Nokia C22 స్మార్ట్ ఫోన్ భారత్ లో లాంచ్ అయ్యింది. ఫిబ్రవరి లో జరిగిన మొబైల్ వరల్డ్ కాంగ్రెస్ 2023 లో ఈ ఫోన్ ని కంపెనీ అనౌన్స్ చేసింది. Nokia C32, Nokia G22 డివైజెస్ తో పాటు Nokia C22 కొన్ని యూరోపియన్ మార్కెట్స్ లో లాంచ్ అయ్యింది. లేటెస్ట్ సీ-సిరీస్ స్మార్ట్ ఫోన్ ధర భారత్ లో రూ.10,000 లోపే ఉంది. ఈ ఎంట్రీ లెవెల్ స్మార్ట్ ఫోన్ మొదటిసారి స్మార్ట్ ఫోన్ కొనే వారికి బాగా ఉపయోగపడుతుంది.
Nokia C22 స్మార్ట్ ఫోన్ లో ఐపీ52 రేటింగ్, ఆండ్రాయిడ్ 13 గో ఎడిషన్, 13ఎంపి డ్యూయల్ రియర్ కెమెరా, 8ఎంపి సెల్ఫీ కెమెరా, 5000 ఎంఏహెచ్ బ్యాటరీ ఉన్నాయి. ఈ ఫోన్ 3 రోజుల బ్యాటరీ లైఫ్ ఇస్తుందని కంపెనీ చెబుతోంది.
భారత్ లో Nokia C22 ధర, లభ్యత
Nokia C22 స్మార్ట్ ఫోన్ చార్కోల్, శాండ్, పర్పుల్ కలర్ ఆప్షన్స్ లో లభిస్తుంది. అన్ని ప్రముఖ ఆన్లైన్ మరియు ఆఫ్లైన్ స్టోర్లలో ఈ ఫోన్ ని కొనుగోలు చేయవచ్చు. ఈ ఫోన్ 2జిబి మరియు 4జిబి వేరియంట్ లో లభిస్తుంది. రెండు వేరియంట్లు కూడా 64జిబి స్టోరేజీని కలిగి ఉన్నాయి. 256జిబి వరకు మెమొరీని ఎక్స్పాండ్ చేసుకునే అవకాశం ఉంది. భారత్ లో Nokia C22 ధర రూ.7,999 నుంచి మొదలవుతుంది.
హెచ్ఎండీ గ్లోబల్ సంస్థ జియో తో జట్టుకట్టి Nokia C22 కొనుగోలుదారులకు టెలీకామ్ ఆఫర్లను అందిస్తోంది. రూ.399 విలువగల జియో ప్లస్ పోస్ట్పెయిడ్ వాడుతోన్న యూజర్లు రూ.3,500 విలువజేసే ప్రయోజనాలను పొందుతారు. రూ.1000 విలువగల 100జిబి డేటా (10 నెలల వరకు 10జిబి అదనపు డేటా), అదనపు కూపన్లు (రూ.1000) వీటిలో ఉన్నాయి. రూ.700 ఈజీ డిన్నర్ 3-నెలల సబ్స్క్రిప్షన్, ఇక్సిగో పై రూ.4500 పైన కొనే టిక్కెట్లపై రూ.750 తగ్గింపు ఈ కూపన్లలో ఉన్నాయి. ఇంకా రూ.1,100 విలువగల ఈటీ ప్రైమ్ సబ్స్క్రిప్షన్ ని రూ.49 కే పొందవచ్చు.
Nokia C22 స్పెసిఫికేషన్స్
డిస్ప్లే, ప్రాసెసర్
- 6.5-ఇంచ్ డిస్ప్లే
- యూనిసాక్ ఎస్సీ9863ఏ
Nokia C22 స్మార్ట్ ఫోన్ లో 6.5-ఇంచ్ హెచ్డీ+ ఐపీఎస్ ఎల్సీడీ డిస్ప్లే, 20:9 యాస్పెక్ట్ రేషియో, వాటర్ డ్రాప్ నాచ్, ఐపీ52 రేటింగ్ ఉన్నాయి. Nokia C22 లో యూనిసాక్ ఎస్సీ9863ఏ చిప్సెట్ వాడారు.
ర్యామ్, స్టోరేజీ
- 4జిబి ర్యామ్
- 64జిబి స్టోరేజీ
Nokia C22 స్మార్ట్ ఫోన్ లో 4జిబి ర్యామ్, 64జిబి స్టోరేజీ ఉన్నాయి. మైక్రోఎస్డీ కార్డ్ ద్వారా మెమొరీని 256జిబి వరకు పెంచుుకోవచ్చు.
బ్యాటరీ
- 5000ఎంఏహెచ్
- 10 వాట్ చార్జింగ్
Nokia C22 స్మార్ట్ ఫోన్ లో పవర్ బ్యాకప్ కోసం 5000 ఎంఏహెచ్ బ్యాటరీ అందించారు. ఇది 10 వాట్ చార్జింగ్, టైప్-సీ పోర్ట్ తో వస్తోంది.
కెమెరా విభాగం
- 13ఎంపి మెయిన్
- 8ఎంపి ఫ్రంట్ కెమెరా
Nokia C22 స్మార్ట్ ఫోన్ లో 13ఎంపి ప్రైమరీ కెమెరా, 2ఎంపి మ్యాక్రో లెన్స్ అందించారు. సెల్ఫీస్, వీడియో కాల్స్ కోసం 8ఎంపి ఫ్రంట్ కెమెరా ఇచ్చారు.
కనెక్టివిటీ
- 4జీ
- బ్లూటూత్ 5.2
Nokia C22 హ్యాండ్సెట్ లో డ్యూయల్ సిమ్, 4జీ, వై-ఫై, బ్లూటూత్ 5.2, జీపీఎస్ మరియు గ్లొనాస్ ఉన్నాయి.
