ప్రముఖ చైనీస్ స్మార్ట్ఫోన్ మేకర్ Infinix త్వరలో Note 40 సిరీస్ ని లాంచ్ చేయనుంది. తాజాగా కంపెనీ నుంచి లాంచ్ తేదీ ప్రకటన వచ్చింది. దాని ప్రకారం, Infinix Note 40 సిరీస్ మార్చి 18వ తేదీన లాంచ్ అవుతోంది. గ్లోబల్ మార్కెట్ లోకి ఈ కొత్త ఇన్ఫినిక్స్ ఫోన్లు ఎంట్రీ ఇవ్వబోతున్నాయి. లైనప్ లో పలు మోడల్స్ లాంచ్ కానున్నాయి. ఓసారి లాంచ్ మరియు లైనప్ లో వచ్చే మోడల్స్ వివరాలు తెలుసుకుందాం పదండి.
Infinix Note 40 సిరీస్ లాంచ్ తేదీ
మార్చి 18న గ్లోబల్ మార్కెట్ లో Infinix Note 40 సిరీస్ లాంచ్ అవ్వనుందని కంపెనీ ప్రకటించింది. లైనప్ లో Infinix Note 40, Note 40 Pro, Note 40 Pro 5G, Note 40 Pro+ 5G ఫోన్లు లాంచ్ అవుతాయని అంచనా వేస్తున్నారు. అయితే Infinix Note 40 సిరీస్ భారత్ లో లాంచ్ అయ్యేందుకు సమయం పడుతుందని భావిస్తున్నారు.
Infinix Note 40 ధర (లీక్)
Infinix Note 40 స్మార్ట్ఫోన్ 8జిబి ర్యామ్, 256జిబి స్టోరేజీ వేరియంట్ రష్యన్ మార్కెట్ ధర RUB 26,990 గా ఉంటుందని సమాచారం. భారతీయ కరెన్సీలో ఇది రూ.24,600 ఉండొచ్చు.
Infinix Note 40 Pro ధర (లీక్)
Infinix Note 40 Pro ధర రష్యన్ మార్కెట్ లో RUB 29,990 గా ఉంటుందని లీక్ ద్వారా తెలుస్తోంది. భారతీయ కరెన్సీలో ఇది రూ.27,300 గా ఉంటుంది. ఈ ఫోన్ 8జిబి ర్యామ్, 256జిబి స్టోరేజీని ఆఫర్ చేస్తుంది.
Infinix Note 40 సిరీస్ స్పెసిఫికేషన్స్ (లీక్)
- Infinix Note 40 సిరీస్ లోని బేస్ మోడల్ మీడియాటెక్ హీలియో జీ91 చిప్సెట్ తో వస్తుందని సమాచారం.
- Infinix Note 40 Pro లో MediaTek Dimensity 7020 ప్రాసెసర్ ఉంటుందని రిపోర్ట్ ద్వారా తెలుస్తోంది.
- Infinix Note 40 Pro లో 6.78-ఇంచ్ అమోలెడ్ స్క్రీన్, పంచ్-హోల్ కటౌట్, 108ఎంపి ట్రిపుల్ రియర్ కెమెరా సెటప్, 5,000 ఎంఏహెచ్ బ్యాటరీ ఉంటాయి.
- Infinix Note 40 Pro డివైజ్ 45 వాట్ ఫాస్ట్ చార్జింగ్ సపోర్ట్ తో వస్తుందని సమాచారం. Infinix Note 40 Pro+ 100 వాట్ ఫాస్ట్ చార్జింగ్ సపోర్ట్ కలిగి ఉంటుందని అంచనా వేస్తున్నారు.
- Infinix Note 40 Pro+ లో వైర్లెస్ చార్జింగ్ ఫీచర్ కూడా ఉంటుందని సమాచారం. ఇదే నిజమైతే, ఈ టెక్నాలజీతో వస్తోన్న మొదటి ఇన్ఫినిక్స్ ఫోన్ ఇదే కానుంది.