MediaTek Dimensity 8200 ప్రాసెసర్ తో వస్తోన్న iQOO Neo 7 SE

హైలైట్స్

• Neo 7 5G పేరుతో లాంచ్ కానున్న iQOO Neo 7 SE స్మార్ట్ ఫోన్
• నవంబర్ లేదా డిసెంబర్ నెలలో లాంచ్ కానున్న iQOO Neo 7 SE
• 6.78-ఇంచ్ ఫుల్ హెచ్డీ+ అమోలెడ్ డిస్ప్లే, 120 హెర్ట్జ్ రిఫ్రెష్ రేట్, 120 వాట్ ఫాస్ట్ చార్జింగ్ ఈ ఫోన్ ప్రధాన స్పెసిఫికేషన్స్

iQOO Neo 7 SE స్మార్ట్ ఫోన్ ని త్వరలో లాంచ్ చేయాలని ప్లాన్ చేస్తోంది ఐకూ. iQOO Neo 7 SE 5G నియో సిరీస్ లో రానున్న రెండో స్మార్ట్ ఫోన్. త్వరలోనే చైనాలో లాంచ్ కాబోయే ఈ ఫోన్ అటు తర్వాత భారత్ కి రానుంది. iQOO Neo 7 SE ఈ ఏడాది నవంబర్ లేదా డిసెంబర్ నెలల్లో లాంచ్ కానుందని అంచనా వేస్తున్నారు. iQOO 11 సిరీస్ తో పాటు iQOO Neo 7 SE లాంచ్ అవ్వనుంది. అయితే కచ్చితమైన లాంచ్ తేదీ ఎప్పుడో ఇంకా తెలియదు. ఈలోపు iQOO Neo 7 SE కి సంబంధించిన వివరాలు నెట్టింట్లో ప్రత్యక్షమయ్యాయి.

ఓ కొత్త రిపోర్ట్ ప్రకారం, iQOO Neo 7 SE మీడియాటెక్ డైమెన్సిటీ చిప్సెట్ తో రానుందని తెలుస్తోంది. మీడియాటెక్ డైమెన్సిటీ 8200 ప్రాసెసర్ తో ఈ ఫోన్ రానున్నట్లు సమాచారం. ప్రముఖ టిప్‌స్టర్ డిజిటల్ చాట్ స్టేషన్ రివీల్ చేసిన స్పెసిఫికేషన్స్ ద్వారా iQOO Neo 7 SE యొక్క చిప్సెట్ వివరాలు తెలిసాయి. డైమెన్సిటీ 8200 చిప్ 3.1 గిగాహెర్ట్జ్ క్లాక్ స్పీడ్ కలిగి ఉంది.

iQOO Neo 7 SE యొక్క ఇతర స్పెసిఫికేషన్స్ కూడా లీక్ అయ్యాయి. రీసెంట్ రిపోర్ట్ ప్రకారం, ఈ డివైజ్ అమోలెడ్ డిస్ప్లే, 120 హెర్ట్జ్ రిఫ్రెష్ రేట్, 6.78-ఇంచ్ డిస్ప్లే తో వస్తోంది. iQOO Neo 7 SE స్మార్ట్ ఫోన్ 8 జిబి ర్యామ్, 128జిబి స్టోరేజీతో లాంచ్ కానుంది. ఈ ఫోన్ లో 5000 ఎంఏహెచ్ బ్యాటరీ ఉండనుంది. ఇది 120 వాట్ ఫాస్ట్ చార్జింగ్ కి సపోర్ట్ చేస్తుంది. నియో 6 ఎస్ఈ లో 4700 ఎంఏహెచ్ బ్యాటరీ, 80 వాట్ ఫాస్ట్ చార్జింగ్ సపోర్ట్ ఉంది. అంటే నియో 7 బ్యాటరీ మరియు ఫాస్ట్ చార్జింగ్ విభాగాల్లో చక్కటి అప్‌గ్రేడ్ తో వస్తోందన్న మాట.

iQOO Neo 7 SE స్మార్ట్ ఫోన్ లో 50ఎంపి మెయిన్ కెమెరా ఉంటుంది. ఇది ఆప్టికల్ ఇమేజ్ స్టెబిలైజేషన్ సపోర్ట్ తో వస్తోంది. అలాగే 8 మెగా పిక్సెల్ అల్ట్రావైడ్ కెమెరా, 2 మెగా పిక్సెల్ మ్యాక్రో కెమెరా ఇందులో ఉంటాయి. సెల్ఫీలు, వీడియో కాల్స్ కోసం iQOO Neo 7 SE లో 16 మెగా పిక్సెల్ కెమెరా ఉంటుంది.

గత విడుదల పరంపరను గమనిస్తే, నియో 6 ఎస్ఈ 5జీ భారత్ లో iQOO Neo 6 5G గా లాంచ్ అయ్యింది. ఇప్పుడు కూడా iQOO Neo 7 SE స్మార్ట్ ఫోన్ Neo 7 5G గా లాంచ్ అవుతుందని అంచనా వేస్తున్నారు.