హెచ్ఎండీ గ్లోబల్ సంస్థ భారత్ లో Nokia T21 ట్యాబ్లెట్ ని లాంచ్ చేసింది. ఇది మిడ్ రేంజ్ ట్యాబ్లెట్. Nokia T21 ధరను భారత్ లో రూ.17,999 గా నిర్ణయించారు. Nokia T21 లో 10.36-ఇంచ్ భారీ డిస్ప్లే, 4జిబి ర్యామ్, 8200 ఎంఏహెచ్ బ్యాటరీతో లాంచైంది. Nokia T21 ధర, స్పెసిఫికేషన్స్ ఇతర వివరాలను తెలుసుకుందాం పదండి.
Nokia T21 ధర
భారత్ లో Nokia T21 ట్యాబ్లెట్ వై-ఫై, ఎల్టీఈ వేరియంట్స్ లో లాంచ్ అయ్యింది. రెండు మోడల్స్ కూడా 64జిబి స్టోరేజీ 4జిబి ర్యామ్ తో వచ్చాయి. ధర గురించి మాట్లాడితే, వై-ఫై వేరియంట్ ధరను రూ.17,999 గా నిర్ణయించారు. ఇక ఎల్టీఈ+వై-ఫై వేరియంట్ ధర రూ.18,999 గా ఉంది. Nokia T21 ట్యాబ్లెట్ చార్కోల్ గ్రే కలర్ ఆప్షన్ లో అందుబాటులో ఉంది. జనవరి 22 నుంచి ఈ ట్యాబ్లెట్ సేల్స్ మొదలవుతాయి.
Nokia T21 స్పెసిఫికేషన్స్
- యూనిసాక్ టీ612 ప్రాసెసర్
- 4జిబి ర్యామ్ + 64జిబి స్టోరేజీ
- 10.36 ఇంచ్ 2కే ఎల్సీడీ డిస్ప్లే
- 8ఎంపి రియర్ + 8ఎంపి సెల్ఫీ కెమెరాలు
- 18 వాట్ ఫాస్ట్ చార్జింగ్ సపోర్ట్
- 8,200 ఎంఏహెచ్ బ్యాటరీ
Nokia T21 లో 5:3 యాస్పెక్ట్ రేషియోని అందించారు. ఈ ట్యాబ్లెట్ లో 10.36-ఇంచ్ 2కే డిస్ప్లే, 1200*2000 పిక్సెల్ రెజుల్యూషన్, ఐపీఎస్ ఎల్సీడీ స్క్రీన్, 400 నిట్స్ బ్రైట్నెస్ అందించారు. Nokia T21 లో ఐపీ52 డస్ట్ అండ్ వాటర్ రెస్టిస్టన్స్ రేటింగ్ ఉండటం విశేషం.
Nokia T21 ట్యాబ్లెట్ ఆండ్రాయిడ్ 12 ఓఎస్ పై పని చేస్తుంది. ఈ ట్యాబ్లెట్ లో యూనిసాక్ టీ612 ఆక్టాకోర్ ప్రాసెసర్ ని వాడారు. ఈ చిప్ 1.82 గిగాహెర్ట్జ్ క్లాక్ స్పీడ్ ని కలిగి ఉంది. గ్రాఫిక్స్ కోసం మాలి-జీ57 జీపీయూ వినియోగించారు. Nokia T21 ట్యాబ్లెట్ 2 ఏళ్ళ మేజర్ ఆండ్రాయిడ్ అప్డేట్స్ మరియు 3 ఏళ్ళ సెక్యూరిటీ అప్డేట్స్ తో వస్తోంది.
ఇప్పుడు Nokia T21 యొక్క కెమెరా విభాగం గురించి తెలుసుకుందాం. ఈ ట్యాబ్లెట్ లో 8ఎంపి ప్రైమరీ రియర్ కెమెరా అందించారు. అలాగే దీనికి తోడు ఒక ఎల్ఈడీ ఫ్లాష్ ఉంటుంది. సెల్ఫీలు, వీడియో కాల్స్ కోసం 8ఎంపి ఫ్రంట్ కెమెరా అందించారు. పవర్ బ్యాకప్ కోసం ఈ ట్యాబ్లెట్ లో 8,200 ఎంఏహెచ్ బ్యాటరీ ఉంటుంది. ఇది 18 వాట్ ఫాస్ట్ చార్జింగ్ కి సపోర్ట్ చేస్తుంది. 3.5ఎంఎం ఆడియో జాక్, ఎఫ్ఎం రేడియో, ఎన్ఎఫ్సీ వంటి కనెక్టివిటీ ఫీచర్లు ఈ ట్యాబ్లెట్ లో ఉన్నాయి.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
