స్వదేశీ స్మార్ట్ ఫోన్ బ్రాండ్ లావా సంస్థ భారత్ లో తాజాగా అగ్ని స్మార్ట్ ఫోన్ సక్సెసర్, కొత్త Lava Agni 2 5G డివైజ్ ని లాంచ్ చేసింది. Lava Agni 2 5G డివైజ్ గ్రీన్-కలర్ తో ఉన్న కర్వ్డ్ రియర్ ప్యానెల్, భారీ సర్క్యులర్ కెమెరా మాడ్యూల్ ని కలిగి ఉంది. 3డీ డ్యూయల్ కర్వ్డ్ అమోలెడ్ ప్యానెల్ తో వచ్చిన చవకైన స్మార్ట్ ఫోన్ గా Lava Agni 2 5G నిలవనుంది. ఇదివరకు ఈ పేరు Realme 10 Pro Plus కి ఉండేది. ఇకపోతే Lava Agni 2 5G డివైజ్ మీడియాటెక్ డైమెన్సిటీ 7050 చిప్సెట్ తో వచ్చింది. సరే, Lava Agni 2 5G డివైజ్ స్పెసిఫికేషన్స్, సేల్ తేదీ, ఫీచర్స్, ఆఫర్లు తదితర వివరాలు తెలుసుకుందాం పదండి.
భారత్ లో Lava Agni 2 5G ధర, సేల్ వివరాలు
Lava Agni 2 5G డివైజ్ 8జిబి ర్యామ్, 256జిబి స్టోరేజీ సింగిల్ వేరియంట్ లో లాంచ్ అయ్యింది. దీని ధర రూ.21,999 గా ఉంది. ఇంట్రడక్టరీ ఆఫర్ క్రింద యూజర్లు ఈ ఫోన్ పై రూ.2,000 డిస్కౌంట్ పొందనున్నారు. ఈ డిస్కౌంట్ అన్ని ప్రముఖ బ్యాంక్ క్రెడిట్ మరియు డెబిట్ కార్డ్స్ పై వర్తిస్తుంది. దీంతో Lava Agni 2 5G ధర రూ.19,999 కి తగ్గనుంది.
Lava Agni 2 5G డివైజ్ మే 24 వ తేదీన ఉదయం 10 గంటల నుంచి అమెజాన్ ద్వారా సేల్ కి రానుంది. ఈ ఫోన్ గ్రీన్ కలర్ లో అందుబాటులో ఉండనున్నట్లు తెలుస్తోంది.
Lava Agni 2 5G స్పెసిఫికేషన్స్
డిస్ప్లే
- 3డీ డ్యూయల్ కర్వ్డ్ అమోలెడ్
- 120 హెర్ట్జ్ రిఫ్రెష్ రేట్
Lava Agni 2 5G స్మార్ట్ ఫోన్ గ్లాస్-బ్యాక్ డిజైన్ తో వచ్చింది. ఈ ఫోన్ లో 6.78-ఇంచ్ 3డీ డ్యూయల్ కర్వ్డ్ అమోలెడ్ డిస్ప్లే, ఫుల్ హెచ్డీ+ ప్యానెల్, 120 హెర్ట్జ్ రిఫ్రెష్ రేట్, 1.07 బిలియన్ కలర్ డెప్త్, హెచ్డీఆర్, హెచ్డీఆర్ 10, హెచ్డీఆర్ 10+, వైడ్వైన్ ఎల్1 ఉన్నాయి.
చిప్సెట్, ర్యామ్, స్టోరేజీ
- డైమెన్సిటీ 7050
- 8జిబి ర్యామ్
- 256జిబి స్టోరేజీ
Lava Agni 2 5G స్మార్ట్ ఫోన్ లో మీడియాటెక్ డైమెన్సిటీ 7050 చిప్సెట్, 8జిబి ర్యామ్, 256జిబి స్టోరేజీ, 8జిబి వర్చువల్ ర్యామ్, ఆండ్రాయిడ్ 13 ఓఎస్ ఉన్నాయి. లావా కంపెనీ రెండేళ్ళ పాటు ఆండ్రాయిడ్ అప్డేట్స్, మూడేళ్ళ పాటు సెక్యూరిటీ ప్యాచెస్ హామినిస్తోంది.
కనెక్టివిటీ, బ్యాటరీ
- 5జీ
- 4700ఎంఏహెచ్
- 67 వాట్
Lava Agni 2 5G స్మార్ట్ ఫోన్ లో 13 5జీ బ్యాండ్స్ కి సపోర్ట్ ఉంది. డ్యూయల్ సిమ్, బ్లూటూత్, వై-ఫై, జీపీఎస్, 5జీ, 4జీ వంటి కనెక్టివిటీ ఆప్షన్స్ ఉన్నాయి. ఇన్-డిస్ప్లే ఫింగర్ ప్రింట్ స్కానర్ ని ఈ ఫోన్ లో అందించారు. పవర్ బ్యాకప్ కోసం ఈ ఫోన్ లో 4700ఎంఏహెచ్ బ్యాటరీ, 67 వాట్ ఫాస్ట్ చార్జింగ్ సపోర్ట్ ఉన్నాయి.
కెమెరా విభాగం
- 50ఎంపి రియర్ కెమెరా
- 8ఎంపి అల్ట్రావైడ్ కెమెరా
Lava Agni 2 5G లో 50ఎంపి క్వాడ్ కెమెరా సెటప్ ఉంది. అయితే లావా సంస్థ అన్ని కెమెరా సెన్సర్స్ వివరాలను వెల్లడించలేదు. కానీ, రూమర్స్ ని బట్టి, ఇందులో 50ఎంపి మెయిన్ కెమెరా, 8ఎంపి అల్ట్రావైడ్ కెమెరా, 2ఎంపి సెన్సర్ ఉంటుందని సమాచారం.