స్మార్ట్ఫోన్ కొనే ముందు ప్రధానంగా చూసే స్పెసిఫికేషన్స్ లో బ్యాటరీ విభాగం ఒకటి. ఫోన్ ఎక్కువ సేపు వాడుకోవాలంటే, మంచి పవర్ బ్యాకప్ ఉండాలి. అంటే బ్యాటరీ లైఫ్ ఎక్కువగా అందించే ఫోన్ని ఎంపిక చేసుకోవాల్సి ఉంటుంది. మార్కెట్ లో చాలా ఫోన్లు ఉంటాయి. అందులో ఏ ఫోన్ బ్యాటరీ లైఫ్ ఎంతా? అనేది వాడితే గానీ తెలియదు. అందుకే మేం ఎప్పటికప్పుడు ఫోన్ల బ్యాటరీ పెర్ఫామెన్స్ ఎలా ఉందో కొన్ని టెస్టులు జరిపి తెలుసుకుంటున్నాం.
ఈ ఆర్టికల్ లో Nothing Phone (2a) Plus మరియు Realme 13 Pro ఫోన్ల బ్యాటరీ పనితనాన్ని కొన్ని టెస్టులు చేసి పరీక్షించాం. ఓసారి ఆ వివరాలు తెలుసుకోండి.
Nothing Phone (2a) Plus లో 5000 ఎంఏహెచ్ బ్యాటరీ అందించారు. Realme 13 Pro లో 5200 ఎంఏహెచ్ బ్యాటరీ ఇచ్చారు. పెద్ద బ్యాటరీ ఉన్న రియల్మీ 13 ప్రో, నథింగ్ ఫోన్ 2ఏ ప్లస్ కంటే బెటర్ రిజల్ట్స్ అందిస్తుందా? ఆ విషయం తెలుసుకుందాం పదండి.
పీసీమార్క్ టెస్ట్
పీసీమార్క్ బ్యాటరీ టెస్ట్ ద్వారా రెండు ఫోన్లలోని బ్యాటరీలు ఎలా పని చేస్తున్నాయో తెలిసింది. ఈ టెస్టును ఫ్లయిట్ మోడ్ ఆన్ చేసి చేయడం జరిగింది. అలాగే రెండు ఫోన్లను పూర్తిగా చార్జ్ చేసి, ఒకే విధమైన ఆడియో/బ్యాటరీ లెవెల్స్ సెట్ చేసి టెస్ట్ జరిపాం. ఫలితాలు ఎలా ఉన్నాయో చూద్దాం.
Nothing Phone 2A Plus పీసీమార్క్ బ్యాటరీ టెస్టులో 14 గంటల 34 నిమిషాలు స్కోర్ చేసింది. మరోవైపు Realme 13 Pro 10 గంటల 48 నిమిషాలు స్కోర్ చేసింది. నథింగ్ ఫోన్ 2ఏ ప్లస్ లో చిన్న బ్యాటరీ ఉన్నప్పటికీ, పెద్ద బ్యాటరీ ఉన్న రియల్మీ 13 ప్రో కంటే బెటర్ గా పెర్ఫామ్ చేసింది.
విజేత: Nothing Phone (2a) Plus
యూట్యూబ్ వీడియో
రెండు ఫోన్లలో 30 నిమిషాల పాటు యూట్యూబ్ వీడియోలు చూడగా, Nothing Phone (2a) Plus లో 4 శాతం బ్యాటరీ ఖర్చయ్యింది. మరోవైపు, Realme 13 Pro లో కూడా 4 శాతం బ్యాటరీ ఖర్చయ్యింది.
అయితే రెండు ఫోన్లు 4 శాతం బ్యాటరీని తీసుకున్నాయి కానీ, కచ్చితమైన ఫలితాలు చూస్తే, Nothing Phone (2a) Plus 200mAh బ్యాటరీ, Realme 13 Pro 208mAh బ్యాటరీ వినియోగించాయి.
విజేత: Nothing Phone (2a) Plus
గేమింగ్ టెస్ట్
మేం గేమింగ్ టెస్ట్ కోసం మూడు ప్రధాన గేమ్స్ ఎంచుకున్నాం. అవి: బ్యాటిల్గ్రౌండ్స్ మొబైల్ ఇండియా (బీజీఎంఐ), కాల్ ఆఫ్ డ్యూటీ (సీఓడీ), మరియు రియల్ రేసింగ్ 3. రెండు ఫోన్లలో ఈ గేమ్స్ ప్రతీ ఒక్కదాన్ని 30 నిమిషాల పాటు ఆడటం జరిగింది. యావరేజీ బ్యాటరీ డ్రాప్ రిజల్ట్స్ చూద్దాం.
Nothing Phone (2a) Plus లో యావరేజీ బ్యాటరీ డ్రాప్ 6.3 శాతంగా నమోదైంది. మరోవైపు, Realme 13 Pro లో 7 శాతం బ్యాటరీ డ్రాప్ అయ్యింది.
కచ్చితమైన ఫలితాలను గమనిస్తే, Nothing Phone (2a) Plus 315mAh బ్యాటరీ పవర్ ను వాడుకోగా, Realme 13 Pro 364mAh బ్యాటరీ పవర్ను వినియోగించుకుంది.
విజేత: Nothing Phone (2a) Plus
చార్జింగ్
Realme 13 Pro లో పెద్ద బ్యాటరీ ఉంది. Nothing Phone (2a) Plus 50 వాట్ ఫాస్ట్ చార్జింగ్ సపోర్ట్ కలిగి ఉంది. అయితే ఈ నథింగ్ ఫోన్ తో పాటు బాక్స్ లో చార్జర్ రాదు. దీంతో మేం, మోటోరోలా పీడీ చార్జర్ వాడాం.
Nothing Phone (2a) Plus డివైజ్ 20 శాతం నుంచి 100 శాతం చార్జ్ అయ్యేందుకు 51 నిమిషాలు సమయం పట్టింది. Realme 13 Pro ఫోన్ 20 శాతం నుంచి 100 శాతం చార్జ్ అయ్యేందుకు 52 నిమిషాలు సమయం పట్టింది.
విజేత: Nothing Phone (2a) Plus
ఏది బెటర్?
ఓవరాల్ గా చూస్తే, Nothing Phone (2a) Plus స్మార్ట్ఫోన్ చిన్న బ్యాటరీ కలిగి ఉన్నప్పటికీ, Realme 13 Pro కంటే బెటర్ గా పెర్ఫామ్ చేసింది.
అయితే, Nothing Phone (2a) Plus ఫోన్ తో పాటు బాక్స్ లో చార్జర్ను కంపెనీ అందించడం లేదు. కేవలం టైప్-సీ టు టైప్-సీ కేబుల్ మాత్రమే అందిస్తోంది. కానీ, Realme 13 Pro తో పాటు బాక్స్ లో చార్జర్ వస్తుంది.
మేం అందించిన బ్యాటరీ టెస్టు ఫలితాలు, మీకు నచ్చిన ఫోన్ ఎంచుకునేందుకు సాయపడతాయని ఆశిస్తున్నాం.