ప్రముఖ స్మార్ట్ఫోన్ బ్రాండ్ Motorola త్వరలో ఒక కొత్త జీ-సిరీస్ ఫోన్ ని లాంచ్ చేయనుంది. Moto G04 పేరుతో ఈ ఫోన్ మార్కెట్ లోకి రానుంది. ఫిబ్రవరి 15న భారత్ లో ఈ ఫోన్ లాంచ్ అవుతోంది. ఈ-కామర్స్ వెబ్సైట్ ఫ్లిప్కార్ట్ ద్వారా ఈ డివైజ్ విక్రయానికి వస్తోంది. Moto G04 డివైజ్ 8జిబి వరకు ర్యామ్, 128జిబి స్టోరేజీ, 16ఎంపి ఏఐ కెమెరా, 5,000 ఎంఏహెచ్ బ్యాటరీ వంటి స్పెసిఫికేషన్స్ తో వస్తోంది. సరే, ఓసారి Moto G04 పూర్తి స్పెసిఫికేషన్స్, లాంచ్ వివరాలను తెలుసుకుందాం పదండి.
Moto G04 ఇండియా లాంచ్ తేదీ
- Moto G04 స్మార్ట్ఫోన్ భారతీయ మార్కెట్ లో ఫిబ్రవరి 15న లాంచ్ అవుతోంది. ఫ్లిప్కార్ట్ ద్వారా ఈ ఫోన్ కొనుగోలుకి అందుబాటులో ఉంటుంది.
- Moto G04 డివైజ్ తక్కువ బడ్జెట్ లో చక్కటి ఫీచర్లతో వస్తున్నట్లు టీజర్ ద్వారా స్పష్టమైంది.
- Moto G04 డివైజ్ యొక్క మైక్రో-సైట్ ఫ్లిప్కార్ట్ లో దర్శనమిస్తోంది. ఈ ఫోన్ రెండు స్టోరేజీ ఆప్షన్స్ లో లభిస్తుంది. అవి: 4జిబి ర్యామ్ + 64జిబి స్టోరేజీ మరియు 8జిబి ర్యామ్ + 128జిబి స్టోరేజీ.
- డిజైన్ విషయానికి వస్తే, ఈ ఫోన్ ప్రీమియమ్ డిజైన్ ని కలిగి ఉంది. ఇంకా ఈ ఫోన్ బ్లూ, ఆరెంజ్, బ్లాక్ మరియు గ్రీన్ కలర్ ఆప్షన్స్ లో లభించనుంది.
Moto G04 స్పెసిఫికేషన్స్
- డిస్ప్లే: Moto G04 లో 6.6-ఇంచ్ హెచ్డీ+ స్క్రీన్, 90 హెర్ట్జ్ రిఫ్రెష్ రేట్ ఉంటాయి.
- చిప్సెట్: Moto G04 లో యూనిఎస్ఓసీ టీ606 ప్రాసెసర్ ఉంటుంది. ఇది ఎంట్రీ లెవెల్ ప్రాసెసర్.
- కెమెరా: Moto G04 లో 16ఎంపి ఏఐ కెమెరా ఉంటుంది. ఇది పొట్రెయిట్ మోడల్ ఫీచర్ తో వస్తోంది.
- ర్యామ్, స్టోరేజీ: Moto G04 డివైజ్ 4జిబి/8జిబి ర్యామ్, 64జిబి/128జిబి స్టోరేజీ ఆప్షన్స్ లో లభిస్తుంది. ఈ ఫోన్ లో ర్యామ్ బూస్ట్ ఫీచర్ ఉంది. దీంతో 8జిబి వరకు ర్యామ్ పవర్ ని పొందవచ్చు.
- బ్యాటరీ: Moto G04 లో పవర్ బ్యాకప్ కోసం 5,000 ఎంఏహెచ్ బ్యాటరీ ఉంటుంది. ఇది 10 వాట్ ఛార్జింగ్ కి సపోర్ట్ చేస్తుంది.
- ఓఎస్: Moto G04 డివైజ్ ఆండ్రాయిడ్ 14 ఓఎస్ పై పని చేస్తుంది.
- ఇతర ఫీచర్లు: Moto G04 లో డ్యూయల్ సిమ్, 4జీ, బ్లూటూత్, వై-ఫై, 3.5ఎంఎం ఆడియో జాక్, డాల్బీ అట్మాస్ ఉంటాయి.
Moto G04 ధర (అంచనా)
- Moto G04 డివైజ్ ఇప్పటికే గ్లోబల్ మార్కెట్ లో లాంచ్ అయ్యింది. ఈ ఫోన్ ధర 119 యూరోలు (సుమారు రూ.10,699) గా ఉంది.
- Moto G04 ఫోన్ ధర భారతీయ మార్కెట్ లో రూ.7,000 ఉంటుందని అంచనా వేస్తున్నారు. ఫిబ్రవరి 15న అసలు ధర రివీల్ అవుతుంది.
