iPhone 15 సిరీస్ లాంచ్ జాప్యం కానుందని అనలిస్ట్ మింగ్-చీ కువో తెలిపారు. ఆయన తాజాగా iPhone 15 సిరీస్ కి సంబంధించిన అప్డేట్ ని ట్విట్టర్ ద్వారా షేర్ చేశారు. ఆయన iPhone 15, iPhone 15 Plus సిరీస్ మోడల్స్ యొక్క కెమెరా స్పెసిఫికేషన్స్ ని రివీల్ చేశారు. రీసెంట్ గా వచ్చిన రూమర్లు, తాజాగా మింగ్ చీ కువో షేర్ చేసిన ఐఫోన్ 15 సిరీస్ కెమెరా సెటప్ వివరాలు ఒకే విధంగా ఉన్నాయి. సరే, ఓసారి ఆ వివరాలను తెలుసుకుందాం పదండి.
iPhone 15 కెమెరా వివరాలు
- అనలిస్ట్ ప్రకారం, iPhone 15 48ఎంపి వైడ్-యాంగిల్ లెన్స్ తో వస్తున్నట్లు తెలుస్తోంది.
- ఈ కొత్త కెమెరాను iPhone 15 సిరీస్ యొక్క స్టాండర్డ్ మోడల్స్ లో కూడా ఇవ్వనున్నారని అనలిస్ట్ తెలిపారు.
- ఐఫోన్ 15 ప్రో సహా ఇతర మోడల్స్ కూడా 48ఎంపి కెమెరాతో రానుందని ఇటీవలె రూమర్లు వినిపించాయి. ఇప్పుడు వాటికి బలం చేకూరినట్లైంది.
ఇక గత మోడల్స్ iPhone 14, iPhone 14 Plus డివైజెస్ డ్యూయల్ కెమెరా సెటప్ ఉంది. ఇందులో 12ఎంపి మెయిన్ కెమెరా, 12ఎంపి అల్ట్రావైడ్ యాంగిల్ లెన్స్ ఉన్నాయి. మరోవైపు iPhone 14 Pro, iPhone 14 Pro Max అడ్వాన్స్డ్ 48ఎంపి మెయిన్ కెమెరా, 12ఎంపి అల్ట్రావైడ్ లెన్స్, 12ఎంపి టెలీఫోటో లెన్స్ తో లాంచ్ అయ్యాయి.
వీబో లీక్స్టర్ డిజిటల్ చాట్ స్టేషన్ రీసెంట్ గా iPhone 15 బేస్ మోడల్స్ 48ఎంపి కెమెరాతో రానుందని తెలిపింది. ఐఫోన్ 15 డివైజ్ 48ఎంపి కెమెరాతో రానుంది కానీ, అది 1/1.5-ఇంచ్ కలిగిన చిన్న సెన్సర్. ఇకపోతే ప్రో మోడల్స్ భారీ సెన్సర్స్ తో రానున్నాయి.
iPhone 15 Pro ధర పెరిగే అవకాశం
రీసెంట్ రిపోర్ట్ ప్రకారం, iPhone 15 Pro ధర 100 డాలర్లు పెరగనుందని తెలిసింది. ఐఫోన్ 14 ప్రో, ఐఫోన్ 15 ప్రో మ్యాక్స్ తో పోల్చితే ఇది 100 నుంచి 200 డాలర్లు అధికం. అయితే స్టాండర్డ్ వేరియంట్స్ అయిన ఐఫోన్ 15, ఐఫోన్ 15 ప్లస్ మోడల్స్ ధరలు పెరిగే అవకాశం లేదని తెలుస్తోంది.
అయితే, ధరల పెరుగుదలకి సంబంధించి ఇప్పటి వరకు అన్నీ రూమర్లు మాత్రమే బయటకు వస్తున్నాయి. అధికారికంగా సమాచారం బయటకు రాలేదు. త్వరలోనే ఐఫోన్ 15 సిరీస్ లాంచ్ సందర్భంగా ఆపిల్ సంస్థ అఫీషియల్ ప్రైసెస్ రివీల్ చేయనుంది.