Samsung Galaxy M55s స్మార్ట్ఫోన్ ఎమ్-సిరీస్ లో శాంసంగ్ నుంచి వచ్చిన కొత్త ఫోన్. దీని ప్రారంభ ధర రూ.19,999 గా ఉంది. ఇది రూ.20,000 లోపు సెగ్మెంట్ క్రిందకి వస్తుంది. ధరను బట్టి ఈ ఫోన్ హార్డ్వేర్ ఇతర ఫీచర్లు సరిగ్గానే ఉన్నాయనిపిస్తోంది. అయితే, ఇదే ధర శ్రేణిలో, లాంచైన Realme 13 డివైజ్ శాంసంగ్ గెలాక్సీ ఎమ్55ఎస్ కి బెటర్ ఆల్టర్నేటివ్గా చెప్పవచ్చు. ఇప్పుడు ఈ రెండు ఫోన్లను పోల్చి ఏది బెటర్ అనే విషయం తెలుసుకుందాం.
Samsung Galaxy M55s vs Realme 13: ధర
| శాంసంగ్ గెలాక్సీ ఎమ్55ఎస్ | రియల్మీ 13 |
| 8జిబి+128జిబి ధర రూ.19,999 | 8జిబి+128జిబి ధర రూ.17,999 |
| 8జిబి+256జిబి ధర రూ.22,999 | 8జిబి+256జిబి ధర రూ.19,999 |
ఈ రెండు స్మార్ట్ఫోన్ల ధర భారత్లో రూ.20,000 లోపు ఉంది. రియల్మీ 13 తో పోల్చితే శాంసంగ్ గెలాక్సీ ఎమ్55ఎస్ ధర కాస్త ఎక్కువగా ఉంది. రెండు ఫోన్లు ఒకే విధమైన ర్యామ్, స్టోరేజీ ఆప్షన్స్ లో లభిస్తున్నాయి. అవి: 8జిబి ర్యామ్, 128జిబి/256జిబి స్టోరేజీ.
Samsung Galaxy M55s vs Realme 13: డిజైన్
| స్పెసిఫికేషన్స్ | శాంసంగ్ గెలాక్సీ ఎమ్55ఎస్ | రియల్మీ 13 |
| కలర్స్ | థండర్ బ్లాక్, కోరల్ గ్రీన్ | స్పీడ్ గ్రీన్, డార్క్ పర్పుల్ |
| చుట్టుకొలత | 163.9 x 76.5 x 7.8 మి.మీ | 165.6 x 76.1 x 7.8 మి.మీ |
| బరువు | 180 గ్రాములు | 190 గ్రాములు |
| ప్రొటెక్షన్ | – | ఐపీ64 |
శాంసంగ్ గెలాక్సీ ఎమ్55ఎస్ డివైజ్ మూడు డిఫరెంట్ ప్యాటర్న్ డిజైన్స్ లో లభిస్తుంది. అవి: స్ట్రిప్స్, ప్లెయిన్, మరియు టెక్షర్డ్. ఈ ఫోన్ గ్రీన్ మరియు బ్లాక్ మ్యాట్ కలర్ ఆప్షన్స్ లో లభిస్తుంది. రియర్ ప్యానెల్ పై టాప్ లెఫ్ట్ లో ట్రిపుల్ కెమెరా సెటప్ ఉంది. ఇందులో మూడు కెమెరా సెన్సర్స్ ఉన్నాయి. రియల్మీ 13 తో పోల్చితే గెలాక్సీ ఎమ్55 ఎస్ చాలా తక్కువ బరువుంది. ఐపీ రేటింగ్ లేకపోవడంతో ఈ ఫోన్ దుమ్ము, నీటి జల్లుల నుంచి రక్షణ పొందలేదు.
మరోవైపు, రియల్మీ 13 డ్యూయట్-టోన్ ఫినిష్ తో వచ్చింది. బ్యాక్ ప్యానెల్ పై టెక్షర్డ్ ప్యాటర్న్ ఉంది. గ్రీన్ మరియు పర్పుల్ కలర్స్ లో లభిస్తుంది. కెమెరా సెటప్ రింగ్ మాడ్యూల్ లో ఉంటుంది. ఐపీ64 రేటింగ్ వల్లన ఫోన్కి దుమ్ము మరియు నీటి జల్లుల నుంచి రక్షణ లభిస్తుంది.
