Nothing Phone (2) స్మార్ట్ ఫోన్ త్వరలోనే భారత్ లో లాంచ్ కానుంది. లాంచ్ కి ముందు ఈ డివైజ్ కి సంబంధించిన స్పెసిఫికేషన్స్ ని కంపెనీ టీజ్ చేస్తూ వస్తోంది. ఒక్కో ఫీచర్ ని రివీల్ చేస్తూ వస్తోన్న నథింగ్ సంస్థ, జులై 11 న లాంచ్ ఉంటుందని కొన్ని రోజుల క్రితం వెల్లడించింది. తాజాగా ఈ ఫోన్ ధర, పూర్తి స్పెసిఫికేషన్స్ రివీల్ అయ్యాయి. ఈ ఆర్టికల్ లో Nothing Phone (2) కి సంబంధించి ఇప్పటి వరకు బయటకు వచ్చిన సమాచారాన్ని మీకు అందజేస్తున్నాం. మరి లాంచ్ కి ముందు ఆ వివరాలను తెలుసుకోండి.
Nothing Phone (2) డివైజ్ బీఐఎస్ సర్టిఫికేషన్, టీడీఆర్ఏ సర్టిఫికేషన్ వంటి పలు సర్టిఫికేషన్ వెబ్సైట్స్ లో కనిపించడంతో ఫోన్ పై బజ్ క్రియేట్ అయ్యింది. లాంచ్ కోసం నథింగ్ ఫ్యాన్స్ ఎంతగానో ఎదురు చూస్తున్నారు. ఈ క్రమంలో నథింగ్ సంస్థ జులై 11 న ఫోన్ లాంచ్ అవుతుందని తన సోషల్ మీడియా హ్యాండిల్ ద్వారా ప్రకటించింది.
Nothing Phone (2) విశేషాలు
టీజర్ ప్రకారం, Nothing Phone (2) అప్డేటెడ్ గ్లైఫ్ ఇంటర్ఫేస్ తో రానుందని తెలిసింది. ఎల్ఈడీ లైట్స్ డిజైన్ కూడా మారినట్లు స్పష్టమైంది. మొత్తానికి Nothing Phone (1) కంటే Nothing Phone (2) భిన్నంగా కనిపిస్తోంది.
Nothing Phone (2) స్మార్ట్ ఫోన్ స్నాప్ డ్రాగన్ 8+ జెన్ 1 చిప్సెట్ తో వస్తోంది. అలాగే 6.7-ఇంచ్ అమోలెడ్ డిస్ప్లే, 120 హెర్ట్జ్ రిఫ్రెష్ రేట్, లెఫ్ట్ సైడ్ హోల్-పంచ్ కటౌట్, ఫ్లాట్ స్క్రీన్ ఈ ఫోన్ లో ఉంటాయి. అప్గ్రేడెడ్ కెమెరా యూనిట్ ఈ ఫోన్ లో ఉండనున్నట్లు సమాచారం. రా హెచ్డీఆర్, 60ఎఫ్పీఎస్ 4కే వీడియో ఈ ఫోన్ లో ఉండనున్నాయి. Nothing Phone (2) 4700 ఎంఏహెచ్ బ్యాటరీతో రానున్నట్లు కంపెనీ కన్ఫర్మ్ చేసింది.
Nothing Phone (2) ధర (లీక్)
టిప్స్టర్ ప్రకారం, Nothing Phone (2) స్మార్ట్ ఫోన్ ధర రూ.42,000 లేదా రూ.43,000 ఉంటుందని సమాచారం. ఇది 8జిబి ర్యామ్ + 256జిబి స్టోరేజీ వేరియంట్ ధర. ఇకపోతే బేస్ వేరియంట్ ధర రూ.38,000 గా ఉంటుందని అంచనా వేస్తున్నారు.
Nothing Phone (2) స్పెసిఫికేషన్స్ (లీక్)
- డిస్ప్లే: Nothing Phone (2) లో 6.7-ఇంచ్ ఫుల్ హెచ్డీ+ ఓఎల్ఈడీ డిస్ప్లే, 120 హెర్ట్జ్ రిఫ్రెష్ రేట్ ఉంటాయి.
- ప్రాసెసర్: Nothing Phone (2) లో క్వాల్కమ్ స్నాప్ డ్రాగన్ 8+ జెన్ 1 చిప్సెట్ ఉంటుంది.
- సెక్యూరిటీ: Nothing Phone (2) లో భద్రత కోసం ఆప్టికల్ ఫింగర్ ప్రింట్ స్కానర్, ఐపీ రేటింగ్ ఉన్నాయి.
- కెమెరా: Nothing Phone (2) లో డ్యూయల్ రియర్ కెమెరా సెటప్ ఉంటుంది. ఇందులో 50ఎంపి ఐఎంఎక్స్890 ఓఐఎస్ ప్రైమరీ కెమెరా, 50ఎంపి అల్ట్రావైడ్ జెఎన్1 లెన్స్ ఉంటాయి.
- బ్యాటరీ: Nothing Phone (2) లో పవర్ బ్యాకప్ కోసం 4700 ఎంఏహెచ్ బ్యాటరీ ఉంటుంది. ఇది 33 వాట్ ఫాస్ట్ చార్జింగ్ సపోర్ట్ తో వస్తుందని అంచనా.
- ఓఎస్: Nothing Phone (2) డివైజ్ ఆండ్రాయిడ్ 13 ఓఎస్ ఆధారిత నథింగ్ ఓఎస్ 2.0 కస్టమ్ స్కిన్ పై పని చేస్తుంది.
- స్టోరేజీ: Nothing Phone (2) డివైజ్ 8జిబి ర్యామ్ + 256జిబి స్టోరేజీ ఆప్షన్ తో వస్తోంది.
- అప్డేట్స్: Nothing Phone (2) డివైజ్ 3 ఏళ్ళ పాటు మేజర్ ఆండ్రాయిడ్ అప్డేట్స్, 4 ఏళ్ళ పాటు సెక్యూరిటీ ప్యాచెస్ ని పొందనుంది.
