EV స్టార్టప్ Matter భారత్ లో మొట్టమొదటి గెయిర్డ్ ఎలక్ట్రిక్ బైక్ ని లాంచ్ చేసింది. Auto Expo 2023 లో మొదటిసారిగా ఈ బండిని కంపెనీ పరిచయం చేసింది. ఇప్పుడు Matter AERA బండిని భారత మార్కెట్ లోకి లాంచ్ చేసింది. మొత్తం నాలుగు వేరియంట్లలో Matter AERA ఎలక్ట్రిక్ బైక్ లాంచ్ అయ్యింది. అవి: Matter AERA 4000, Matter AERA 5000, Matter AERA 5000+ మరియు Matter AERA 6000+.
Matter AERA ధర
కంపెనీ ప్రకారం, Matter AERA భారతదేశపు మొట్టమొదటి గెయిర్డ్ ఎలక్ట్రిక్ బైక్ అని తెలుస్తోంది. ధర గురించి మాట్లాడితే, Matter AERA 5000 ధరను రూ.1,43,999 గా నిర్ణయించారు. ఇక Matter AERA 5000+ బండి ధర రూ.1,54,000 గా ఉంది. ఈ ధరలు కంపెనీ వెబ్ సైట్ లో పేర్కొనబడ్డాయి. Matter AERA బండిపై 3 ఏళ్ళు లేదా అపరిమిత కిలోమీటర్ల వ్యారంటీని కంపెనీ కస్టమర్ కి హామీ ఇస్తోంది. అలాగే 3 ఏళ్ళు రోడ్ సైడ్ అసిస్టెన్స్ మరియు ఏఎంసీ/లేబర్ కవరేజీ ని అందిస్తోంది.
Matter AERA 5000 మరియు Matter AERA 5000+ ఫీచర్లు
Matter AERA 5000 బైక్ లో 5kWh, 6kWh లిక్విడ్ కూల్డ్ బ్యాటరీ ప్యాక్స్ ఆప్షన్స్ అందుబాటులో ఉన్నాయి. అయితే, 6kWh బ్యాటరీ ప్యాక్ Matter AERA 6000+ మోడల్ లో మాత్రమే అందుబాటులో ఉంది. ప్రస్తుతం, కంపెనీ ఈ రెండు బ్యాటరీ ప్యాక్స్ అందించే రేంజ్ వివరాలను వెల్లడించలేదు. 5 గంటల్లో ఈ బ్యాటరీ ప్యాక్ పూర్తిగా చార్జ్ అవుతుందని కంపెనీ చెబుతోంది. ఫాస్ట్ చార్జర్ వాడితే 2 గంటల్లోనే బ్యాటరీ పూర్తిగా చార్జ్ అవుతుంది.
Matter AERA 5000 మరియు Matter AERA 5000+ బండ్లలో 10kW ఎలక్ట్రిక్ మోటర్ ని అందించారు. ఇది హైపర్షిప్ట్ 4-స్పీడ్ మాన్యువల్ గెయిర్ బాక్స్ ద్వారా పవర్ జనరేట్ చేస్తుంది. 6 సెకన్ల కన్నా తక్కువ సమయంలోనే ఈ ఎలక్ట్రిక్ బైక్ 0 నుంచి 60 కేఎంపీహెచ్ వేగాన్ని అందుకుంటుందని కంపెనీ చెబుతోంది.
Matter AERA బండిలో 7-ఇంచ్ ఎల్సీడీ టచ్ స్క్రీన్, 4జీ, వై-ఫై, బ్లూటూత్ కనెక్టివిటీ వంటి ఫీచర్లు ఉన్నాయి. వీటితో పాటు, ఒక స్మార్ట్ ఫోన్ అప్లికేషన్ కూడా ఉంది. దీని ద్వారా బైక్ కి సంబంధించిన సమాచారాన్ని యూజర్ తన ఫోన్ లో చూసుకోవచ్చు. ఈ బండిలో 4 రైడింగ్ మోడ్స్ ఉన్నాయి. 9-యాక్సిస్ ఇనెర్షియల్ మెషర్మెంట్ యూనిట్ ని ఈ బండిలో అందించారు.
భారతదేశపు మొట్టమొదటి గెయిర్డ్ ఎలక్ట్రిక్ బైక్ Matter AERA కి సంబంధించిన వివరాలు తెలుసుకున్నారు కదా? ఆసక్తి గల వారు ఈ బండిని ప్రయత్నించండి. త్వరలోనే కంపెనీ నుంచి సేల్ తేదీ, బుకింగ్స్ కి సంబంధించిన వివరాలు బయటకు రానున్నాయి.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.