ప్రముఖ స్వదేశీ స్మార్ట్ఫోన్ బ్రాండ్ Lava త్వరలో అగ్ని సిరీస్ లో తన తదుపరి ఫోన్ని లాంచ్ చేయనుంది. Lava Agni 3 పేరుతో ఈ డివైజ్ మార్కెట్ లోకి అడుగుపెట్టనుంది. తాజాగా ఈ ఫోన్ యొక్క లాంచ్ తేదీని ప్రకటించిన లావా సంస్థ, ఆ తర్వాత Lava Agni 3 వీడియోను రివీల్ చేసింది. సరికొత్త లుక్ తో వస్తోన్న ఈ ఫోన్ యూజర్లను ఆకట్టుకునే విధంగా ఉంది. కర్వ్డ్ డిస్ప్లే, అద్భుతమైన బ్యాక్ ప్యానెల్ డిజైన్ ప్రధాన ఆకర్షణగా నిలుస్తున్నాయి. సరే, ఓసారి అగ్ని 3 వీడియో విశేషాలను ఇప్పుడు తెలుసుకుందాం.
Lava Agni 3 వీడియో విడుదల
Lava Agni 3 కి సంబంధించిన వీడియోలో డివైజ్ బ్యాక్ ప్యానెల్ పై 3 కెమెరాలు కనిపిస్తున్నాయి. 50ఎంపి ఓఐఎస్ కెమెరా అని కూడా రాసి ఉంది. బ్యాక్ ప్యానెల్ పై డ్యూయల్ ఎల్ఈడీ ఫ్లాష్ కనిపిస్తోంది.
లౌడ్ స్పీకర్ గ్రిల్, సిమ్ స్లాట్, యూఎస్బీ టైప్-సీ పోర్ట్ ఫోన్కి బాటమ్ లో ఉన్నాయి. డిస్ప్లే సైజ్ వివరాలు ఇంకా తెలియదు. అయితే కర్వ్డ్ స్క్రీన్ ఉన్నట్లు తెలుస్తోంది.
టీజర్ వీడియో ప్రకారం, Lava Agni 3 డివైజ్ గోల్డెన్, బ్లాక్ మరియు బ్లూ కలర్స్ లో లాంచ్ కానుందని అర్థమవుతోంది.
AGNI 3: Launching on Oct 4th at 12 PM. 🚀 Get ready to #BurnTheRules#AGNI3ComingSoon #ProudlyIndian pic.twitter.com/hbIRv4GXMG
— Lava Mobiles (@LavaMobile) September 29, 2024
Lava Agni 3 స్పెసిఫికేషన్స్
Lava Agni 3 స్పెసిఫికేషన్స్ విషయానికి వస్తే, ఇంకా అధికార సమాచారం లేదీ లేదు. కానీ, వీడియోను గమనిస్తే, 50ఎంపి ఓఐఎస్ కెమెరాతో వస్తున్నట్లు తెలుస్తోంది. అలాగే డాల్బీ అట్మాస్ సపోర్ట్ కూడా ఉంటుందని టీజర్ ద్వారా రీవీల్ అయ్యింది.
లావా సంస్థ ఇంకా స్పెసిఫికేషన్స్ రివీల్ చేయాల్సి ఉంది. అయితే లీక్స్ ప్రకారం, Lava Agni 3 డివైజ్ మీడియాటెక్ డైమెన్సిటీ 7300 చిప్సెట్ తో వస్తున్నట్లు తెలుస్తోంది. ఈ చిప్సెట్ను ఇటీవలె లాంచైన Nothing CMF Phone 1 లో కూడా వాడారు.
Lava Agni 3 స్మార్ట్ఫోన్ 6.78-ఇంచ్ ఫుల్హెచ్డీ+ స్క్రీన్, 120 హెర్ట్జ్ రిఫ్రెష్ రేట్ తో వస్తుందని సమాచారం. ఈ ఫోన్ బ్యాక్ ప్యానెల్ పై ఒక డిస్ప్లేతో వస్తున్నట్లు టాక్ వినిపిస్తోంది. కంపెనీ ఈ ఫోన్ లో అందించబోయే సెకండరీ స్క్రీన్ ద్వారా నోటిఫికేషన్స్, ఇమేజ్ క్లికింగ్ వంటి ఎన్నో ఇతర పనులను చేసుకునే అవకాశం ఉంటుంది.
మెమొరీ విషయానికి వస్తే, Lava Agni 3 లో 8జిబి ర్యామ్, 256జిబి స్టోరేజీ ఉంటాయని సమాచారం.
AGNI 3: The wait is almost over! 👀 Launch date drops in 2 hours!#BurnTheRules #AGNI3ComingSoon #ProudlyIndian pic.twitter.com/hbafEsvt5O
— Lava Mobiles (@LavaMobile) September 29, 2024
Lava Agni 3 స్పెసిఫికేషన్స్ (అంచనా)
డిస్ప్లే: Lava Agni 3 5G లో 6.78-ఇంచ్ పంచ్ హోల్ ఓఎల్ఈడీ స్క్రీన్, 1.5కే పిక్సెల్స్ రెజుల్యూషన్, 120 హెర్ట్జ్ రిఫ్రెష్ రేట్, కార్నింగ్ గొరిల్లా గ్లాస్ 5 ఉంటాయి.
ప్రాసెసర్: Lava Agni 3 5G లో మీడియాటెక్ డైమెన్సిటీ 7200 ప్రాసెసర్ ఉంటుంది. ఇది 4 నానోమీటర్ ఫ్యాబ్రికేషన్స్ పై తయారైంది. దీని హయ్యస్ట్ క్లాక్ స్పీడ్ 2.5 గిగాహెర్ట్జ్.
ర్యామ్, స్టోరేజీ: Lava Agni 3 5G స్మార్ట్ఫోన్ 8జిబి ఎల్పీడీడీఆర్4ఎక్స్ ర్యామ్, 256జిబి యూఎఫ్ఎస్ 3.1 స్టోరేజీ, 8జిబి వర్చువల్ ర్యామ్ తో వస్తోంది.
కెమెరా: Lava Agni 3 5G లో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి సోని ఓఐఎస్ కెమెరా, 8ఎంపి అల్ట్రావైడ్ లెన్స్, 2ఎంపి మ్యాక్రో కెమెరా ఉంటాయి. సెల్ఫీస్, వీడియో కాల్స్ కోసం 16ఎంపి ఫ్రంట్ కెమెరా ఉంటుంది.
బ్యాటరీ, చార్జింగ్: Lava Agni 3 5G లో పవర్ బ్యాకప్ కోసం 4,700 ఎంఏహెచ్ బ్యాటరీ ఉంటుంది. ఇది 67 వాట్ ఫాస్ట్ చార్జింగ్ సపోర్ట్ తో వస్తోంది.
