ఇన్ఫినిక్స్ సంస్థ త్వరలోనే Infinix Note 30 స్మార్ట్ ఫోన్ ని లాంచ్ చేసేందుకు సిద్ధమవుతోంది. తాజాగా ఈ ఫోన్ గూగుల్ ప్లే కన్సోల్ డేటాబేస్ పై కనిపించింది. ఈ లిస్టింగ్ ద్వారా Infinix Note 30 డివైజ్ స్పెసిఫికేషన్స్, ఇమేజ్ డివైజ్ రివీల్ అయ్యాయి. ఇక్కడ డివైజ్ కి సంబంధించిన స్పెసిఫికేషన్స్, ఫీచర్స్, గూగుల్ ప్లే కన్సోల్ లిస్టింగ్ సమాచారాన్ని అందిస్తున్నాం. ఓసారి చూసేయండి.
గూగుల్ ప్లే కన్సోల్ పై కనిపించిన Infinix Note 30
గూగుల్ ప్లే కన్సోల్ లిస్టింగ్ ద్వారా Infinix Note 30 డివైజ్ X6833B అనే మోడల్ నంబర్ ని కలిగి ఉంది. ఈ ఫోన్ Infinix Note 12 (2023) ని రిప్లేస్ చేయనుంది. ఈ లిస్టింగ్ ద్వారా డిస్ప్లే రెజుల్యూషన్, ర్యామ్, ఓఎస్ తదితర విషయాలు బయటకు వచ్చాయి. ఓసారి లీకైన Infinix Note 30 స్పెసిఫికేషన్స్ ని ఇక్కడ తెలుసుకుందాం పదండి.
Infinix Note 30 స్పెసిఫికేషన్స్
- 6.71-ఇంచ్ అమోలెడ్ డిస్ప్లే
- మీడియాటెక్ హీలియో జీ99 చిప్సెట్
- 8జిబి ర్యామ్
- ఆండ్రాయిడ్ 13ఓఎస్, ఎక్స్ఓఎస్ కస్టమ్ స్కిన్
లిస్టింగ్ ప్రకారం, Infinix Note 30 డివైజ్ మీడియాటెక్ హీలియో జీ99 చిప్సెట్, 8జిబి ర్యామ్ తో వస్తున్నట్లు తెలుస్తోంది. ఈ డివైజ్ ఆండ్రాయిడ్ 13 ఓఎస్ ఆధారిత ఎక్స్ఓఎస్ కస్టమ్ స్కిన్ పై పని చేయనుంది. ఈ డివైజ్ 6.71-ఇంచ్ అమోలెడ్ డిస్ప్లే, 1080*2460 పిక్సెల్స్ రెజుల్యూషన్, 20.5:9 యాస్పెక్ట్ రేషియో కలిగి ఉంటుంది. లిస్టింగ్ లో అందుబాటులో ఉన్న ఇమేజ్ ని బట్టి, డివైజ్ పంచ్-హోల్ డిస్ప్లే తో వస్తున్నట్లు తెలుస్తోంది.
Infinix Note 30 లైనప్ లో వివిధ మోడల్స్ ఉండే అవకాశం ఉంది. వీటిలో ఒకటి Infinix Note 30 VIP (మోడల్ నంబర్ X6710) గత నెలలో బ్లూటూత్ ఎస్ఐజీ వెబ్ సైట్ పై కనిపించింది. ఇప్పటి వరకు రివీలైన సమాచారాన్ని బట్టి, Infinix Note 30 VIP డివైజ్ బ్లూటూత్ 5.3, 5,000 ఎంఏహెచ్ బ్యాటరీ, 68 వాట్ ఫాస్ట్ చార్జింగ్ సపోర్ట్ తో రానున్నట్లు తెలుస్తోంది.
Infinix Note 12 డివైజ్ 16ఎంపి ఫ్రంట్ కెమెరా, 50ఎంపి ప్రైమరీ కెమెరా, 2ఎంపి డెప్త్ సెన్సర్, ఎల్ఈడీ ఫ్లాష్, 5000 ఎంఏహెచ్ బ్యాటరీ, 30 వాట్ ఫాస్ట్ చార్జింగ్ సపోర్ట్ వంటి స్పెసిఫికేషన్స్ ఉన్నాయి. భద్రత కోసం ఈ డివైజ్ లో సైడ్ మౌంటెడ్ ఫింగర్ ప్రింట్ స్కానర్ ఇచ్చారు.
లేటెస్ట్ స్మార్ట్ ఫోన్, టెక్నాలజీ మరియు టెలీకమ్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
