లీకైన iQOO 11 సిరీస్ ఇండియా లాంచ్ టైమ్‌లైన్

హైలైట్స్

• తొలుత చైనాలో లాంచ్ కానున్న ఐకూ ఫ్లాగ్షిప్ సిరీస్ iQOO 11
• భారత్ లో డిసెంబర్ లో లాంచ్ అవ్వనున్న iQOO 11 సిరీస్
• తాజాగా లీకైన iQOO 11 సిరీస్ మోడల్ నంబర్స్, భారత్ లో ఐకూ 10 పేరుతో రీబ్రాండ్ అయి లాంచ్ కానున్న iQOO 11

Vivo సబ్-బ్రాండ్ అయిన iQOO ఈ ఏడాది ఆరంభంలో చైనాలో iQOO 10, iQOO 10 Pro ఫోన్లను లాంచ్ చేసింది. ఇప్పుడు, తన తదుపరి ఫ్లాగ్షిప్ ఫోన్ ని లాంచ్ చేయబోతోంది ఐకూ. iQOO 11 సిరీస్ గా వస్తోన్న ఈ లైనప్ లో iQOO 11 మరియు iQOO 11 Pro మోడల్స్ ఉండనున్నాయి. భారత్ లో iQOO 11 సిరీస్ డిసెంబర్ లో లాంచ్ అవుతుందని ప్రముఖ టిప్‌స్టర్ అభిషేక్ యాదవ్ రివీల్ చేశాడు. iQOO 11 తొలుత చైనాలో లాంచ్ అయి తర్వాత భారత గడ్డపై అడుగుపెట్టనుంది.

iQOO 11 series expected to launch next month in India.

— Abhishek Yadav (@yabhishekhd) November 1, 2022

గతంలో Pricebaba వెలువరించిన కథనంలో iQOO 11 యొక్క అఫీషియల్ మానికర్స్ మరియు మోడల్ నంబర్స్ రివీల్ అయ్యాయి. iQOO 11 మరియు iQOO 11 Pro ఇండియన్ వేరియంట్స్ యొక్క మోడల్ నంబర్లు వరుసగా I2209, I2212 గా ఉన్నాయి. మరోవైపు IMEI డేటాబేస్ పై I2209 మోడల్ నంబర్ తో iQOO 10 కనిపించింది. దీంతో iQOO 11 ని భారత్ లో iQOO 10 గా రీబ్రాండ్ చేసి విడుదల చేయనున్నారనే రూమర్లు వస్తున్నాయి. మరో విషయం ఏంటంటే, iQOO 10 భారత్ లో iQOO 9T గా రీబ్రాండ్ అయి లాంచ్ అయ్యింది.

iQOO 11 సిరీస్ స్పెసిఫికేషన్స్ (అంచనా)

iQOO 11 స్మార్ట్ ఫోన్ 6.78-ఇంచ్ ఫ్లాట్ ఈ6 అమోలెడ్ డిస్ప్లే, 5000ఎంఏహెచ్ బ్యాటరీ, 100 వాట్ లేదా 120 వాట్ ఫాస్ట్ చార్జింగ్ తో వస్తోంది. మరోవైపు iQOO 11 Pro మోడల్ 6.78-ఇంచ్ శాంసంగ్ ఈ6 ఎల్టీపీవో ప్యానెల్, 2కే రెజుల్యూషన్, 120 హెర్ట్జ్ రిఫ్రెష్ రేట్, 4700 ఎంఏహెచ్ బ్యాటరీ, 200 వాట్ ఫాస్ట్ చార్జింగ్ తో వస్తోంది.

iQOO 11 సిరీస్ లోని రెండు మోడల్స్ కూడా క్వాల్కమ్ స్నాప్ డ్రాగన్ 8 జెన్ 2 చిప్సెట్, ఆండ్రాయిడ్ 13 ఓఎస్ ఆధారిత ఒరిజిన్ఓఎస్ ఓషన్ యూఐ తో వస్తున్నాయి. ఈ సిరీస్ 16జిబి వరకు ఎల్పీడీడీఆర్5ఎక్స్ ర్యామ్, 512జిబి వరకు యూఎఫ్ఎస్ 4.0 స్టోరేజీ తో వస్తోంది.

ఇప్పుడు iQOO 11 సిరీస్ కెమెరా విభాగం గురించి తెలుసుకుందాం. స్టాండర్డ్ వేరియంట్ అయిన iQOO 11 లో 50ఎంపి శాంసంగ్ జీఎన్5 మెయిన్ కెమెరా, 13 మెగా పిక్సెల్ అల్ట్రావైడ్ లెన్స్, 12 మెగా పిక్సెల్ టెలీఫోటో లెన్స్, 16 మెగా పిక్సెల్ ఫ్రంట్ కెమెరా ఉంటాయి. iQOO 11 Pro వేరియంట్ లో 50ఎంపి మెయిన్ కెమెరా, 50ఎంపి అల్ట్రావైడ్ యాంగిల్ లెన్స్, 14.6 ఎంపి టెలీఫోటో లెన్స్ ఉంటాయి. త్వరలోనే ఐకూ 11 సిరీస్ ఇండియా లాంచ్ కి సంబంధించిన అధికార ప్రకటన వచ్చే అవకాశం ఉంది. మరో విషయం ఏంటంటే, నవంబర్ లో జరగబోవు క్వాల్కమ్ ఈవెంట్ లో స్నాప్ డ్రానగ్ 8 జెన్ 2 చిప్ లాంచ్ అవుతోంది.