ప్రముఖ స్మార్ట్ఫోన్ బ్రాండ్ Motorola నేడు భారతీయ మార్కెట్ లో ఎడ్జ్ సిరీస్ లో ఒక కొత్త ఫోన్ లాంచ్ చేసింది. Motorola Edge 50 Ultra పేరుతో ఈ డివైజ్ మార్కెట్ లోకి వచ్చింది. ఐపీ68 రేటింగ్, 3డీ కర్వ్డ్ డిస్ప్లే, వుడెన్ ఫినిష్డ్ సిలికాన్ లెదర్ బ్యాక్ ప్యానెల్, స్నాప్డ్రాగన్ 8ఎస్ జెన్ 3 చిప్సెట్ వంటి స్పెసిఫికేషన్స్ ఈ ఫోన్ లో ఉన్నాయి. ఓసారి Motorola Edge 50 Ultra యొక్క ధర, లభ్యత మరియు పూర్తి స్పెసిఫికేషన్స్ తెలుసుకుందాం.
Motorola Edge 50 Ultra ధర, లభ్యత
Motorola Edge 50 Ultra స్మార్ట్ఫోన్ సింగిల్ స్టోరేజీ ఆప్షన్ లో లాంచ్ అయ్యింది. ధర వివరాలు తెలుసుకుందాం.
Motorola Edge 50 Ultra 12జిబి ర్యామ్ + 512జిబి స్టోరేజీ మోడల్ ధరను రూ.54,999 గా నిర్ణయించారు.
Motorola Edge 50 Ultra ఫారెస్ట్ గ్రే, నార్డిక్ వుడ్ మరియు పీచ్ ఫజ్ కలర్ ఆప్షన్స్ లో లభిస్తుంది.
బ్యాంక్ ఆఫర్ లో భాగంగా, Motorola Edge 50 Ultra కొనుగోలుపై కంపెనీ రూ.5,000 ఇన్స్టంట్ డిస్కౌంట్ ఆఫర్ చేస్తోంది. దీంతో ఫోన్ రూ.49,999 కే లభించనుంది.
జూన్ 24వ తేదీ మధ్యాహ్నం 12 గంటల నుంచి మోటోరోలా అధికార వెబ్సైట్, రిటైల్ ఔట్లెట్స్ మరియు ఫ్లిప్కార్ట్ ద్వారా Motorola Edge 50 Ultra ని కొనుగోలు చేయవచ్చు.
Motorola Edge 50 Ultra స్పెసిఫికేషన్స్
డిస్ప్లే: Motorola Edge 50 Ultra లో 6.7-ఇంచ్ పీఓఎల్ఈడీ 3డీ స్క్రీన్, 2712*1220 పిక్సెల్స్ రెజుల్యూషన్, 144 హెర్ట్జ్ రిఫ్రెష్ రేట్, 360 హెర్ట్జ్ టచ్ శాంప్లింగ్ రేట్, 2800 నిట్స్ బ్రైట్నెస్, హెచ్డీఆర్10+ సపోర్ట్ ఉన్నాయి.
ప్రాసెసర్: Motorola Edge 50 Ultra లో క్వాల్కమ్ స్నాప్డ్రాగన్ 8ఎస్ జెన్ 3 చిప్సెట్ వాడారు.
మెమొరీ: Motorola Edge 50 Ultra లో 12జిబి ఎల్పీడీడీఆర్5ఎక్స్ ర్యామ్, 512జిబి యూఎఫ్ఎస్ 4.0 స్టోరేజీ ఉన్నాయి.
కెమెరా: Motorola Edge 50 Ultra లో ట్రిపుల్ రియర్ కెమెరా సెటప్ ఉంది. ఇందులో 50ఎంపి ఓఐఎస్ ప్రైమరీ కెమెరా, 50ఎంపి అల్ట్రావైడ్ లెన్స్, 64ఎంపి టెలీఫోటో కెమెరా ఉన్నాయి. 100ఎక్స్ ఏఐ సూపర్ జూమ్ ఫీచర్ ను టెలీఫోటో కెమెరాలో అందించారు. సెల్ఫీస్, వీడియో కాల్స్ కోసం ఈ ఫోన్ లో 50ఎంపి ఫ్రంట్ కెమెరా ఇచ్చారు.
బ్యాటరీ: Motorola Edge 50 Ultra లో పవర్ బ్యాకప్ కోసం 4500 ఎంఏహెచ్ బ్యాటరీ ఉంది. ఇది 125 వాట్ వైర్డ్ ఫాస్ట్ చార్జింగ్, 50 వాట్ వైర్లెస్ చార్జింగ్, 10 వాట్ వైర్లెస్ పవర్ షేరింగ్ సపోర్ట్ తో వచ్చింది.
సాఫ్ట్వేర్: Motorola Edge 50 Ultra డివైజ్ ఆండ్రాయిడ్ 14 ఓఎస్ తో లాంచ్ అయ్యింది. 3 ఏళ్ళు ఓఎస్ అప్డేట్స్, 4 ఏళ్ళు సెక్యూరిటీ అప్డేట్స్ ఈ ఫోన్కి లభిస్తాయి.
ఇతర ఫీచర్లు: Motorola Edge 50 Ultra లో డ్యూయల్ సిమ్, 5జీ, 4జీ, బ్లూటూత్, వై-ఫై, ఐపీ68 వాటర్ అండ్ డస్ట్ రెసిస్టన్స్ రేటింగ్, ఇన్-డిస్ప్లే ఫింగర్ ప్రింట్ స్కానర్, ఏఐ ఫీచర్లు ఉన్నాయి.