ప్రముఖ స్వదేశీ స్మార్ట్ఫోన్ బ్రాండ్ Lava ఈ నెలలోనే Blaze 3 5G ఫోన్ని లాంచ్ చేసింది. తక్కువ బడ్జెట్ లో మంచి ఫీచర్లతో ఈ ఫోన్ వచ్చింది. ఇప్పుడు Lava Agni 3 పేరుతో మరొక ఫోన్ని లాంచ్ చేసేందుకు లావా సిద్ధమవుతోంది. ఇది లావా అగ్ని 2 కి సక్సెసర్ గా రానుంది. తాజాగా Lava Agni 3 యొక్క టీజర్ ను కంపెనీ విడుదల చేసింది. టీజర్ విశేషాలను ఇప్పుడు తెలుసుకుందాం.
Lava Agni 3 టీజర్
Lava Agni 3 టీజర్ను లావా బ్రాండ్ హెడ్ సునీల్ రైనా తన X ఖాతాలో షేర్ చేశారు. పోస్ట్ గమనిస్తే, అందులో ఫైర్ ఎమోజీలు, పవర్ సింబల్ ఉన్నాయి.
Lava Agni 3 స్మార్ట్ఫోన్ గత మోడల్ అగ్ని 2 కి సక్సెసర్ గా లాంచ్ కానుంది. అగ్ని 2 కర్వ్డ్ డిస్ప్లేతో వచ్చింది.
— Sunil Raina (@reachraina) September 25, 2024
Lava Agni 3 కి సంబంధించిన మరొక పోస్ట్ లావా అఫీషియల్ హ్యాండిల్ పై కూడా కనిపించింది. దీంతో త్వరలోనే ఈ ఫోన్ లాంచ్ ఉంటుందని అర్థమవుతోంది.
🔥🔥🔥
It’s coming.#ProudlyIndian pic.twitter.com/7mKyuvZW8J
— Lava Mobiles (@LavaMobile) September 24, 2024
Lava Agni 3 డివైజ్ యొక్క లాంచ్ తేదీ, డిజైన్ మరియు స్పెసిఫికేషన్స్ రానున్న రోజుల్లో రివీల్ అయ్యే అవకాశం ఉంది.
గతంలో మాదిరే, Lava Agni 3 కూడా ఈ-కామర్స్ ప్లాట్ఫామ్ అమెజాన్ ద్వారా సేల్ కి వచ్చే అవకాశం ఉంది. దీనిపై ఇంకా స్పష్టత రావాల్సి ఉంది. ఇప్పుడొకసారి, ఇటీవలె లాంచైన లావా బ్లేజ్ 3 5జీ యొక్క స్పెసిఫికేషన్స్ చూద్దాం.
Lava Blaze 3 5G స్పెసిఫికేషన్స్
డిస్ప్లే: Lava Blaze 3 5G లో 6.56-ఇంచ్ హెచ్డీ+ స్క్రీన్, ఎల్సీడీ ప్యానెల్, పంచ్ హోల్ కటౌట్, 90 హెర్ట్జ్ రిఫ్రెష్ రేట్ ఉన్నాయి.
ప్రాసెసర్: Lava Blaze 3 5G లో మీడియాటెక్ డైమెన్సిటీ 6300 చిప్సెట్ ఇచ్చారు. దీని హయ్యస్ట్ క్లాక్ స్పీడ్ 2.4 గిగాహెర్ట్జ్. అంటుటు స్కోర్ 4,10,000.
ర్యామ్, స్టోరేజీ: Lava Blaze 3 5G డివైజ్ 6జిబి ర్యామ్ + 128జిబి యూఎఫ్ఎస్ 2.2 స్టోరేజీకి సపోర్ట్ చేస్తుంది. 6జిబి వర్చువల్ ర్యామ్ ఫీచర్ను ఈ ఫోన్ లో అందించారు. దీంతో యూజర్కి గరిష్టంగా 12జిబి వరకు ర్యామ్ పవర్ లభిస్తుంది.
కెమెరా: Lava Blaze 3 5G లో డ్యూయల్ రియర్ కెమెరా సెటప్ ఉంది. ఇందులో 50ఎంపి ప్రైమరీ కెమెరా, 2ఎంపి ఏఐ లెన్స్ అందించారు. సెల్ఫీస్, వీడియో కాల్స్ కోసం ఈ ఫోన్ లో 8ఎంపి ఫ్రంట్ కెమెరా ఇచ్చారు.
బ్యాటరీ, చార్జింగ్: Lava Blaze 3 5G లో పవర్ బ్యాకప్ కోసం 5000 ఎంఏహెచ్ బ్యాటరీ ఇచ్చారు. ఇది 18 వాట్ ఫాస్ట్ చార్జింగ్ కి సపోర్ట్ చేస్తుంది.
సాఫ్ట్వేర్: Lava Blaze 3 5G డివైజ్ ఆండ్రాయిడ్ 14 ఓఎస్ తో లాంచ్ అయ్యింది.
ఇతర ఫీచర్లు: Lava Blaze 3 5G లో డ్యూయల్ సిమ్, 5జీ, 4జీ, వై-ఫై, బ్లూటూత్ వంటి ఆప్షన్స్ ఉన్నాయి.