Samsung Galaxy M55s vs Realme 13: డిస్ప్లే
| ఫోన్ | డిస్ప్లే |
| శాంసంగ్ గెలాక్సీ ఎమ్55ఎస్ | 6.7-ఇంచ్ ఫుల్హెచ్డీ+ సూపర్ అమోలెడ్, 120 హెర్ట్జ్ రిఫ్రెష్ రేట్, 1080*2400 పిక్సెల్స్ రెజుల్యూషన్ |
| రియల్మీ 13 | 6.72-ఇంచ్ ఫుల్హెచ్డీ+ ఐపీఎస్ ఎల్సీడీ, 120 హెర్ట్జ్ రిఫ్రెష్ రేట్, 1080*2400 రెజుల్యూషన్ |
రెండు ఫోన్లలో 6.7-ఇంచ్ ఫుల్హెచ్డీ+ (1080*2400) రెజుల్యూషన్, 120 హెర్ట్జ్ రిఫ్రెష్ రేట్ ఉన్నాయి. శాంసంగ్ ఎమ్55ఎస్ లో సూపర్ అమోలెడ్ ప్లస్ ప్యానెల్, ఇన్ఫినిటీ-ఓ ప్యానెల్ ఉండగా, రియల్మీ 13 లో ఐపీఎస్ ఎల్సీడీ ప్యానెల్ ఇచ్చారు.
Samsung Galaxy M55s vs Realme 13: పెర్ఫామెన్స్
| ఫోన్ | ప్రాసెసర్ |
| శాంసంగ్ గెలాక్సీ ఎమ్55ఎస్ | స్నాప్డ్రాగన్ 7 జెన్ 1 చిప్సెట్ |
| రియల్మీ 13 | మీడియాటెక్ డైమెన్సిటీ 6300 |
శాంసంగ్ గెలాక్సీ ఎమ్55ఎస్ లో క్వాల్కమ్ స్నాప్డ్రాగన్ 7 జెన్ 1 చిప్సెట్ వాడారు. రియల్మీ 13 లో మీడియాటెక్ డైమెన్సిటీ 6300 ప్రాసెసర్ ఇచ్చారు. స్నాప్డ్రాగన్ 7 జెన్ 1 చిప్సెట్ 4 నానోమీటర్ ఫ్యాబ్రికేషన్స్ పై తయారైంది. డైమెన్సిటీ 6300 చిప్సెట్ 6 నానోమీటర్ ఫ్యాబ్రికేషన్స్ పై తయారైంది. శాంసంగ్ ఫోన్ ఎల్పీడీడీఆర్5 ర్యామ్, యూఎఫ్ఎస్ 3.1 స్టోరేజీతో రాగా, రియల్మీ డివైజ్ ఎల్పీడీడీఆర్4ఎక్స్ ర్యామ్, యూఎఫ్ఎస్ 2.2 స్టోరేజీతో వచ్చింది.
రియల్మీ 13 అంటుటు స్కోర్ 4,45,281 పాయింట్లు స్కోర్ చేసింది. గీక్బెంచ్ పై సింగిల్-కోర్ టెస్ట్ లో 782 పాయింట్లు, మల్టీ-కోర్ టెస్ట్ లో 1,978 పాయింట్లు నమోదు చేసింది. శాంసంగ్ గెలాక్సీ ఎమ్55ఎస్ పెర్ఫామెన్స్ను మేం ఇంకా టెస్ట్ చేయలేదు.
Samsung Galaxy M55s vs Realme 13: కెమెరాలు
| ఫోన్ | వెనుక కెమెరాలు | ముందు కెమెరా |
| శాంసంగ్ గెలాక్సీ ఎమ్55ఎస్ | 50ఎంపి ఓఐఎస్ ప్రైమరీ కెమెరా, 8ఎంపి అల్ట్రావైడ్ లెన్స్, 2ఎంపి మ్యాక్రో సెన్సర్ | 50ఎంపి ఫ్రంట్ కెమెరా |
| రియల్మీ 13 | 50ఎంపి ఓఐఎస్ ప్రైమరీ కెమెరా, 2ఎంపి మ్యాక్రో కెమెరా | 16ఎంపి ఫ్రంట్ కెమెరా |
కెమెరా విభాగంలో శాంసంగ్ గెలాక్సీ ఎమ్55ఎస్ క్లియర్ విన్నర్ అని చెప్పవచ్చు. రెండు ఫోన్లలో 50ఎంపి ప్రైమరీ కెమెరా, 2ఎంపి మ్యాక్రో కెమెరా ఉన్నాయి. అయితే శాంసంగ్ లో అదనంగా 8ఎంపి అల్ట్రావైడ్ లెన్స్ కూడా ఉంది. ముందువైపు, శాంసంగ్ గెలాక్సీ ఎమ్55ఎస్ లో 50ఎంపి కెమెరా ఇచ్చారు. రియల్మీ 13 లో 16ఎంపి ఫ్రంట్ కెమెరా ఇచ్చారు.
