ఫస్ట్ సేల్: 120Hz డిస్ప్లే, 50MP కెమెరాతో వచ్చిన Nokia G60 5G

హైలైట్స్

• ఇటీవలె భారత్ లో లాంచ్ అయిన Nokia G60 5G
• నేటి నుంచి Nokia G60 5G స్మార్ట్ ఫోన్ ఫస్ట్ సేల్ ప్రారంభం
• 120 హెర్ట్జ్ డిస్ప్లే, 50 ఎంపి కెమెరా, 4500 ఎంఏహెచ్ బ్యాటరీ ఈ ఫోన్ ప్రధాన స్పెసిఫికేషన్స్

ప్రముఖ స్మార్ట్ ఫోన్ బ్రాండ్ నోకియా ఇటీవలె భారత్ లో Nokia G60 5G అనే మరొక జీ-సిరీస్ స్మార్ట్ ఫోన్ ని లాంచ్ చేసింది. నేటి నుంచి ఈ ఫోన్ సేల్స్ మొదలవుతున్నాయి. Nokia G60 5G కంపెనీ యొక్క అత్యంత పర్యావరణహిత జీ-సిరీస్ స్మార్ట్ ఫోన్ గా నిలిచింది. దీన్ని 100 శాతం రీసైకిల్ చేసిన పాలికార్బొనేట్ బ్యాక్ మరియు 60 శాతం రీసైకిల్ చేయబడిన పాలికార్బొనేట్ ఫ్రేమ్ తో తయారు చేశారు. Nokia G60 5G పై నోకియా రెండేళ్ళ వ్యారంటీని కూడా అందిస్తోంది.

Nokia G60 5G స్మార్ట్ ఫోన్ 120Hz ఎల్సీడీ ప్యానెల్, 50 మెగా పిక్సెల్ మెయిన్ కెమెరా కలిగి ఉంది. ఈ ఫోన్ లో Snapdragon 695 ప్రాసెసర్, 4500mAh బ్యాటరీ ఉన్నాయి. ఈ డివైజ్ స్టాక్ ఆండ్రాియడ్ పై నడుస్తుంది. అలాగే 3 ఏళ్ళ పాటు అప్డేట్స్ ఇవ్వనున్నట్లు కంపెనీ హామీ ఇచ్చింది. ఓసారి Nokia G60 5G యొక్క భారత మార్కెట్ ధర, స్పెసిఫికేషన్స్, ఫీచర్ల వివరాలు తెలుసుకుందాం పదండి.

Nokia G60 5G ధర, లభ్యత

Nokia G60 5G స్మార్ట్ ఫోన్ 6జిబి ర్యామ్ + 128జిబి ఇంటర్నల్ స్టోరేజీ తో వస్తోంది. ఈ ఫోన్ ధరను భారత మార్కెట్ లో రూ.29,999 గా నిర్ణయించారు. నోకియా ఇండియా వెబ్‌సైట్ మరియు ఇతర రిటైల్ స్టోర్స్ ద్వారా ఈ ఫోన్ ని కొనుగోలు చేయవచ్చు.

Nokia G60 5G స్పెసిఫికేషన్స్

Nokia G60 5G స్మార్ట్ ఫోన్ లో 6.58-ఇంచ్ ఫుల్ హెచ్డీ+ ఎల్సీడీ డిస్ప్లే అందించారు. ఇది 120 హెర్ట్జ్ రిఫ్రెష్ రేట్ కి సపోర్ట్ చేస్తుంది. ఇందులో 500 నిట్స్ పీక్ బ్రైట్నెస్ ఉంది. డిస్ప్లే ప్రొటెక్షన్ కోసం కార్నింగ్ గొరిల్లా గ్లాస్ 5 ని అందించారు. ఈ డిస్ప్లే వాటర్ డ్రాప్ నాచ్ డిజైన్ తో వచ్చింది.

Nokia G60 5G స్మార్ట్ ఫోన్ లో క్వాల్కమ్ స్నాప్ డ్రాగన్ 695 ప్రాసెసర్ అమర్చారు. ఇదొక ఆక్టాకోర్ చిప్. గ్రాఫిక్స్ కోసం అడ్రెనో 619 జీపీయూ ని వాడారు. ఈ ఫోన్ లో 6జిబి ఎల్సీడీడీఆర్4ఎక్స్ ర్యామ్ మరియు 128జిబి యూఎఫ్ఎస్ 2.2 స్టోరేజీని అందించారు. ఈ హ్యాండ్సెట్ ఆండ్రాయిడ్ 12 ఓఎస్ తో ప్రీ-లోడ్ అయి వస్తోంది. Nokia G60 5G కి మూడేళ్ళ పాటు ఆండ్రాయిడ్ ఓఎస్ అప్డేట్స్ ఇస్తామని కంపెనీ హామీ ఇచ్చింది.

ఇప్పుడు Nokia G60 5G యొక్క కెమెరా విభాగం గురించి తెలుసుకుందాం. ఈ ఫోన్ లో ట్రిపుల్ రియర్ కెమెరా సెటప్ ఉంది. ఇందులో 50 మెగా పిక్సెల్ మెయిన్ కెమెరా, 5 మెగా పిక్సెల్ అల్ట్రావైడ్ యాంగిల్ లెన్స్, 2 మెగా పిక్సెల్ డెప్త్ సెన్సర్ ఉన్నాయి. సెల్ఫీలు, వీడియో కాల్స్ కోసం ఇందులో 8 మెగా పిక్సెల్ కెమెరాను అందించారు.

Nokia G60 5G లో 4500 ఎంఏహెచ్ బ్యాటరీ అందించారు. ఇది 20 వాట్ ఫాస్ట్ చార్జింగ్ కి సపోర్ట్ చేస్తుంది. ఈ హ్యాండ్సెట్ లో భద్రత కోసం సైడ్ మౌంటెడ్ ఫింగర్ ప్రింట్ స్కానర్ ని అందించారు. పవర్ బటన్ లో ఫింగర్ ప్రింట్ స్కానర్ నిక్షిప్తమై ఉంటుంది. ఈ ఫోన్లో మైక్రోఎస్డీ కార్డ్ ఆప్షన్, 3.5 ఎంఎం ఆడియో జాక్ కూడా ఉన్నాయి. చార్జింగ్ మరియు డేటా ట్రాన్స్‌ఫర్ కోసం టైప్-సీ పోర్ట్ ని అందించారు.