ప్రముఖ స్మార్ట్ఫోన్ బ్రాండ్ Motorola త్వరలో తన ఫ్లాగ్షిప్ ఫోన్ని భారత్ లో లాంచ్ చేయనుంది. Motorola Edge 50 Ultra పేరుతో ఈ ఫోన్ వస్తోంది. తాజాగా ఈ డివైజ్ యొక్క ఇండియా లాంచ్ తేదీని మోటోరోలా కన్ఫర్మ్ చేసింది. జూన్ 18వ తేదీన ఈ ఫోన్ భారతీయ మార్కెట్ లోకి అడుగు పెట్టనుంది. 100ఎక్స్ ఏఐ సూపర్ జూమ్, స్నాప్డ్రాగన్ 8ఎస్ జెన్ 3 చిప్సెట్ వంటి స్పెసిఫికేషన్స్ ఈ ఫోన్ లో ఉన్నాయి. ఓసారి మోటోరోలా ఎడ్జ్ 50 అల్ట్రా యొక్క లాంచ్ వివరాలతో పాటు, అంచనా స్పెసిఫికేషన్స్ ఎలా ఉన్నాయో తెలుసుకుందాం.
Motorola Edge 50 Ultra లాంచ్ మరియు ధర వివరాలు
Motorola Edge 50 Ultra స్మార్ట్ఫోన్ భారతీయ మార్కెట్ లో జూన్ 18వ తేదీన విడుదలవుతోంది. ఈ విషయాన్ని నేడు మోటోరోలా సంస్థ అధికారికంగా వెల్లడించింది. ప్రస్తుతం బ్రాండ్ యొక్క అధికార వెబ్సైట్ లో ప్రొడక్ట్ పేజీ కనిపిస్తోంది. ఇకపోతే, ఈ-కామర్స్ ప్లాట్ఫామ్ ఫ్లిప్కార్ట్ ద్వారా ఈ ఫోన్ విక్రయానికి వస్తోంది. జూన్ 18న జరిగే లాంచ్ ఈవెంట్ ను కంపెనీ యొక్క అన్ని సోషల్ మీడియా హ్యాండిల్స్ పై ప్రత్యక్ష ప్రసారం ద్వారా వీక్షించవచ్చు.
Motorola Edge 50 Ultra 16జిబి ర్యామ్ వేరియంట్ ధర భారతీయ మార్కెట్ లో రూ.50,000 పైనే ఉంటుందని సమాచారం. ఇక, 12జిబి ర్యామ్ మోడల్ ధరను రూ.42,000 వద్ద పెట్టే అవకాశం ఉంది.
Motorola Edge 50 Ultra స్పెసిఫికేషన్స్
Motorola Edge 50 Ultra స్మార్ట్ఫోన్ ఇప్పటికే గ్లోబల్ మార్కెట్ లో లాంచ్ అయ్యింది. భారతీయ వేరియంట్ లో కూడా దాదాపుగా ఇవే స్పెసిఫికేషన్స్ ఉంటాయని అంచనా వేస్తున్నారు. ఓసారి గ్లోబల్ వేరియంట్ యొక్క స్పెసిఫికేషన్స్ ఎలా ఉన్నాయో తెలుసుకుందాం.
డిస్ప్లే: Motorola Edge 50 Ultra స్మార్ట్ఫోన్ లో 6.7-ఇంచ్ ఫుల్ హెచ్డీ+ స్క్రీన్, 2712*1220 పిక్సెల్స్ రెజుల్యూషన్, ఓఎల్ఈడీ ప్యానెల్, 144 హెర్ట్జ్ రిఫ్రెష్ రేట్, హెచ్డీఆర్10+ సపోర్ట్, 2500 నిట్స్ పీక్ బ్రైట్నెస్ ఉంటాయి.
ప్రాసెసర్: Motorola Edge 50 Ultra లో క్వాల్కమ్ స్నాప్డ్రాగన్ 8ఎస్ జెన్ 3 చిప్సెట్ ఉంటుంది. 4 నానోమీటర్ ఫ్యాబ్రికేషన్ పై తయారైన ఈ చిప్ యొక్క హయ్యస్ట్ క్లాక్ స్పీడ్ 3 గిగాహెర్ట్జ్.
మెమొరీ: Motorola Edge 50 Ultra డివైజ్ గ్లోబల్ గా 16జిబి ర్యామ్ + 1టిబి స్టోరేజీతో లాంచ్ అయ్యింది. ఈ ఫోన్ లో ఎల్పీడీడీఆర్5ఎక్స్ ర్యామ్, యూఎఫ్ఎస్ 4.0 స్టోరేజీ టెక్నాలజీని అందించారు. భారతీయ వేరియంట్ లో కూడా 16జిబి ర్యామ్ ఉండే అవకాశం ఉంది.
కెమెరా: Motorola Edge 50 Ultra లో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి ఓఐఎస్ మెయిన్ కెమెరా, 50ఎంపి శాంసంగ్ జెఎన్1 అల్ట్రావైడ్ సెన్సర్, 64ఎంపి ఒమ్నివిజన్ ఒవి64బి 3ఎక్స్ పొట్రెయిట్ టెలీఫోటో లెన్స్ ఉంటాయి. సెల్ఫీస్, వీడియో కాల్స్ కోసం ఈ ఫోన్ లో 50ఎంపి ఫ్రంట్ కెమెరా ఉంటుంది.
బ్యాటరీ: Motorola Edge 50 Ultra లో పవర్ బ్యాకప్ కోసం 4500 ఎంఏహెచ్ బ్యాటరీ ఉంటుంది. ఇది 125 వాట్ ఫాస్ట్ చార్జింగ్ కి సపోర్ట్ చేస్తుంది. అలాగే ఈ ఫోన్ 50 వాట్ వైర్లెస్ చార్జింగ్, 5 వాట్ రివర్స్ చార్జింగ్ సపోర్ట్ తో వస్తోంది.
కనెక్టివిటీ: Motorola Edge 50 Ultra లో డ్యూయల్ సిమ్, 5జీ, 4జీ, బ్లూటూత్ 5.4, వై-ఫై 7, ఎన్ఎఫ్సీ ఉంటాయి.
ఇతర ఫీచర్లు: Motorola Edge 50 Ultra లో ఐపీ68 వాటర్ అండ్ డస్ట్ రెసిస్టన్స్ రేటింగ్, 3 మైక్రోఫోన్లు, డాల్బీ అట్మాస్ స్టీరియో స్పీకర్లు ఉంటాయి.