అందుబాటు ధరలో స్మార్ట్ఫోన్లను అందించే మొబైల్ కంపెనీగా తక్కువ సమయంలోనే Infinix సంస్థ జనాధరణ పొందింది. దీంతో ఈ కంపెనీ నుంచి వచ్చే ఫోన్లపై యూజర్లలో ఆసక్తి పెరిగింది. ఈ సంస్థ నుంచి త్వరలోనే Infinix Zero 30 4G డివైజ్ లాంచ్ కానుంది. తాజాగా ఈ ఫోన్ యొక్క స్పెసిఫికేషన్స్, రెండర్స్ లీక్ అయ్యాయి. మీడియాటెక్ హీలియో జీ99 చిప్, 108ఎంపి ట్రిపుల్ రియర్ కెమెరా సెటప్, 50ఎంపి సెల్ఫీ కెమెరా, 120 హెర్ట్జ్ అమోలెడ్ ప్యానెల్ తో ఈ ఫోన్ వస్తోంది.
గత నెలలో Infinix కంపెనీ Infinix Zero 30 5G డివైజ్ ని భారత్ లో లాంచ్ చేసింది. ఈ ఫోన్ ధర భారత్ లో రూ.23,999 గా ఉంది. ఇప్పుడు దీనికి 4జీ వర్షన్ Infinix Zero 30 4G ని తీసుకొచ్చేందుకు ఇన్ఫినిక్స్ సిద్ధమవుతోంది.
లీకైన Infinix Zero 30 4G రెండర్స్
లీకైన రెండర్స్ ని బట్టి, Infinix Zero 30 4G డివైజ్ లో పంచ్-హోల్ కటౌట్ ఉన్నట్లు తెలుస్తోంది. ఇంకా బ్యాక్ ప్యానెల్ పై ట్రిపుల్ కెమెరా సెటప్, ఎల్ఈడీ ఫ్లాష్ ఉన్నాయి. వాల్యూమ్ మరియు పవర్ కీ ఫోన్ కి కుడివైపున కనిపిస్తున్నాయి.
Infinix Zero 30 4G స్పెసిఫికేషన్స్
- డిస్ప్లే: Infinix Zero 30 4G లో కర్వ్డ్ అమోలెడ్ డిస్ప్లే, 120 హెర్ట్జ్ రిఫ్రెష్ రేట్ ఉంటాయి.
- ప్రాసెసర్: Infinix Zero 30 4G లో మీడియాటెక్ హీలియో జీ99 చిప్సెట్ వాడనున్నారు. ఇది ఆక్టా-కోర్ చిప్సెట్.
- కెమెరా: Infinix Zero 30 4G లో ట్రిపుల్ రియర్ కెమెరా సెటప్ ఉంటుంది. ఇందులో 108ఎంపి మెయిన్ కెమెరా ఉంటుంది. ఇతర కెమెరా సెన్సర్స్ వివరాలు తెలియాల్సి ఉంది. ఫ్రంట్ కెమెరా విషయానికి వస్తే, ఇందులో 50ఎంపి ఫ్రంట్ కెమెరా అందిస్తున్నారు. రియర్ కెమెరా 2కే వీడియోలను రికార్డ్ చేసేందుకు సపోర్ట్ చేస్తుంది.
- బ్యాటరీ: Infinix Zero 30 4G యొక్క బ్యాటరీ మరియు ఫాస్ట్ చార్జింగ్ వివరాలు ఇంకా తెలియలేదు.
- మెమొరీ: Infinix Zero 30 4G డివైజ్ 6జిబి/8జిబి ర్యామ్ మరియు 128జిబి/256జిబి స్టోరేజీ వేరియంట్స్ లో లభించే అవకాశాలు ఉన్నాయి. ఇంకా మెమొరీ ఆప్షన్స్ పై కచ్చితమైన క్లారిటీ లేదు.
- ఓఎస్: Infinix Zero 30 4G డివైజ్ ఆండ్రాయిడ్ 13 ఓఎస్ పై పని చేస్తుందని చెప్పవచ్చు.
- కనెక్టివిటీ: Infinix Zero 30 4G లో 4జీ, డ్యూయల్ సిమ్, బ్లూటూత్, వై-ఫై, జీపీఎస్ వంటి ఆప్షన్స్ ఉంటాయి.