చైనాకు చెందిన స్మార్ట్ఫోన్ బ్రాండ్ Infinix తాజాగా గ్లోబల్ మార్కెట్ లో తన Zero సిరీస్లో కొత్త ఫోన్లను లాంచ్ చేసింది. Infinix Zero 40 4G, Infinix Zero 40 5G అనే పేర్లతో ఈ డివైజెస్ మార్కెట్ లోకి ఎంట్రీ ఇచ్చాయి. ఈ స్మార్ట్ఫోన్లలో 108ఎంపి ప్రైమరీ కెమెరా, 144 హెర్ట్జ్ రిఫ్రెష్ రేట్, అమోలెడ్ ప్యానెల్, గోప్రో మోడల్, 45 వాట్ ఫాస్ట్ చార్జింగ్ సపోర్ట్ వంటి ఫీచర్లు ఉన్నాయి. ఓసారి వీటి ధరలు మరియు పూర్తి స్పెసిఫికేషన్స్ తెలుసుకుందాం.
Infinix Zero 40 4G, Zero 40 5G ధరలు
ఇన్ఫినిక్స్ జీరో 40 5జీ ధరను 399 డాలర్లు (సుమారు రూ.33,500) గా పెట్టారు. ఇన్ఫినిక్స్ జీరో 40 4జీ డివైజ్ ధరను 289 డాలర్లు (సుమారు రూ.24,200) గా నిర్ణయించారు. మార్కెట్ను బట్టి, డివైజెస్ ధరలు మారుతాయని కంపెనీ చెప్పింది.
మలేషియాలో ఇన్ఫినిక్స్ జీరో 40 5జీ వేరియంట్ ధర MYR 1699 (సుమారు రూ.33,000), ఇన్ఫినిక్స్ జీరో 40 4జీ మోడల్ ధర MYR 1,200 (సుమారు రూ.23,300).
కలర్ ఆప్షన్స్: Infinix Zero 40 5జీ వేరియంట్ మూవింగ్ టైటానియమ్, రాక్ బ్లాక్ మరియు వయొలెట్ గార్డెన్ కలర్స్ లో లభిస్తుంది. 4జీ వేరియంట్ బ్లాసమ్ గ్లొ, మిస్టీ ఆక్వా మరియు రాక్ బ్లాక్ కలర్స్ లో లభిస్తుంది. ఇండియా లాంచ్ ప్రకటన ఇంకా రావాల్సి ఉంది.
GoPro Mode: ఈ రెండు ఫోన్లు కూడా గో ప్రో డివైజ్ తో నేరుగా పెయిర్ అవుతాయి. ఫోన్ డిస్ప్లేను స్క్రీన్ ఫుటేజీ మానిటర్ గా వాడుకోవచ్చు. వ్లాగ్స్ చేసే వారికి ఈ ఫోన్లలో ప్రత్యేకంగా వ్లాగ్ మోడ్ కూడా ఇచ్చారు. క్రియేటర్స్ కి ఇది బాగా ఉపయోగపడుతుంది.
Infinix Zero 40 5జీ, 4జీ స్పెసిఫికేషన్స్
డిస్ప్లే: Infinix Zero 40 సిరీస్ ఫోన్లలో 6.78-ఇంచ్ 3డీ కర్వ్డ్ అమోలెడ్ స్క్రీన్, 144 హెర్ట్జ్ రిఫ్రెష్ రేట్, 1300 నిట్స్ పీక్ బ్రైట్నెస్, కార్నింగ్ గొరిల్లా గ్లాస్ ఉన్నాయి.
ప్రాసెసర్: Infinix Zero 40 5జీ వేరియంట్ లో మీడియాటెక్ డైమెన్సిటీ 8200 చిప్సెట్ అందించారు. 4జీ వేరియంట్ లో మీడియాటెక్ హీలియో జీ100 చిప్సెట్ వాడారు. ఈ ఫోన్లు 24జిబి వరకు డైనమిక్ ర్యామ్ కి సపోర్ట్ చేస్తుంది. అలాగే 512జిబి ఇంటర్నల్ స్టోరేజీని అందించారు.
సాఫ్ట్వేర్: Infinix Zero 40 సిరీస్ ఫోన్లు ఆండ్రాయిడ్ 14 ఓఎస్ ఆధారిత ఇన్ఫినిక్స్ యూఐ కస్టమ్ స్కిన్ తో పని చేస్తాయి.
కెమెరా: Infinix Zero 40 ఫోన్లలో డ్యూయల్ రియర్ కెమెరా సెటప్ ఉంది. ఇందులో 108ఎంపి ప్రైమరీ కెమెరా, 50ఎంపి అల్ట్రావైడ్ లెన్స్ ఉంది. సెల్ఫీస్, వీడియో కాల్స్ కోసం ఈ ఫోన్ లో 50ఎంపి ఫ్రంట్ కెమెరా ఉంది.
బ్యాటరీ, చార్జింగ్: Infinix Zero 40 సిరీస్ ఫోన్లలో 5000 ఎంఏహెచ్ బ్యాటరీ, 45 వాట్ వైర్డ్ ఫాస్ట్ చార్జింగ్ సపోర్ట్ ఇచ్చారు. 5జీ మోడల్ 20 వాట్ వైర్లెస్ ఫాస్ట్ చార్జింగ్ కి సపోర్ట్ చేస్తుంది.
కనెక్టివిటీ: Infinix Zero 40 సిరీస్ ఫోన్లలో డ్యూయల్ సిమ్, బ్లూటూత్, వై-ఫై, ఎన్ఎఫ్సీ, జెమిని ఏఐ అసిస్టెంట్ వంటి ఆప్షన్స్ ఉంటాయి.