ప్రముఖ చైనీస్ స్మార్ట్ఫోన్ బ్రాండ్ Motorola నేడు భారతీయ మార్కెట్ లో ఒక ఫోల్డబుల్ ఫోన్ లాంచ్ చేసింది. Motorola Razr 50 పేరుతో ఈ ఫోన్ విడుదలైంది. రెండు స్క్రీన్స్ను ఈ ఫోన్ లో అందించారు. మెయిన్ డిస్ప్లే సైజ్ 6.9-ఇంచులు ఉండగా, బ్యాక్ ప్యానెల్ పై ఇచ్చిన సెకండరీ డిస్ప్లే సైజ్ 3.63-ఇంచులు ఉంది. ఫోన్ చూడటానికి ఎంతో ఆకర్షణీయంగా ఉంది. ఓసారి రేజర్ 50 ఫ్లిప్ ఫోన్ ధర, సేల్ వివరాలు మరియు పూర్తి స్పెసిఫికేషన్స్ తెలుసుకుందాం.
Motorola Razr 50 ధర, సేల్ వివరాలు
Motorola Razr 50 సింగిల్ స్టోరేజీ వేరియంట్ లో లాంచ్ అయ్యింది. దాని ధర ఎంతుందో తెలుసుకుందాం.
Motorola Razr 50 8జిబి ర్యామ్ + 256జిబి స్టోరేజీ వేరియంట్ ధరను రూ.64,999 గా పెట్టారు.
సెప్టెంబర్ 20వ తేదీ నుంచి అమెజాన్ ద్వారా సేల్ మొదలవుతుంది. సెప్టెంబర్ 10వ తేదీ నుంచి ప్రీ-ఆర్డర్లు ప్రారంభమవుతాయి.
కోలా గ్రే, బీచ్ శాండ్, స్పిర్ట్జ్ ఆరెంజ్ కలర్ ఆప్షన్స్ లో Motorola Razr 50 లభిస్తుంది.
పండుగ ఆఫర్ లో భాగంగా రూ.5,000 డిస్కౌంట్, రూ.10,000 బ్యాంక్ డిస్కౌంట్ అందుబాటులో ఉన్నాయి. ఇంకా 18 నెలల కాలపరిమితితో నో-కాస్ట్ ఈఎంఐ ఆప్షన్ కూడా ఉంది. నెలకు రూ.2,778 చెల్లించాల్సి ఉంటుంది.
3 నెలల గూగుల్ జెమినీ అడ్వాన్స్డ్ సబ్స్క్రిప్షన్ పై 2టిబి క్లౌడ్ స్టోరేజీని పొందవచ్చు.
Motorola Razr 50 స్పెసిఫికేషన్స్
డిస్ప్లే: Motorola Razr 50 లో 6.9-ఇంచ్ పీఓఎల్ఈడీ స్క్రీన్, ఫుల్హెచ్డీ+ అమోలెడ్ ప్యానెల్, 120 హెర్ట్జ్ రిఫ్రెష్ రేట్, హెచ్డీఆర్10+, 3000 నిట్స్ పీబక్ బ్రైట్నెస్, 3.63-ఇంచ్ ఓఎల్ఈడీ ఫుల్హెచ్డీ+ ఓఎల్ఈడీ కవర్ డిస్ప్లే, 90 హెర్ట్జ్ రిఫ్రెష్ రేట్, హెచ్డీఆర్10, 1700 నిట్స్ పీక్ బ్రైట్నెస్ మరియు గొరిల్లా గ్లాస్ విక్టస్ ప్రొటెక్షన్ ఉన్నాయి.
ప్రాసెసర్: Motorola Razr 50 లో మీడియాటెక్ డైమెన్సిటీ 7300ఎక్స్ చిప్సెట్ వాడారు. గ్రాఫిక్స్ కోసం మాలి-జీ615 ఎంసీ2 జీపీయూ వినియోగించారు.
మెమొరీ: Motorola Razr 50 డివైజ్ 8జిబి ర్యామ్, 256జిబి స్టోరేజీ, ర్యామ్ బూస్ట్ 3.0 ఫీచర్ తో వచ్చింది. మైక్రోఎస్డీ కార్డ్ స్లాట్ లేదు.
కెమెరా: Motorola Razr 50 లో డ్యూయల్ రియర్ కెమెరా సెటప్ ఇచ్చారు. ఇందులో 50ఎంపి ఓఐఎస్ ప్రైమరీ కెమెరా, 13ఎంపి అల్ట్రావైడ్/మ్యాక్రో కెమెరా ఉన్నాయి. సెల్పీస్, వీడియో కాల్స్ కోసం ఈ ఫోన్ లో 32ఎంపి ఫ్రంట్ కెమెరా అందించారు.
బ్యాటరీ: Motorola Razr 50 లో పవర్ బ్యాకప్ కోసం 4200 ఎంఏహెచ్ బ్యాటరీ ఇచ్చారు. ఇది 33 వాట్ ఫాస్ట్ చార్జింగ్ కి సపోర్ట్ చేస్తుంది.
సాఫ్ట్వేర్: Motorola Razr 50 డివైజ్ ఆండ్రాయిడ్ 14 ఓఎస్ తో లాంచ్ అయ్యింది. 3 ఏళ్ళు ఓఎస్ అప్డేట్స్, 4 ఏళ్ళు సెక్యూరిటీ అప్డేట్స్ ఈ ఫోన్కి లభిస్తాయి.
ఇతర ఫీచర్లు: Motorola Razr 50 డివైజ్ ఐపీఎక్స్8 వాటర్ అండ్ డస్ట్ రెసిస్టన్స్ రేటింగ్, డ్యూయల్ స్టీరియో స్పీకర్ సెటప్, డాల్బీ అట్మాస్, బ్లూటూత్ 5.4, సైడ్ ఫింగర్ప్రింట్ స్కానర్ ఉన్నాయి.