ప్రముఖ స్మార్ట్ఫోన్ బ్రాండ్ Infinix నుంచి త్వరలో నోట్ 40 సిరీస్ లో కొత్త ఫోన్ లాంచ్ కానుంది. Infinix Note 40X 5G పేరుతో ఈ డివైజ్ మార్కెట్ లోకి విడుదల కానుంది. తాజాగా ఈ ఫోన్ భారత్కి చెందిన బ్యూరో ఆఫ్ ఇండియన్ స్టాండర్డ్స్ వెబ్సైట్ పై లిస్ట్ అయ్యింది. ఓసారి ఆ లిస్టింగ్ వివరాలు తెలుసుకుందాం పదండి.
Infinix Note 40X 5G బీఐఎస్ లిస్టింగ్
Infinix Note 40X 5G స్మార్ట్ఫోన్ బీఐఎస్ సర్టిఫికేషన్ వెబ్సైట్ పై X6838 మోడల్ నంబర్ తో లిస్ట్ అయ్యింది. TechOutlook వెబ్సైట్ ఈ విషయాన్ని తొలుత గుర్తించింది.
బీఐఎస్ కంటే ముందు Infinix Note 40X 5G ఫోన్ ఎస్ఐఆర్ఐఎమ్ మరియు గూగుల్ ప్లే కన్సోల్ డేటాబేస్ లపై లిస్ట్ అయ్యింది.
బీఐఎస్ లిస్టింగ్ ద్వారా ఈ ఫోన్ త్వరలోనే భారత్ లో లాంచ్ కానుందని అర్థమవుతోంది. అయితే లిస్టింగ్ ద్వారా ఫీచర్లు, స్పెసిఫికేషన్స్ రివీల్ కాలేదు.
Infinix Note 40X 5G స్పెసిఫికేషన్స్ (అంచనా)
లిస్టింగ్ ప్రకారం, Infinix Note 40X 5G డివైజ్ 1080*2460 పిక్సెల్ రెజుల్యూషన్, 490 పిక్సెల్ డెన్సిటీతో వస్తున్నట్లు తెలుస్తోంది. ఇంకా డిస్ప్లే సైజ్ వివరాలు తెలియదు.
గూగుల్ ప్లే కన్సోల్ వెబ్సైట్ పై Infinix Note 40X 5G డివైజ్ మీడియాటెక్ డైమెన్సిటీ 6100+ చిప్సెట్ తో లిస్ట్ అయ్యింది.
ఇంకా ఈ ఫోన్ 12జిబి ర్యామ్, 256జిబి స్టోరేజీతో రానుందని లిస్టింగ్ ద్వారా రివీల్ అయ్యింది.
Infinix Note 40X 5G డివైజ్ 5000 ఎంఏహెచ్ బ్యాటరీ, 18 వాట్ ఫాస్ట్ చార్జింగ్ టెక్నాలజీతో రానుందని ఎఫ్సీసీ, టీయూవీ లిస్టింగ్స్ ద్వారా తెలుస్తోంది.
Infinix Note 40X 5G స్మార్ట్ఫోన్ లో ట్రిపుల్ కెమెరా సెటప్ ఉంటుంది. సర్క్యులర్ కెమెరా మాడ్యూల్ని ఈ ఫోన్ లో అందించనున్నారు.
Infinix Note 40X 5G డివైజ్ ఆండ్రాయిడ్ 14 ఓఎస్ తో లాంచ్ కానుంది.
