హైలైట్స్:
- Jio Air Fiber ఒక 5జీ హాట్స్పాట్ డివైజ్, ఏజీఎమ్ 2022 సమావేశంలో ప్రకటించిన జియో
- ఎటువంటి వైర్లు లేకుండా ఫైబర్ వంటి 5జీ స్పీడ్స్ ని అందించగలిగే జియో ఎయిర్ ఫైబర్
- క్లౌడ్ గేమింగ్, ఇమ్మర్సివ్ స్పోర్ట్స్ వ్యూయింగ్, జియో క్లౌడ్ పీసీ వంటి సేవలకు ఉపయుక్తం కానున్న జియో ఎయిర్ ఫైబర్
జియో ఎయిర్ ఫైబర్ ని రిలయన్స్ యాన్యువల్ జనరల్ మీటింగ్ 2022 సమావేశంలో ప్రకటించారు. అల్ట్రా-హై-స్పీడ్ ఫిక్స్డ్ బ్రాడ్ బ్యాండ్ సొల్యూషన్ అయిన ఈ డివైజ్ ఫైబర్ వంటి స్పీడ్స్ ని ఎటువంటి వైర్లు లేకుండానే అందిస్తుంది. గిగాబిట్-స్పీడ్ ఇంటర్నెట్ కోసం ఈ డివైజ్ ని ఇంట్లో లేదా కార్యాలయంలో వాడుకోవచ్చని ఏజీఎం 2022 లో ఆకాశ్ అంబాని తెలిపారు. జియో ఎయిర్ ఫైబర్ తేలిగ్గా వాడుకోగలిగే ప్లగ్-అండ్-ప్లే డివైజ్. దీని ద్వారా క్లౌడ్ గేమింగ్, ఇమ్మర్సివ్ స్పోర్ట్స్ వ్యూయింగ్, తదితర వాటి కోసం వైర్లెస్ 5జీ కనెక్టివిటీని జియో ఎయిర్ ఫైబర్ ద్వారా పొందవచ్చు.
Jio Air Fiber అంటే ఏంటి?
జియో ఎయిర్ ఫైబర్ ఒక వైర్లెస్ ప్లగ్-అండ్-ప్లే 5జీ హాట్స్పాట్. దీన్ని ఇల్లు లేదా ఆఫీస్ యందు వాడుకోవచ్చు. ఏజీఎం 2022 లో ఈ పోర్టబుల్ డివైజ్ ని జియో పరిచయం చేశారు. ఈ డివైజ్ ని ఎక్కడి నుంచైనా యాక్సెస్ అయి, స్విచ్ ఆన్ చేయవచ్చు. దీంతో ఫైబర్-లైక్ బ్రాడ్ బ్యాండ్ స్పీడ్స్ ని వైర్లెస్ గా పొందవచ్చు.
Jio Air Fiber డివైజ్ ని ఏ సందర్భాల్లో వాడవచ్చు?
జియో ఎయిర్ ఫైబర్ డివైజ్ ద్వారా 5జీ స్పీడ్స్ ని పొందవచ్చు. దీంతో క్లౌడ్ గేమింగ్, ఆగ్మెంటెడ్ రియాల్టీ, ఇమ్మర్సివ్ స్పోర్ట్స్ కంటెంట్ చూడటం వంటి సందర్భాల్లో హై-డేటా స్పీడ్స్ ఉపయోగపడతాయి. ఒక స్పోర్టింగ్ ఈవెంట్ ని మల్టీపుల్ కెమెరా యాంగిల్స్ లో హై-డెఫినిషన్ లో ఎలా చూడవచ్చో జియో ప్రజెంట్ చేసింది.
జియో ఎయిర్ ఫైబర్ ఉంటే యూజర్లకు కంప్యూటర్ హార్డ్ వేర్ ని కొనే పనిలేదు. దీంతో ఆ ఖర్చుని అధిగమించినట్లే. మరి ఎలా కంప్యూటర్ కి యాక్సెస్ అవ్వవచ్చో తెలుసుకుందాం. జియో క్లౌడ్ పీసీ ద్వారా వర్చువల్ పీసీ కి కనెక్ట్ కావచ్చు. దీంతో కంప్యూటర్ లో చేేసే పనులను వర్చువల్ పీసీ లో చేయవచ్చు. అవసరమైనప్పుడు కనెక్ట్ అవ్వడానికి ఇంటర్నెట్ కనెక్షన్ ఉంటే సరిపోతుంది.
Jio Air Fiber ఎప్పుడు లాంచ్ అవుతుంది?
జియో ఎయిర్ ఫైబర్ 5జీ హాట్ స్పాట్ డివైజ్ ఎప్పుడు లాంచ్ అవుతుందో జియో ప్రకటించలేదు. 2022 దీపావళికి దేశంలోని పలు ఎంపిక చేయబడిన నగరాలకు 5జీ సేవలను అందించాలని జియో ప్లాన్ చేస్తోంది. తర్వాత కొన్ని నెలలకు 5జీ సేవలు విస్తృతం కానున్నాయి. 5జీ సేవలు అందుబాటులోకి వచ్చే నగరాల్లో జియో ఎయిర్ ఫైబర్ డివైజ్ ని సేల్ కి తీసుకు వచ్చే అవకాశముంది. అంటే దీపావళి తర్వాతే జియో ఎయిర్ ఫైబర్ పరికరం అందుబాటులోకి వస్తుంది.