ప్రముఖ టెక్ బ్రాండ్ Apple నుంచి వచ్చిన iPhone 15 ఫ్లాగ్షిప్ పై భారీ డిస్కౌంట్ ఆఫర్ అందుబాటులోకి వచ్చింది. ఫ్లిప్కార్ట్ లో కొనసాగుతోన్న ఫ్లాగ్షిప్ సేల్ లో భాగంగా iPhone 15 పై పెద్ద మొత్తం డిస్కౌంట్ లభిస్తోంది. ఐఫోన్ 15 128జిబి వేరియంట్ లాంచ్ ధర రూ.79,900 గా ఉంది. ఇప్పుడు దీని ధర రూ.65,499 గా లిస్ట్ అయ్యింది. పూర్తి వివరాలు తెలుసుకుందాం పదండి.
iPhone 15 ఆఫర్ వివరాలు
iPhone 15 128జిబి వేరియంట్ అఫీషియల్ ధర కంపెనీ సైట్ లో రూ.79,600 గా ఉంది. కానీ, ఫ్లిప్కార్ట్ లో కొనసాగుతోన్న ఫ్లాగ్షిప్ సేల్ లో ఈ ఫోన్ రూ.13,700 తక్కువకే, అంటే రూ.65,499 ధరతో లిస్ట్ అయ్యింది. డిస్కౌంట్ కాకుండా, ఇంకా ఎన్నో బ్యాంక్ ఆఫర్లు మరియు డిస్కౌంట్లు కూడా అందుబాటులో ఉన్నాయి.
ఐసీఐసీఐ బ్యాంక్ క్రెడిట్ కార్డ్ లావాదేవీలపై 10 శాతం డిస్కౌంట్ (రూ.1,000 వరకు) అందుబాటులో ఉంది. ఐసీఐసీఐ క్రెడిట్ కార్డ్ ఈఎంఐ ట్రాన్సాక్షన్స్ పై 10 శాతం డిస్కౌంట్ (రూ.1,500 వరకు) లభిస్తుంది. ఐసీఐసీఐ బ్యాంక్ డెబిట్ కార్డ్ లావాదేవీలపై రూ.750 వరకు డిస్కౌంట్ అందుబాటులో ఉంది. అంతేకాదు, నో కాస్ట్ ఈఎంఐ ద్వారా నెలకు రూ.10,917 చెల్లించి ఫోన్ కొనుగోలు చేయవచ్చు. ఇంకా ఎక్స్చేంజ్ బోనస్ రూ.50,150 వరకు పొందవచ్చు.
గమనిక: ఫ్లిప్కార్ట్ ఫ్లాగ్షిప్ సేల్ 2024 ఆగస్టు 6న ప్రారంభమైంది. ఆగస్టు 15, 2024 వరకు అందుబాటులో ఉంటుంది.
iPhone 15 ఫోన్ని మీరు కొనవచ్చా?
iPhone 15 లో డైనమిక్ ఐల్యాండ్ ఇచ్చారు. గత సిరీస్ ఐఫోన్ 14 లో ఇది లేదు. కేవలం 14 ప్రో వేరియంట్ లో మాత్రమే కలదు. కానీ, బేస్ మోడల్ ఐఫోన్ 15 లోనే ఈ డైనమిక్ ఐల్యాండ్ ఫీచర్ ఇవ్వడం జరిగింది. ఇది మంచి అప్గ్రేడ్ అని చెప్పవచ్చు. ఇకపోతే రానున్న సెప్టెంబర్ లో ఆపిల్ సంస్థ iPhone 16 సిరీస్ ను లాంచ్ చేయనుంది. నెల రోజులు ఆగితే iPhone 16 కొనుక్కోవచ్చు. లేదంటే మంచి డీల్ ప్రైస్ కి iPhone 15 ని సొంతం చేసుకోండి.
iPhone 15 స్పెసిఫికేషన్స్
డిస్ప్లే: iPhone 15 స్మార్ట్ఫోన్ లో 6.1-ఇంచ్ డిస్ప్లే అందించారు. ఈ స్క్రీన్ లో డైనమిక్ ఐల్యాండ్ ఫీచర్ ఉంది. దీని ద్వారా నోటిఫికేషన్స్ ని తేలిగ్గా చెక్ చేయవచ్చు.
ప్రాసెసర్: iPhone 15 డివైజ్ లో ఏ16 బయోనిక్ చిప్సెట్ వాడారు. ఇది మెరుగైన పెర్ఫామెన్స్ ని అందిస్తుంది.
కెమెరా: iPhone 15 లో 48ఎంపి మెయిన్ కెమెరా అందించారు. ఇందులో ఓఐఎస్ ఫీచర్ ఉంది. అలాగే దీనికి తోడుగా 12ఎంపి అల్ట్రావైడ్ యాంగిల్ ఓఐఎస్ లెన్స్ ఉంటుంది. సెల్ఫీస్, వీడియో కాల్స్ కోసం 12ఎంపి ఫ్రంట్ కెమెరా అందించారు.
బ్యాటరీ: iPhone 15 లో పవర్ బ్యాకప్ కోసం 3,877 ఎంఏహెచ్ బ్యాటరీ అందించారు.
కనెక్టివిటీ: iPhone 15 లో 5జీ, 4జీ, బ్లూటూత్, వై-ఫై వంటి అన్ని ప్రధానమైన కనెక్టివిటీ ఫీచర్లు ఉన్నాయి.
