ప్రముఖ స్వదేశీ స్మార్ట్ఫోన్ బ్రాండ్ Lava నేడు భారతీయ మార్కెట్ లో కొత్త 4జీ ఫోన్ లాంచ్ చేసింది. Lava Yuva Star 4G పేరుతో ఈ ఫోన్ విడుదలైంది. రూ.6499 తో చాలా తక్కువ ధరకే వచ్చిన ఈ ఫోన్ లో 8జిబి వరకు ర్యామ్, 6.75-ఇంచ్ హెచ్డీ+ డిస్ప్లే, 13ఎంపి రియర్ కెమెరా అందించారు. ఓసారి ఈ ఫోన్ యొక్క పూర్తి స్పెసిఫికేషన్స్ మరియు సేల్ వివరాలు తెలుసుకుందాం.
Lava Yuva Star 4G ధర, లభ్యత
Lava Yuva Star 4G డివైజ్ 4జిబి ర్యామ్ + 64జిబి స్టోరేజీని ఆఫర్ చేస్తుంది. దీని ధరను రూ.6,499 గా పెట్టారు. భారత్ లోని రిటైల్ ఔట్లెట్స్ ద్వారా ఈ ఫోన్ కొనుగోలు చేయవచ్చు.
Lava Yuva Star 4G డివైజ్ ప్రీమియమ్ గ్లాసీ బ్యాక్ డిజైన్ తో వచ్చింది. వైట్, బ్లాక్ మరియు లావెండర్ కలర్స్ లో ఈ ఫోన్ లభిస్తుంది.
Lava Yuva Star 4G స్పెసిఫికేషన్స్
డిస్ప్లే: Lava Yuva Star 4G లో 6.75-ఇంచ్ హెచ్డీ+ స్క్రీన్, 60 హెర్ట్జ్ రిఫ్రెష్ రేట్ ఉన్నాయి.
చిప్సెట్: Lava Yuva Star 4G డివైజ్ లో యూనిఎస్ఓసీ 9863ఏ ఆక్టా-కోర్ చిప్సెట్ వాడారు.
ఆపరేటింగ్ సిస్టమ్: Lava Yuva Star 4G డివైజ్ ఆండ్రాయిడ్ 14 గో ఎడిషన్ పై పని చేస్తుంది.
మెమొరీ: Lava Yuva Star 4G డివైజ్ 4జిబి ర్యామ్, 64జిబి స్టోరేజీని ఆఫర్ చేస్తుంది. ఈ ఫోన్ లో 4జిబి వర్చువల్ ర్యామ్ అందించారు. దీంతో యూజర్కి 8జిబి వరకు ర్యామ్ పవర్ లభిస్తుంది.
కెమెరా: Lava Yuva Star 4G లో డ్యూయల్ రియర్ కెమెరా సెటప్ ఉంది. ఇందులో 13ఎంపి ప్రైమరీ కెమెరా, ఏఐ సెకండరీ లెన్స్, ఎల్ఈడీ ఫ్లాష్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 5ఎంపి ఫ్రంట్ కెమెరా అందించారు.
బ్యాటరీ: Lava Yuva Star 4G లో పవర్ బ్యాకప్ కోసం 5000 ఎంఏహెచ్ బ్యాటరీ ఇచ్చారు. ఇది 10 వాట్ ఫాస్ట్ చార్జింగ్ కి సపోర్ట్ చేస్తుంది.
కనెక్టివిటీ: Lava Yuva Star 4G లో డ్యూయల్ సిమ్, 4జీ, బ్లూటూత్, వై-ఫై వంటి ఆప్షన్స్ ఉన్నాయి.
ఇతర ఫీచర్లు: Lava Yuva Star 4G లో సైడ్ మౌంటెడ్ ఫింగర్ ప్రింట్ స్కానర్, ఫేస్ అన్లాక్ ఫీచర్ ఉన్నాయి.