అయితే, శాంసంగ్ గెలాక్సీ ఎమ్55ఎస్ యొక్క కెమెరా పెర్ఫామెన్స్ ఎలా ఉందో తెలుసుకునేందుకు మీరు పూర్తి రివ్యూ కోసం వేచి చూడాలి. సరే, ఓసారి రియల్మీ 13 యొక్క కెమెరా శాంపిల్స్ క్రింద అందించాం. ఓ లుక్ వేయండి.
Samsung Galaxy M55s vs Realme 13: బ్యాటరీ, చార్జింగ్
| ఫోన్ | బ్యాటరీ | చార్జింగ్ స్పీడ్ |
| శాంసంగ్ గెలాక్సీ ఎమ్55ఎస్ | 5,000 ఎంఏహెచ్ | 45 వాట్ |
| రియల్మీ 13 | 5,000 ఎంఏహెచ్ | 45 వాట్ |
రెండు ఫోన్లలో 5,000 ఎంఏహెచ్ బ్యాటరీ ప్రొవైడ్ చేశారు. అలాగే ఈ ఫోన్లు 45 వాట్ ఫాస్ట్ చార్జింగ్ కి సపోర్ట్ చేస్తాయి. మేం జరిపిన పీసీమార్క్ బ్యాటరీ టెస్ట్ లో రియల్మీ 13 స్మార్ట్ఫోన్ 11 గంటల 12 నిమిషాలు నడిచింది. అలాగే 20 శాతం నుంచి 100 శాతం చార్జ్ అయ్యేందుకు 57 నిమిషాల సమయం తీసుకుంది. శాంసంగ్ గెలాక్సీ ఎమ్55ఎస్ నుంచి కూడా ఇదే విధమైన ఫలితాలను ఆశించవచ్చు.
Samsung Galaxy M55s vs Realme 13: సాఫ్ట్వేర్
| ఫోన్ | సాఫ్ట్వేర్ |
| శాంసంగ్ గెలాక్సీ ఎమ్55ఎస్ | ఆండ్రాయిడ్ 14 ఓఎస్, వన్యూఐ, 4+5 అప్డేట్ పాలసీ |
| రియల్మీ 13 | ఆండ్రాయిడ్ 14 ఓఎస్, రియల్మీయూఐ 2+3 అప్డేట్ పాలసీ |
శాంసంగ్ గెలాక్సీ ఎమ్55ఎస్ ఆండ్రాయిడ్ 14 ఓఎస్ ఆధారిత వన్యూఐ కస్టమ్ స్కిన్ తో లాంచ్ అయ్యింది. రియల్మీ 13 డివైజ్ ఆండ్రాయిడ్ 14 ఓఎస్ ఆధారిత రియల్మీ యూఐ కస్టమ్ స్కిన్ తో వచ్చింది. రెండు ఫోన్లు కూడా కొన్ని థర్డ్-పార్టీ యాప్స్ తో వస్తాయి. కానీ, మీరు వాటిని అన్ఇన్స్టాల్ చేసుకోవచ్చు. శాంసంగ్ 4 ఏళ్ళు ఓఎస్ అప్డేట్స్, 5 ఏళ్ళు సెక్యూరిటీ ప్యాచెస్ అందిస్తుంది. మరోవైపు, రియల్మీ 13 కి కేవలం రెండు ఆండ్రాయిడ్ అప్డేట్స్, 3 ఏళ్ళు సెక్యూరిటీ ప్యాచెస్ లభిస్తాయి. గెలాక్సీ ఎమ్55ఎస్ లో హార్డ్వేర్-బేస్డ్ సెక్యూరిటీ సెల్యూషన్ ‘శాంసంగ్ నాక్స్ వాల్ట్’ ఉంటుంది.
