ప్రముఖ స్మార్ట్ఫోన్ బ్రాండ్ iQOO త్వరలో నియో సిరీస్ లో ఒక కొత్త ఫోన్ లాంచ్ చేయనుంది. iQOO Neo 9S Pro+ పేరుతో ఈ డివైజ్ మార్కెట్ లోకి ఎంట్రీ ఇవ్వనుంది. జులై 11న ఈ ఫోన్ లాంచ్ అవుతుందని సమాచారం. తాజాగా ఈ ఫోన్ యొక్క స్పెసిఫికేషన్స్ ఖరారయ్యాయి. సంస్థ ప్రెసిడెంట్ జియా జింగ్డాంగ్ ఈ వివరాలను సోషల్ మీడియాలో షేర్ చేశారు. ఓసారి ఆ విశేషాలు తెలుసుకుందాం.
iQOO Neo 9S Pro+ స్పెసిఫికేషన్స్ ఖరారు
iQOO Neo 9S Pro+ స్మార్ట్ఫోన్ యొక్క స్పెసిఫికేషన్స్ను ఐకూ బ్రాండ్ ప్రెసిడెంట్ జియా జింగ్డాంగ్ Weibo పై షేర్ చేశారు.
iQOO Neo 9S Pro+ డివైజ్ క్వాల్కమ్ స్నాప్డ్రాగన్ 8 జెన్ 3 చిప్సెట్ తో తో వస్తోంది. క్యూ1 గ్రాఫిక్స్ చిప్ ను గేమింగ్ కోసం అందిస్తున్నారు.
బ్యాటరీ విషయానికి వస్తే, ఈ ఫోన్ లో 5500 ఎంఏహెచ్ బ్యాటరీ, 120 వాట్ ఫాస్ట్ చార్జింగ్ టెక్నాలజీ ఉంటాయి.
iQOO Neo 9S Pro+ డివైజ్ 50ఎంపి ఓఐఎస్ ప్రైమరీ కెమెరా, 50ఎంపి అల్ట్రావైడ్ లెన్స్ తో వస్తోంది.
iQOO Neo 9S Pro+ ఫోన్ ఆండ్రాయిడ్ 14 ఓఎస్, ఒరిజిన్ ఓఎస్ 4.0 కస్టమ్ స్కిన్, అల్ట్రాసోనిక్ ఇన్-స్క్రీన్ ఫింగర్ప్రింట్ స్కానర్ తో వస్తోంది.
iQOO Neo 9S Pro స్పెసిఫికేషన్స్
డిస్ప్లే: iQOO Neo 9s Pro లో 6.78-ఇంచ్ ఎల్టీపీవో అమోలెడ్ స్క్రీన్, 1260*2800 పిక్సెల్స్ రెజుల్యూషన్, 2160 హెర్ట్జ్ పీడబ్ల్యూఎం డిమ్మింగ్, 20:9 యాస్పెక్ట్ రేషియో, 144 హెర్ట్జ్ రిఫ్రెష్ రేట్ ఉన్నాయి.
ప్రాసెసర్: iQOO Neo 9s Pro లో మీడియాటెక్ డైమెన్సిటీ 9300+ చిప్సెట్, క్యూ1 గేమింగ్ చిప్, 6కే వీసీ కూలింగ్ సిస్టమ్ ఉన్నాయి.
ర్యామ్, స్టోరేజీ: iQOO Neo 9s Pro లో 16జిబి ఎల్పీడీడీఆర్5ఎక్స్ ర్యామ్, 1టిబి యూఎఫ్ఎస్ 4.0 స్టోరేజీ ఉన్నాయి.
కెమెరా: iQOO Neo 9s Pro లో డ్యూయల్ రియర్ కెమెరా సెటప్ ఉంది. ఇందులో 50ఎంపి సోని ఐఎంఎక్స్920 ప్రైమరీ కెమెరా, 50ఎంపి అల్ట్రావైడ్ లెన్స్ ఉన్నాయి.
బ్యాటరీ: iQOO Neo 9s Pro లో పవర్ బ్యాకప్ కోసం 5160 ఎంఏహెచ్ బ్యాటరీ ఉంది. ఇది 120 వాట్ ఫాస్ట్ చార్జింగ్ కి సపోర్ట్ చేస్తుంది. పూర్తిగా చార్జ్ అయ్యేందుకు కేవలం కొన్ని నిమిషాల సమయం పడుతుంది.
ఓఎస్: iQOO Neo 9s Pro డివైజ్ ఆండ్రాయిడ్ 14 ఓఎస్ తో లాంచ్ అయ్యింది.
ఇతర ఫీచర్లు: iQOO Neo 9s Pro లో డ్యూయల్ సిమ్, 5జీ, 4జీ, బ్లూటూత్, వై-ఫై, ఇన్-డిస్ప్లే ఫింగర్ప్రింట్ స్కానర్ ఉన్నాయి.
