తక్కువ ధరలో ఫోన్లను అందిస్తూ, లో-బడ్జెట్ మార్కెట్ లో పట్టు కోసం ప్రయత్నిస్తోన్న Itel సంస్థ త్వరలో Itel A70 అనే ఫోన్ ని లాంచ్ చేయబోతోంది. ఈ ఫోన్ తాజాగా గూగుల్ ప్లే కన్సోల్ పై కనిపించిందని TheTechOutlook ఒక కథనాన్ని ప్రచురించింది. దీంతో Itel A70 ఫోన్ కి సంబంధించిన ప్రధాన స్పెసిఫికేషన్స్, ఫోన్ ఫ్రంట్ లుక్ రివీల్ అయ్యాయి. మరి Itel A70 డివైజ్ గూగుల్ ప్లే కన్సోల్ వివరాలు, స్పెసిఫికేషన్స్ ఎలా ఉన్నాయో తెలుసుకుందాం పదండి.
గూగుల్ ప్లే కన్సోల్ పై కనిపించిన Itel A70
త్వరలో లాంచ్ కాబోయే Itel A70 డివైజ్ గూగుల్ ప్లే కన్సోల్ పై కనిపించింది. దీంతో ప్రధాన స్పెసిఫికేషన్స్, ఫోన్ ఫ్రంట్ లుక్ రివీల్ అయ్యాయి. A665L అనే మోడల్ నంబర్ తో Itel A70 కన్సోల్ పై లిస్ట్ అయ్యింది. స్ప్రెడ్ట్రమ్ టీ603 చిప్సెట్ ని ఈ ఫోన్ లో వాడినట్లు లిస్ట్ ద్వారా తెలుస్తోంది. 4జిబి ర్యామ్ వేరియంట్ ఉంటుందని లిస్ట్ ద్వారా వెల్లడైంది.
Itel A70 లో గ్రాఫిక్స్ కోసం PowerVR GE8322 GPU వాడినట్లు లిస్ట్ లో పేర్కొనబడి ఉంది. ఇక డిస్ప్లే విషయానికి వస్తే, Itel A70 డివైజ్ లో 720*1612 పిక్సెల్స్ డిస్ప్లే, 320 xhdpi (Extra High Dots Per Inch) పిక్సెల్ డెన్సిటీ ఉంటాయని లిస్ట్ ద్వారా తెలుస్తోంది.
Itel A70 ఫ్రంట్ డిజైన్
Itel A70 ఫ్రంట్ లుక్ ఇమేజ్ రివీల్ అవ్వడంతో డిజైన్ ఎలా ఉంటుందో తెలిసింది. ఫోన్ ముందువైపున వాటర్ డ్రాప్ నాచ్ ఫ్లాట్ డిస్ప్లే ఉంది. ఇంకా మందపాటి బెజెల్స్ స్క్రీన్ చుట్టూ ఉన్నాయి. టాప్ లో వాటర్ డ్రాప్ నాచ్ లో ఫ్రంట్ కెమెరా ఉంది. Itel A70 డివైజ్ కుడివైపున వాల్యూమ్ రాకర్, దాని క్రింద పవర్ బటన్ ఉన్నాయి. అయితే పవర్ బటన్ లో సైడ్-మౌంటెడ్ ఫింగర్ ప్రింట్ స్కానర్ ఇవ్వలేదు.
రానున్న రోజుల్లో Itel A70 స్మార్ట్ఫోన్ కి సంబంధించిన పూర్తి స్పెసిఫికేషన్స్, డిజైన్ మరియు లాంచ్ సమాచారం రివీల్ అయ్యే అవకాశం ఉంది.
