లీకైన Moto G Power 5G (2024) రెండర్స్, వీడియో; రివీలైన డిజైన్!

Moto G Power 5G (2023) స్మార్ట్ ఫోన్ కి సక్సెసర్‌గా త్వరలోనే Moto G Power 5G (2024) డివైజ్ త్వరలోనే లాంచ్ కానుందని తెలుస్తోంది. ఇప్పుడు, ఆన్‌లీక్స్‌ సౌజన్యంతో MySmartPrice వెబ్‌సైట్ Moto G Power 5G (2024) కి సంబంధించిన 5K రెండర్‌లు మరియు 360-డిగ్రీల ఫోన్ వీడియోని షేర్ చేసింది. ఫోన్ వైట్ మరియు బ్లాక్ కలర్ ఆప్షన్‌లలో రావచ్చని వీడియో ద్వారా తెలుస్తోంది. సరే, ఓసారి Moto G Power 5G (2024) డివైజ్ డిజైన్, అంచనా స్పెసిఫికేషన్స్ ఎలా ఉన్నాయో తెలుసుకుందాం పదండి.

Moto G Power 5G డిజైన్

Moto G Power 5G (2024) ఇప్పటికే తెలిసిన డిజైన్ లాంగ్వేజీని కలిగి ఉన్నట్లు కనిపిస్తోంది. Moto G Power 5G (2024) డివైజ్ 167.3మి.మీ పొడవు, 76.4మి.మీ వెడల్పు, 8.5మి.మీ మందం ఉంటుందని నివేదిక ద్వారా తెలుస్తోంది. Moto G Power 5G (2024) ఫోన్ 6.7-ఇంచ్ స్క్రీన్‌ కలిగి ఉంటుందని భావిస్తున్నారు. పంచ్-హోల్ కటౌట్, ఫ్లాట్ ఎడ్జెస్, గుర్తించదగిన బెజెల్స్ ఉన్నాయి.

• వాల్యూమ్ రాకర్ మరియు పవర్ బటన్ ఫోన్‌కి కుడి వైపున ఉన్నాయి. ఎడమవైపున సిమ్ ట్రే ఉంది.
• ఫోన్ కి బాటమ్ లో యూఎస్బీ టైప్-సీ పోర్ట్, 3.5ఎంఎం ఆడియో జాక్, ప్రైమరీ మైక్రోఫోన్ మరియు స్పీకర్ గ్రిల్ ఉన్నాయి.
• వీడియో రికార్డింగ్ సమయంలో నాయిస్ క్యాన్సిలేషన్ కోసం పైన సెకండరీ మైక్రోఫోన్ ఉంది.
• వెనుక-ఎడమ మూలలో రెక్టాంగ్యులర్ మాడ్యూల్ ఉంది మరియు ఇందులో డ్యూయల్ సెన్సార్లు మరియు ఎల్ఈడీ ఫ్లాష్ ఉన్నాయి. ఐకానిక్ మోటో డింపుల్‌ను కూడా చూడవచ్చు.
• రెండర్స్ మరియు వీడియోతో తప్పితే మరే ఇతర వివరాలు బయటకు రాలేదు. ఓసారి అంచనా స్పెసిఫికేషన్స్ ఎలా ఉండనున్నాయో తెలుసుకుందాం.

Moto G Power 5G స్పెసిఫికేషన్స్ (అంచనా)

• డిస్ప్లే: Moto G Power 5G లో 6.5-ఇంచ్ ఫుల్ హెచ్డీ+ స్క్రీన్, 2400*1080 పిక్సెల్స్ రెజుల్యూషన్, 20:9 యాస్పెక్ట్ రేషియో, 120 హెర్ట్జ్ రిఫ్రెష్ రేట్ ఉంటాయి.
• ప్రాసెసర్: Moto G Power 5G లో మీడియాటెక్ డైమెన్సిటీ 930 చిప్సెట్ ఉంటుందని సమాచారం. ఈ చిప్ 6 నానోమీటర్ ప్రాసెస్ పై తయారైంది. గ్రాఫిక్స్ కోసం ఐఎంజీ బీఎక్స్ఎమ్-8-256 జీపీయూ ఉంటుంది.
• మెమొరీ: Moto G Power 5G డివైజ్ 4జిబి/6జిబి ర్యామ్, 128జిబి/256జిబి స్టోరేజీ ఆప్షన్స్ తో వచ్చే అవకాశం ఉంది. మైక్రోఎస్డీ కార్డ్ సాయంతో 1టిబి వరకు మెమొరీని పెంచుకునే వీలుంటుంది.
• ఓఎస్: Moto G Power 5G డివైజ్ ఆండ్రాయిడ్ 13 ఓఎస్ పై పని చేస్తుంది.
• కెమెరా: Moto G Power 5G లో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి ప్రైమరీ కెమెరా, 2ఎంపి డెప్త్ సెన్సర్, 2ఎంపి మ్యాక్రో లెన్స్ ఉంటాయి. సెల్ఫీస్, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా ఉంటుంది.
• బ్యాటరీ: Moto G Power 5G లో పవర్ బ్యాకప్ కోసం 5,000 ఎంఏహెచ్ బ్యాటరీ ఉంటుంది. ఇది 10 వాట్ ఫాస్ట్ చార్జింగ్ కి సపోర్ట్ చేస్తుంది.
• కనెక్టివిటీ: Moto G Power 5G లో డ్యూయల్ సిమ్, 5జీ, 4జీ, వై-ఫై, బ్లూటూత్ 5.3, జీపీఎస్, యూఎస్బీ టైప్-సీ పోర్ట్ ఉంటాయి.