Motorola X40 గతేడాది చైనాలో లాంచైంది. ఇది మోటోరోలా నుంచి వచ్చిన ప్రీమియమ్ ఫ్లాగ్షిప్ ఫోన్. ఈ ఫోన్ గ్లోబల్ మార్కెట్స్ లో Motorola Edge 40 Pro అనే పేరుతో లాంచ్ అవుతుందని అందరూ అంచనా వేస్తున్నారు. గత రిపోర్ట్ లో ధర, రెండర్స్ బయటకు రాగా, తాజాగా ఈ ఫోన్ గీక్ బెంచ్ పై కనిపించింది. దీంతో ఫోన్ హార్డ్వేర్ వివరాలు బయటకు వచ్చాయి.
గీక్ బెంచ్ లిస్ట్ ప్రకారం, సింగిల్-కోర్ టెస్ట్ లో Motorola Edge 40 Pro డివైజ్ 1480 పాయింట్లు, మల్టీ-కోర్ టెస్ట్ లో 4889 పాయింట్లు సాధించింది. ఈ స్కోర్స్ ని గమనిస్తే, ఇటీవలి కాలంలో లాంచైన ఎన్నో ఫ్లాగ్షిప్స్ స్కోర్స్ తో సరిపోలుతున్నాయి.
లిస్టింగ్ ద్వారా Motorola Edge 40 Pro యొక్క చిప్సెట్ వివరాలు, ఆండ్రాయిడ్ ఓఎస్, ర్యామ్ డీటెయిల్స్ తెలిసాయి. ఇప్పటికే ఈ ఫోన్ చైనాలో లాంచ్ కావడంతో స్పెసిఫికేషన్స్ అందరికీ తెలుసు.
Motorola Edge 40 Pro స్పెసిఫికేషన్స్
గీక్ బెంచ్ టెస్ట్ రిజల్ట్ ప్రకారం, Motorola Edge 40 Pro డివైజ్ స్నాప్ డ్రాగన్ 8 జెన్ 2 ప్రాసెసర్, 12జిబి ర్యామ్, ఆండ్రాయిడ్ 13 ఓఎస్ తో రానున్నట్లు స్పష్టమైంది. సింగిల్ కోర్ టెస్ట్ లో ఈ ఫోన్ 1480 పాయింట్లు, మల్టీ కోర్ టెస్ట్ లో 4889 పాయింట్లు సాధించింది. గీక్ బెంచ్ ఫలితాన్ని బట్టి Motorola Edge 40 Pro డివైజ్, చైనీస్ X40 5G వేరియంట్ మాదిరి హార్డ్వేర్ ని కలిగి ఉన్నట్లు తెలుస్తోంది.
Motorola X40 స్పెసిఫికేషన్స్
Motorola X40 స్మార్ట్ ఫోన్ 6.7-ఇంచ్ ఫుల్ హెచ్డీ+ అమోలెడ్ డిస్ప్లే, కర్వ్డ్ స్క్రీన్, పంచ్-హోల్ కటౌట్, 165 హెర్ట్జ్ రిఫ్రెష్ రేట్, డీసీ డిమ్మింగ్, హెచ్డీఆర్, 10 బిట్ కలర్స్ ని కలిగి ఉంటుంది. ఈ ఫోన్ లో క్వాల్కమ్ స్నాప్ డ్రాగన్ 8 జెన్ 2 చిప్సెట్ వాడారు. గ్రాఫిక్స్ కోసం అడ్రెనో జీపీయూ వాడారు. 12జిబి వరకు ర్యామ్, 512జిబి వరకు స్టోరేజీ ఈ ఫోన్ లో ఉన్నాయి. Motorola X40 డివైజ్ ఆండ్రాయిడ్ 13 ఓఎస్ ఆధారిత మైయూఎక్స్ కస్టమ్ స్కిన్ పై పని చేస్తుంది.
Motorola X40 లో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి ప్రైమరీ కెమెరా, 50ఎంపి అల్ట్రావైడ్ యాంగిల్ లెన్స్, 12ఎంపి టెలీఫోటో లెన్స్ ఉంటాయి. సెల్ఫీస్, వీడియో కాల్స్ కోసం ఈ ఫోన్ లో 60ఎంపి ఫ్రంట్ కెమెరా ఉంటుంది. భద్రత కోసం ఈ డివైజ్ లో ఇన్-డిస్ప్లే ఫింగర్ ప్రింట్ స్కానర్ అందించారు. ఈ ఫోన్ ఐపీ68 వాటర్ అండ్ డస్ట్ రెసిస్టన్స్ రేటింగ్ తో కలిగి ఉంటుంది.
Motorola X40 లో పవర్ బ్యాకప్ కోసం 4600 ఎంఏహెచ్ బ్యాటరీ ఇచ్చారు. ఇది 125 వాట్ ఫాస్ట్ చార్జింగ్, 15 వాట్ వైర్లెస్ చార్జింగ్ కి సపోర్ట్ చేస్తుంది. మరొక వేరియంట్ 5000 ఎంఏహెచ్ బ్యాటరీ, 68 వాట్ ఫాస్ట్ చార్జింగ్ సపోర్ట్ కలిగి ఉంటుంది. Motorola X40 హ్యాండ్సెట్ 161.3 మిల్లీ మీటర్ల పొడవు, 73.9 మిల్లీ మీటర్ల వెడల్పు, 8.5 మిల్లీ మీటర్ల మందం, 196 గ్రాముల బరువు ఉంటుంది. 5జీ, 4జీ ఎల్టీఈ, వై-ఫై 6, బ్లూటూత్, జీపీఎస్, యూఎస్బీ టైప్-సీ పోర్ట్ వంటి కనెక్టివిటీ ఆప్షన్స్ ఈ ఫోన్ లో ఉన్నాయి.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.