హైలైట్స్:
- ఇండోనేషియాలో లాంచ్ అయిన Infinix Note 12i 2022 స్మార్ట్ ఫోన్
- 50ఎంపి కెమెరా, 6జిబి ర్యామ్, మీడియాటెక్ హీలియో జీ85 చిప్సెట్, 33 వాట్ ఫాస్ట్ చార్జింగ్, 5000 ఎంఏహెచ్ బ్యాటరీ ఈ ఫోన్ ప్రధాన ఫీచర్లు
- రూ.12,000 ధరతో లాంచ్ అయిన Infinix Note 12i
Infinix కంపెనీ Infinix Note 12i అనే కొత్త ఫోన్ ని లాంచ్ చేసింది. మెల్లగా ఈ సంస్థ తన మార్కెట్ పరిధిని పెంచుకుంటూ పోతోంది. స్టైలిష్ లుక్, సూపర్ స్పెసిఫికేషన్స్ తో ఈ ఫోన్ లాంచ్ అయ్యింది. Infinix Note 12i లో 50ఎంపి మెయిన్ కెమెరా, 6జిబి ర్యామ్, మీడియాటెక్ హీలియో జీ85 చిప్సెట్, 33 వాట్ ఫాస్ట్ చార్జింగ్, 5000 ఎంఏహెచ్ బ్యాటరీ వంటి ఫీచర్లు ఉన్నాయి. రూ.12,000 ధరతో ఈ ఫోన్ మార్కెట్ లోకి ఎంట్రీ ఇచ్చింది.
Infinix Note 12i 2022 స్పెసిఫికేషన్స్
Infinix Note 12i స్పెసిఫికేషన్స్, ఫీచర్లు ఎలా ఉన్నాయో చూద్దాం. Infinix Note 12i లో 6.7-ఇంచ్ ఫుల్ హెచ్డీ+ డిస్ప్లే, 1080*2400 పిక్సెల్స్ రెజుల్యూషన్, అమోలెడ్ ప్యానెల్, వాటర్ డ్రాప్ నాచ్ డిజైన్, త్రీ బెజెల్-లెస్ ఎడ్జెస్, బాటమ్ లో సన్నని చిన్ ఉన్నాయి. Infinix Note 12i 2022 ఫోన్ ఆండ్రాయిడ్ 12 ఓఎస్ ఆధారిత ఎక్స్ఓఎస్ 10.6 కస్టమ్ స్కిన్ పై పని చేస్తుంది. Infinix Note 12i లో మీడియాటెక్ హీలియో జీ85 చిప్సెట్ వాడారు. ఈ ఫోన్ 4జిబి ర్యామ్ + 64జిబి స్టోరేజీ, 6జిబి ర్యామ్ + 128జిబి స్టోరేజీ వేరియంట్లలో లభిస్తుంది.
ఇప్పుడు Infinix Note 12i కెమెరా విభాగం గురించి తెలుసుకుందాం. Infinix Note 12i ట్రిపుల్ రియర్ కెమెరా సెటప్ తో వస్తోంది. ఇందులో 50ఎంపి మెయిన్ కెమెరా, 2ఎంపి డెప్త్ సెన్సర్, మరొక ఏఐ లెన్స్ ఉంటాయి. సెల్ఫీలు, వీడియో కాల్స్ కోసం ఫోన్ ముందు వైపున 8ఎంపి కెమెరాను అందించారు.
Infinix Note 12i డ్యూయల్ సిమ్ సపోర్ట్ కలిగి ఉంది. ఇందులో 4జీ ఎల్టీఈ కనెక్టివిటీ ఉంది. భద్రత కోసం ఈ ఫోన్లో సైడ్-మౌంటెడ్ ఫింగర్ ప్రింట్ సెన్సర్ అందించారు. ఈ స్కానర్ పవర్ బటన్ లో ఎంబెడ్ చేయబడి ఉంటుంది. Infinix Note 12i లో 5000 ఎంఏహెచ్ బ్యాటరీ ఉంది. ఈ బ్యాటరీ 33 వాట్ ఫాస్ట్ చార్జింగ్ కి సపోర్ట్ చేస్తుంది. ఇప్పుడు ఫోన్ యొక్క డైమెన్షన్స్ ఎలా ఉన్నాయో తెలుసుకుందాం. Infinix Note 12i 164.47 మిల్లీ మీటర్ల పొడవు, 76.6 మిల్లీ మీటర్ల వెడల్పు, 7.8 మిల్లీ మీటర్ల మందం, 188 గ్రాముల బరువు ఉంటుంది.
Infinix Note 12i 2022 ధర
Infinix Note 12i 2022 స్మార్ట్ ఫోన్ ధర విషయానికి వస్తే ఇండోనేషియాలో IDR 2,299,000 (దాదాపు రూ.12,200) తో లాంచ్ అయ్యింది. మెటావర్స్ బ్లూ, ఫోర్స్ బ్లాక్, ఆల్పైన్ వైట్ కలర్ ఆప్షన్స్ లో ఈ ఫోన్ లభించనుంది. అయితే ఈ ఫోన్ భారత మార్కెట్ లో ఎప్పుడు లాంచ్ అవుతుందో ఇంకా తెలియదు. త్వరలోనే ఇన్ఫినిక్స్ నుంచి Infinix Note 12i ఇండియా లాంచ్ కి సంబంధించిన ప్రకటన వచ్చే అవకాశం ఉంది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు వెబ్ సైట్ విజిట్ చేయండి.
