itel A70 స్మార్ట్ఫోన్ను ఈరోజు A-సిరీస్లో సరికొత్త డివైజ్ గా itel ప్రకటించింది. కొత్తగా లాంచైన itel A70 HD+ రిజల్యూషన్తో కూడిన 6.6-అంగుళాల డిస్ప్లేను కలిగి ఉంది. ఈ డివైజ్ 500 నిట్స్ బ్రైట్నెస్ మరియు సెల్ఫీ కెమెరాకు అనుగుణంగా వాటర్-డ్రాప్ షేప్ నాచ్ని కలిగి ఉంది. ఈ స్మార్ట్ఫోన్ 4GB RAM మరియు 256GB ఇంటర్నల్ స్టోరేజ్ ని కలిగి ఉంది. ఈ ఫోన్ ఆక్టా-కోర్ ప్రాసెసర్తో పనిచేస్తుంది. హ్యాండ్సెట్ ఆండ్రాయిడ్ 13 గో ఎడిషన్ పై పని చేస్తుంది. సరే, ఓసారి ఈ ఫోన్ యొక్క వివరణాత్మక స్పెసిఫికేషన్లను పరిశీలిద్దాం పదండి.
itel A70 ధర, లభ్యత
itel A70 ధరను కంపెనీ ఇంకా వెల్లడించలేదు. అలాగే ఏయే మార్కెట్స్ లో అందుబాటులో ఉంటుందో కూడా ఇంకా ప్రకటించలేదు. రానున్న కొన్ని రోజుల్లో ధర వివరాలు తెలిసే అవకాశం ఉంది. ఇకపోతే, ఈ స్మార్ట్ఫోన్ బ్లూ, గోల్డ్, బ్లాక్ మరియు గ్రీన్ కలర్ ఆప్షన్స్ లో లభిస్తుంది.
itel A70 స్పెసిఫికేషన్స్
- డిస్ప్లే: itel A70 లో 6.6-ఇంచ్ డిస్ప్లే, 60హెర్ట్జ్ రిఫ్రెష్ రేట్, 90 పర్సెంట్ స్క్రీన్-టు-బాడీ రేషియో, 500 నిట్స్ బ్రైట్నెస్, 120 హెర్ట్జ్ టచ్ శాంప్లింగ్ రేట్, 20:9 యాస్పెక్ట్ రేషియో ఉంటాయి.
- ప్రాసెసర్: itel A70 లో యూనిఎస్ఓసీ టీ603 చిప్సెట్, పవర్వీఆర్ జీఈ8322 జీపీయూ ఉన్నాయి.
- మెమొరీ: itel A70 లో 3జిబి/4జిబి ర్యామ్, 128జిబి/256జిబి స్టోరేజీ ఉన్నాయి.
- సాఫ్ట్వేర్: itel A70 డివైజ్ ఆండ్రాయిడ్ 13 గో ఎడిషన్ పై పని చేస్తుంది.
- కెమెరా: itel A70 లో 13ఎంపి ప్రైమరీ కెమెరా, 0.3 ఎంపి సెకండరీ లెన్స్ ఉన్నాయి. సెల్ఫీస్, వీడియో కాల్స్ కోసం 8ఎంపి ఫ్రంట్ కెమెరా ఉన్నాయి.
- బ్యాటరీ: itel A70 లో పవర్ బ్యాకప్ కోసం 5,000 ఎంఏహెచ్ బ్యాటరీ అందించారు.
- ఇతర ఫీచర్లు: itel A70 లో 4జీ ఎల్టీఈ సపోర్ట్, 3.5ఎంఎం ఆడియో జాక్, బ్లూటూత్ 5.0, జీపీఎస్, యూఎస్బీ టైప్-సీ పోర్ట్ ఉన్నాయి.