హైలైట్స్:
- మోటో జీ31 సక్సెసర్ ఐన మోటో జీ32 ని త్వరలోనే లాంచ్ చేయనున్న మోటోరోలా
- లాంచ్ కి ముందు లీకైన అఫిషీయల్ డిజైన్ రెండర్స్
- రెడ్, బ్లాక్, సిల్వర్, గ్రే కలర్స్ లో లభ్యం కానున్న మోటో జీ32 స్మార్ట్ ఫోన్
మోటో జీ31 సక్సెసర్ పై మోటోరోలా పని చేస్తున్నట్లు సమాచారం. ఈలోపు నెట్టింట్లో మోటో జీ32 కి సంబంధించిన పిక్స్ ప్రత్యక్షమయ్యాయి. లీక్స్ తదుపరి మరెన్నో ఊహాగానాల తర్వాత, తాజాగా మోటో జీ32 ఎన్సీసీ సర్టిఫికేషన్ వెబ్ సైట్ లో దర్శనమిచ్చింది. ఈ తరుణంలో లైవ్ పిక్స్, ఇన్-బాక్స్ యాక్ససరీలు కనిపించాయి. ఇంకా లాంచ్ టైమ్ లైన్ ఖరారు కాలేదు కానీ, మోటో జీ32 యొక్క లాంచ్ పక్కా అనే మాటలు వినిపిస్తున్నాయి.
మోటో జీ31 కి సక్సెసర్ గా భావిస్తోన్న మోటోరోలా జీ32 స్మార్ట్ ఫోన్ ఎన్బీటీసీ సర్టిఫికేషన్ వెబ్ సైట్ తో పాటు బీఐఎస్ సర్టిఫికేషన్ వెబ్ సైట్ పై కనిపించింది. మోటో జీ32 90 హెర్ట్జ్ ఎల్సీడీ డిస్ప్లే, 4జిబి ర్యామ్, 64జిబి స్టోరేజీ, ఆండ్రాయిడ్ 11 ఆపరేటింగ్ సిస్టమ్ వంటి ఫీచర్లను కలిగి ఉండనుందని సమాచారం.
Moto G32 అఫీషియల్ ఇమేజెస్
కొన్ని రోజుల క్రితం మోటో జీ32 యొక్క అఫీషియల్ డిజైన్ రెండర్స్ నెట్టింట్లో ప్రత్యక్షమయ్యాయి. అయితే గతంలో బయటకు వచ్చిన సిల్వర్ మరియు గ్రే వేరియంట్స్ తో పాటు మోటో జీ32 రెడ్ మరియు బ్లాక్ షేడ్స్ లో కూడా లభించనుందని తాజాగా లీకైన డిజైన్ రెండర్స్ ని బట్టి అర్థమవుతోంది.
ఇక గతంలో లీకైన డిజైన్ మాదిరే తాజా ఇమేజెస్ కూడా ఉన్నాయి. ఇకపోతే హార్డ్ వేర్ కంపోనెంట్స్ అమరిక తీరులో కూడా ఎటువంటి మార్పు లేదు. ఇక ఫ్రంట్ కెమెరా కోసం డిస్ప్లే ప్యానెల్ లో సెంటర్ పంచ్ హోల్ కటౌట్ ఉన్నట్లు తెలుస్తోంది. ఇంకా ఫోన్ క్రింది భాగంలో చిన్ కనిపిస్తోంది. ఇక వెనుకాల, ట్రిపుల్ కెమెరా సిస్టమ్ ఉంది. అయితే ఈ సెటప్ ని కాస్త పైకి మూలగా జరిపినట్లు తెలుస్తోంది.
మోటో జీ32 లో 3.5ఎంఎం హెడ్ ఫోన్ జాక్ ఉంటుంది. అలాగే యూఎస్బీ టైప్-సీ పోర్ట్, ఒక స్పీకర్ గ్రిల్, సిమ్ కార్డ్ ట్రే, వాల్యూమ్ రాకర్స్, పవర్ బటన్, వెనుకవైపు మోటోరోలా లోగో, ఇందులోనే ఇమిడి ఉన్న ఫింగర్ ప్రింట్ సెన్సర్ వంటి ఫీచర్లు ఉన్నాయి.
Moto G32 ధర, స్పెసిఫికేషన్స్ (అంచనా)
మోటో జీ32 6.5 అంగుళాల ఐపీఎస్ ఎల్సీడీ హెచ్డీ+ డిస్ప్లే , 90 హెర్ట్జ్ రిఫ్రెష్ రేట్, యూనిసాక్ టీ606 చిప్సెట్, 4జిబి ర్యామ్, 64జిబి స్టోరేజీ, 5,000 ఎంఏహెచ్ బ్యాటరీ, 33 వాట్ ఫాస్ట్ ఛార్జింగ్, 50ఎంపి ప్రైమరీ కెమెరా, 8ఎంపి అల్ట్రావైడ్ సెన్సర్, 2ఎంపి మ్యాక్రో కెమెరా వంటి ఫీచర్లు ఈ ఫోన్లో ఉన్నాయి.
మోటో జీ32 ఫోన్ రూ.10,000 ధరతో లాంచ్ కానున్నట్లు సమాచారం. ఇక ఈ ఫోన్ వివిధ రంగుల్లో లభ్యం కానుంది. త్వరలోనే మోటో జీ32 స్మార్ట్ ఫోన్ లాంచ్ తేదీ, ఇతర వివరాలు వెల్లడవ్వనున్నాయి.