంగ్రెస్ 2024 ఈవెంట్ జరుగుతోంది. అక్కడ అన్ని బ్రాండ్స్ కి చెందిన అప్కమింగ్ ఫోన్లను ప్రదర్శిస్తున్నారు. Infinix సంస్థ కూడా తాను త్వరలో లాంచ్ చేయబోయే గేమింగ్ స్మార్ట్ఫోన్ Infinix GT Ultra 5G ని ఎండబ్ల్యూసీ 2024 లో ప్రదర్శించింది. పవర్ఫుల్ చిప్సెట్ తో ఈ ఫోన్ వస్తోంది. అయితే కంపెనీ Infinix GT Ultra 5G యొక్క ఫీచర్స్, లాంచ్ తేదీని వెల్లడించలేదు. కానీ, ఇదే సంవత్సరంలో ఫోన్ లాంచ్ అవుతుందని అంచనా వేస్తున్నారు.
డైమెన్సిటీ 9300 చిప్సెట్ తో వస్తోన్న Infinix GT Ultra 5G
- త్వరలో Infinix నుంచి ఒక గేమింగ్ ఫ్లాగ్షిప్ ఫోన్ లాంచ్ కానుందని ఇన్ఫినిక్స్ వెల్లడించింది.
- Infinix GT Ultra 5G పేరుతో ఈ ఫోన్ మార్కెట్ లోకా వస్తోంది. మీడియాటెక్ డైమెన్సిటీ 9300 చిప్సెట్ ఈ ఫోన్ లో ఉంటుంది.
- ఈ చిప్సెట్ గల Infinix GT Ultra 5G యొక్క అంటుటు బెంచ్మార్క్ స్కోర్ 2215639 గా ఉంటుందని కంపెనీ చెబుతోంది.
Infinix ఇ-కలర్ షిప్ట్ టెక్నాలజీ
- మొబైల్ వరల్డ్ కాంగ్రెస్ 2024 లో Infinix కంపెనీ ఇ-కలర్ షిఫ్ట్ టెక్నాలజీని ప్రదర్శించింది. ఇది ఇ-ఇంక్ ప్రిజమ్ 3 ఫీచర్ ని కలిగి ఉంటుంది.
- దీని ద్వారా యూజర్లు తమ ఫోన్ ని తమకు నచ్చిన విధంగా బ్యాటరీకి నష్టం కలగకుండా కస్టమైజ్ చేసుకోవచ్చు.
Infinix ఎయిర్చార్జ్ టెక్నాలజీ
- ఇన్ఫినిక్స్ సంస్థ మొబైల్ వరల్డ్ కాంగ్రెస్ 2024 ఈవెంట్ లో AirCharge అనే మరొక టెక్నాలజీని పరిచయం చేసింది.
- ఈ సాంకేతికత ద్వారా యూజర్లు కేబుల్ లేదా ఏదైనా చార్జింగ్ ప్యాడ్ సాయం లేకుండానే ఫోన్ని చార్జ్ చేయవచ్చు.
- అంటే ఇన్ఫినిక్స్ తీసుకొచ్చిన ఎయిర్చార్జ్ టెక్నాలజీ ద్వారా మీరు మీ డివైజెస్ ని గాలిలోనే చార్జ్ చేసుకోవచ్చన్నమాట.
- 20 సెంటీమీటర్ల దూరం మరియు 60 డిగ్రీల కోణం వరకు ఈ ఎయిర్చార్జ్ ద్వారా చార్జింగ్ చేసుకోవచ్చు.
Infinix ఎక్స్ట్రిమ్-టెంప్ బ్యాటరీ
- Infinix సంస్థ బ్యాటరీ సమస్యలు, పరిధులను అధిగమించేందుకు ఎక్స్ట్రిమ్-టెంప్ బ్యాటరీ అనే ఉపాయంతో వచ్చింది.
- అతి శీతల పరిస్థితుల్లో కూడా బ్యాటరీలు పని చేసేందుకు వీలుగా బ్యాటరీలను బయోమిమెటిక్ ఎలక్ట్రోలైట్ మరియు ఫ్యూజన్ సాలిడ్-స్టేట్ టెక్నాలజీతో అనుసంధానం చేయనున్నారు.
- దీంతో బ్యాటరీలు -40 డిగ్రీ సెల్సియస్ ఉష్ణోగ్రత వద్ద కూడా ఏ ఆటంకం లేకుండా పని చేస్తాయి.
