చైనీస్ స్మార్ట్ఫోన్ మేకర్ Infinix త్వరలో Zero 40 సిరీస్ ను లాంచ్ చేయనుంది. ఈ లైనప్ లో భాగంగా Infinix Zero 40 5G మరియు Infinix Zero 40 Pro 5G మోడల్స్ లాంచ్ అయ్యే అవకాశం ఉంది. తాజాగా స్టాండర్డ్ వేరియంట్ Infinix Zero 40 5G గ్లోబల్ రిటైలర్ వెబ్సైట్ లో కనిపించింది. దీంతో డివైజ్ యొక్క ప్రధాన స్పెసిఫికేషన్స్, ఇమేజెస్ మరియు ధర వివరాలు తెలిసాయి. ఓసారి ఆ విశేషాలు తెలుసుకుందాం.
Infinix Zero 40 5G ధర, కలర్ ఆప్షన్స్
Infinix Zero 40 5G స్మార్ట్ఫోన్ గ్లోబల్ రిటైల్ వెబ్సైట్ పై 1699 MYR గా ఉంది. భారతీయ కరెన్సీలో ఇది రూ.32,000 గా ఉంటుంది. ఈ ఫోన్ రాక్ బ్లాక్, మూవింగ్ టైటానియమ్ మరియు వయొలెట్ గార్డెన్ కలర్స్ లో లభిస్తుంది.
Infinix Zero 40 5G స్పెసిఫికేషన్స్ (అంచనా)
డిస్ప్లే: Infinix Zero 40 5G డివైజ్ లో 6.78-ఇంచ్ కర్వ్డ్-ఎడ్జ్ స్క్రీన్, అమోలెడ్ ప్యానెల్, 1080*2436 పిక్సెల్స్ రెజుల్యూషన్, 144 హెర్ట్జ్ రిఫ్రెష్ రేట్ ఉంటాయి.
ప్రాసెసర్: Infinix Zero 40 5G లో మీడియాటెక్ డైమెన్సిటీ 8200 అల్టిమేట్ చిప్సెట్ ఉంటుంది. గేమింగ్ మరియు ఇతర పనులను ఈ చిప్ బాగా హ్యాండిల్ చేస్తుంది.
ర్యామ్, స్టోరేజీ: Infinix Zero 40 5G స్మార్ట్ఫోన్ 12జిబి ర్యామ్ + 256జిబి స్టోరేజీ ఉంటాయి. 12జిబి వర్చువల్ ర్యామ్ ఫీచర్ తో యూజర్కి 24జిబి ర్యామ్ పవర్ లభిస్తుంది.
కెమెరా: Infinix Zero 40 5G లో డ్యూయల్ రియర్ కెమెరా సెటప్ ఉంటుంది. ఇందులో 108ఎంపి ఓఐఎస్ ప్రైమరీ కెమెరా, 50ఎంపి అల్ట్రావైడ్ లెన్స్, 2ఎంపి థర్డ్ లెన్స్ ఉంటాయి. సెల్ఫీస్, వీడియో కాల్స్ కోసం ఈ ఫోన్ లో 50ఎంపి ఫ్రంట్ కెమెరా ఉంటుంది.
బ్యాటరీ, చార్జింగ్: Infinix Zero 40 5G లో పవర్ బ్యాకప్ కోసం 5000 ఎంఏహెచ్ బ్యాటరీ ఉంటుంది. ఇది 45 వాట్ వైర్డ్ చార్జింగ్, 15 వాట్ వైర్లెస్ చార్జింగ్ కి సపోర్ట్ చేస్తుంది.
సాఫ్ట్వేర్: Infinix Zero 40 5G డివైజ్ ఆండ్రాయిడ్ 14 ఓఎస్ ఆధారిత ఎక్స్ఓఎస్ 14.5 కస్టమ్ స్కిన్ పై పని చేస్తుంది. 2 ఏళ్ళు ఆండ్రాయిడ్ ఓఎస్ అప్డేట్స్, 3 ఏళ్ళు సెక్యూరిటీ అప్డేట్స్ ఈ ఫోన్కి లభిస్తాయి.
ఇతర ఫీచర్లు: Infinix Zero 40 5G లో ఐపీ54 రేటింగ్, ఇన్-డిస్ప్లే ఫింగర్ప్రింట్ స్కానర్, ఐఆర్ బ్లాస్టర్ ఉంటాయి.