హైదరాబాద్, బెంగళూరు నగరాల్లో Jio True 5G సేవలు ప్రారంభం

హైలైట్స్

• హైదరాబాద్ మరియు బెంగళూరు నగరాలకు విస్తరించిన Jio Welcome Offer
• 6 నగరాల్లో ఇప్పటికే మొదలైన బీటా ట్రయల్ ప్రోగ్రామ్ విజయవంతమైనట్లు ప్రకటించిన జియో
• Welcome Offer ఆహ్వానం అందుకున్న వారు 1 జీబీపీఎస్ వరకు 5జీ వేగాన్ని అనుభూతి చెందవచ్చని తెలిపిన Jio

Jio True 5G వెల్కమ్ ఆఫర్ సేవలు తొలిదశలో ఢిల్లీ, ముంబై, చెన్నై, కోల్‌కాతా, వారణాసి, నథ్వారా నగరాల్లో ప్రారంభమయ్యాయి. భారతదేశపు అతిపెద్ద టెలీకామ్ నెట్వర్క్ అయిన జియో తన బీటా ట్రయల్ ప్రోగ్రామ్ ని ఇతర నగరాలకు కూడా విస్తరింపజేస్తోంది. తాజాగా హైదరాబాద్, బెంగళూరు నగరాలకు Jio True 5G సేవలు వచ్చేశాయి. ఇప్పటి వరకు జనాల నుంచి స్పందన బాగుందని కంపెనీ తెలిపింది. ఈ ట్రయల్ వల్లన కస్టమర్స్ యొక్క ఫీడ్‌బ్యాక్ తెలుసుకోవడం ద్వారా జియో గ్లోబల్ గా దృఢమైన 5జీ నెట్వర్క్ ని అందించే అవకాశం ఉంటుందని జియో చెబుతోంది.

జియో యూజర్లు 500 ఎంబీపీఎస్ నుంచి 1 జీబీపీఎస్ స్పీడ్స్ ని తమ 5జీ స్మార్ట్ ఫోన్స్ పై రిసీవ్ చేసుకుంటున్నారని సమాచారం. మై జియో అప్లికేషన్ ద్వారా ప్రత్యేక ఆహ్వానం పొందిన వారికి జియో ట్రూ 5జీ వెల్కమ్ ఆఫర్ ని వాడుకునే వీలుంది.

హైదరాబాద్ మరియు బెంగళూరుల్లో Jio True 5G

Jio True 5G నెట్వర్క్ హైదరాబాద్ మరియు బెంగళూరు నగరాల్లో 2022 నవంబర్ 10 నుంచి అందుబాటులోకి వచ్చింది. ఈ బీటా ట్రయల్ ఆఫర్ కేవలం కొంతమంది ఎంపిక చేయబడిన కస్టమర్లకు మాత్రమే అందుబాటులో ఉంటుంది. జియో వెల్కమ్ ఆఫర్ ద్వారా యూజర్లు 1 జీబీపీఎస్+ వేగంతో అపరిమిత 5జీ డేటాను పొందుతారు. 5జీ నెట్వర్క్ అందుబాటులో ఉన్న ప్రాంతాల్లో ఉన్న వినియోగదారులకు ఈ వెల్కమ్ ఇన్విటేషన్ ని జియో పంపుతున్నట్లు తెలుస్తోంది.

Jio True 5G వల్లన మూడు విధాలుగా లాభాలున్నాయని చెబుతున్నారు. దీంతో ఉత్తమమైన స్పీడ్స్ ని అందించే అవకాశం ఉంటోంది. మొదటిది, జియోకే సొంతమైన స్టాండలోన్ 5జీ ఆర్కిటెక్చర్ (అంటే ఇప్పటికే ఉన్న 4జీ నెట్వర్క్ పై ఆధారపడకుండా సెపరేట్ గా 5జీ ఆర్కిటెక్చర్ అందే సేవలు), రెండోది: జియో వద్ద ఉన్న 700MHz, 3500MHz, 26MHz బ్యాండ్స్. మూడోది: తేలికగా కరియర్ అగ్రగేషన్ ని 5జీ ఫ్రీక్వెన్సీకి అనుగుణంగా మలిచి ఒకే దృఢమైన డేటా హైవే రూపొందించడం. ఈ మూడింటి వల్లన జియో మెరుగైన, నాణ్యమైన 5జీ సేవలను అందించగల్గుతుంది.

ఎవరైతే వెల్కమ్ ఆఫర్ ని రిసీవ్ చేసుకుంటారో వారు జియో 5జీ సేవలు పొందేందుకు నమోదు చేసుకోవాల్సి ఉంటుంది. జియో యాప్ లో పై భాగాన వెల్కమ్ ఇన్విటేషన్ కి సంబంధించిన బ్యానర్ కనిపిస్తుంది. అది కనుక కనిపించకుంటే మీకు ఇంకా వెల్కమ్ ఇన్విటేషన్ రోలౌట్ చేయలేదని అర్థం. ఇన్విటేషన్ వచ్చిన వారు బ్యానర్ పై క్లిక్ చేసి ఐ యామ్ ఇంటెరెస్టెడ్ బటన్ ని క్లిక్ చేయాల్సి ఉంటుంది.