ప్రముఖ స్వదేశీ స్మార్ట్ఫోన్ బ్రాండ్ Lava త్వరలో భారతీయ మార్కెట్ లో కొత్త 4జీ ఫోన్ లాంచ్ చేయనుంది. Lava Yuva Star 4G పేరుతో ఈ డివైజ్ విడుదల కానుంది. రూ.6,000 లోపు బడ్జెట్ లో ఈ ఫోన్ లాంచ్ అవుతుండటం విశేషం. తాజాగా ఈ ఫోన్ యొక్క ధర మరియు పూర్తి స్పెసిఫికేషన్స్ రివీల్ అయ్యాయి. మరో విషయం ఏంటంటే, ఈ ఫోన్ రిటైల్ బాక్స్ కూడా బయటకు వచ్చింది. ఈ స్మార్ట్ఫోన్ ఆఫ్లైన్ స్టోర్స్ ద్వారా అందుబాటులో ఉంటుందని సమాచారం. సరే, ఓసారి స్పెసిఫికేషన్స్ మరియు ధర వివరాలు తెలుసుకుందాం.
Lava Yuva Star 4G డిజైన్ (లీక్)
Lava Yuva Star 4G డివైజ్ యొక్క డిజైన్, ధర మరియు స్పెసిఫికేషన్స్ ను ప్రముఖ టిప్స్టర్ పారస్ గుగ్లాని రివీల్ చేశారు. అతడు షేర్ చేసిన ఇమేజ్ గమనిస్తే, ఫోన్ ఫ్లాట్ ఎడ్జెస్, గ్లాసీ ఫినిష్డ్ బ్యాక్ ప్యానెల్, డ్యూయల్ రియర్ కెమెరా సెటప్, ఎల్ఈడీ ఫ్లాష్ ఉన్నాయి.
Ok!!
Lava Yuva Star 4G retail at ₹5,999 confirmed ✅✅🇮🇳#Lava #Proudlyindian https://t.co/9Gta8T5tvN pic.twitter.com/bdXT1uNPhE
— Paras Guglani (@passionategeekz) August 5, 2024
Lava Yuva Star 4G స్పెసిఫికేషన్స్ (లీక్)
డిస్ప్లే: Lava Yuva Star 4G లో 6.75-ఇంచ్ హెచ్డీ+ స్క్రీన్, 60 హెర్ట్జ్ రిఫ్రెష్ రేట్ ఉంటాయి.
ప్రాసెసర్: లీక్ ప్రకారం, Lava Yuva Star 4G డివైజ్ లో ఆక్టా-కోర్ చిప్సెట్ ఉంటుంది. అయితే చిప్ పేరు ఇంకా తెలియదు.
ర్యామ్, స్టోరేజీ: Lava Yuva Star 4G డివైజ్ 4జిబి ర్యామ్, 64జిబి స్టోరేజీతో వస్తోంది. మైక్రోఎస్డీ కార్డ్ సాయంతో మెమొరీని పెంచుకునే వీలుంది.
కెమెరా: Lava Yuva Star 4G లో డ్యూయల్ రియర్ కెమెరా సెటప్ ఉంటుంది. ఇందులో 13ఎంపి ప్రైమరీ కెమెరా, సెకండరీ లెన్స్ మరియు ఎల్ఈడీ ఫ్లాష్ ఉంటాయి. సెల్ఫీస్, వీడియో కాల్స్ కోసం ఈ ఫోన్ లో 5ఎంపి ఫ్రంట్ కెమెరా ఉంటుంది.
బ్యాటరీ, చార్జింగ్: Lava Yuva Star 4G లో పవర్ బ్యాకప్ కోసం 5000 ఎంఏహెచ్ బ్యాటరీ ఉంటుంది. ఇది 10 వాట్ ఫాస్ట్ చార్జింగ్ కి సపోర్ట్ చేస్తుంది.
ఇతర ఫీచర్లు: Lava Yuva Star 4G లో డ్యూయల్ సిమ్, 4జీ, వై-ఫై, బ్లూటూత్, సైడ్-మౌంటెడ్ ఫింగర్ప్రింట్ స్కానర్, ఫేస్ అన్లాక్ ఆప్షన్స్ ఉంటాయి.
Lava Yuva Star 4G ధర (లీక్)
లీక్ ప్రకారం, Lava Yuva Star 4G డివైజ్ రూ.5,999 ధరకి రిటైల్ స్టోర్స్ ద్వారా విక్రయించబడుతుంది. ఈ ఫోన్ ఎప్పటి నుంచి ఆన్లైన్ మరియు ఆఫ్లైన్ మార్కెట్స్ లో అందుబాటులోకి వస్తుందో చూడాలి.