కార్ల్ పే సారథ్యంలో ఏర్పడిన Nothing సంస్థ ఇప్పటి వరకు రెండు స్మార్ట్ఫోన్లను భారత్ తో సహా గ్లోబల్ గా లాంచ్ చేసింది. అవి: Nothing Phone (1), Nothing Phone (2). ఈసారి వీటికంటే కాస్త తక్కువ ధరలో మరొక ఫోన్ ని నథింగ్ సంస్థ తీసుకురాబోతోంది. Nothing Phone (2a) పేరుతో ఈ ఫోన్ మార్కెట్ లోకి రానుంది. ఇటీవలె నథింగ్ సీఈవో కార్ల్ పే ఓ డివైజ్ ని సోషల్ మీడియాలో షేర్ చేశారు. ఇది Nothing Phone (2a) అయ్యుంటుందని అంతా విశ్వసిస్తున్నారు. మరోవైపు, Nothing Phone (2a) డివైజ్ యూఏఈ కి చెందిన టీడీఆర్ఏ సర్టిఫికేషన్ వెబ్సైట్ పై లిస్ట్ అయ్యింది. ఓసారి ఆ విశేషాలేంటో తెలుసుకుందాం పదండి.
Nothing Phone (2a) TDRA సర్టిఫికేషన్ వివరాలు
- Nothing Phone (2a) యూఏఈకి చెందిన సర్టిఫికేషన్ వెబ్సైట్ టీడీఆర్ఏ పై లిస్ట్ అయ్యింది.
- లిస్టింగ్ లో Nothing Phone (2a) పేరు పేర్కొనబడి ఉంది. పేరు తప్పా, మరే ఇతర స్పెసిఫికేషన్స్ రివీల్ కాలేదు.
- కార్ల్ పే షేర్ చేసిన టీజర్ ద్వారా ఎటువంటి వివరాలు బయటకు రాలేదు. కంపెనీ ఇంకా ఈ ఫోన్ డీటెయిల్స్ రహస్యంగానే ఉంచుతోంది.
- రానున్న రోజుల్లో Nothing Phone (2a) కి సంబంధించి కంపెనీ నుంచి మరిన్ని టీజర్స్ వచ్చే అవకాశం ఉంది. సరే, ఓసారి Nothing Phone (2a) యొక్క అంచనా స్పెసిఫికేషన్స్ తెలుసుకుందాం పదండి.
Nothing Phone (2a) స్పెసిఫికేషన్స్ (అంచనా)
- డిస్ప్లే: Nothing Phone (2a) లో 6.7-ఇంచ్ అమోలెడ్ డిస్ప్లే, 120 హెర్ట్జ్ రిఫ్రెష్ రేట్ ఉంటాయి.
- ప్రాసెసర్: Nothing Phone (2a) లో మీడియాటెక్ డైమెన్సిటీ 7200 చిప్సెట్ ఉంటుంది.
- ర్యామ్, స్టోరేజీ: Nothing Phone (2a) లో 8జిబి ర్యామ్ + 128జిబి స్టోరేజీ మరియు 12జిబి ర్యామ్ + 256జిబి స్టోరేజీ ఆప్షన్స్ లో లాంచ్ అయ్యే అవకాశం ఉంది.
- కెమెరా: Nothing Phone (2a) లో డ్యూయల్ రియర్ కెమెరా సెటప్ ఉంటుంది. ఇందులో 50ఎంపి శాంసంగ్ ఐసోసెల్ ఎస్5కేజీఎన్9 ప్రైమరీ కెమెరా, 50ఎంపి ఐసోసెల్ జెఎన్1 అల్ట్రావైడ్ లెన్స్ ఉంటాయి. సెల్ఫీస్, వీడియో కాల్స్ కోసం 16ఎంపి ఫ్రంట్ కెమెరా ఉంటుంది.
- ఓఎస్: Nothing Phone (2a) డివైజ్ ఆండ్రాయిడ్ 14 ఓఎస్ ఆధారిత నథింగ్ ఓఎస్ 2.5 కస్టమ్ స్కిన్ పై పని చేస్తుంది.
- బ్యాటరీ: Nothing Phone (2a) లో పవర్ బ్యాకప్ కోసం 4,290 ఎంఏహెచ్ బ్యాటరీ ఉంటుంది. ఇది 35 వాట్ లేదా 45 వాట్ ఫాస్ట్ చార్జింగ్ సపోర్ట్ తో వచ్చే అవకాశం ఉంది.