ప్రముఖ స్మార్ట్ఫోన్ బ్రాండ్ OnePlus గతేడాది OnePlus 11R డివైజ్ ని లాంచ్ చేసింది. ఈ ఫోన్ మార్కెట్ లో బాగా క్లిక్ అయ్యింది. ప్రస్తుతం ఈ ఫోన్ ఎంతో తక్కువ ధరకే యూజర్లకు అందుబాటులో ఉంది. అయితే ఈ-కామర్స్ ప్లాట్ఫామ్ అమెజాన్ పై మరింత చవకగా OnePlus 11R లభిస్తోంది. బ్యాంక్ డిస్కౌంట్ తో ఈ ఫోన్ని తక్కువ బడ్జెట్ లో సొంతం చేసుకోవచ్చు. ఓసారి ఆఫర్ వివరాలను తెలుసుకుందాం పదండి.
OnePlus 11R డిస్కౌంట్ వివరాలు
OnePlus 11R స్మార్ట్ఫోన్ యొక్క 8జిబి ర్యామ్ + 128జిబి స్టోరేజీ వేరియంట్ ధర అమెజాన్ ఇండియాపై రూ.29,999 గా ఉంది. ఏదైనా బ్యాంక్ కార్డుతో పూర్తి పేమెంట్ చేసి డివైజ్ని కొనుగోలు చేస్తే, రూ.2,000 డిస్కౌంట్ లభిస్తుంది. అంటే యూజర్ కి ఈ ఫోన్ రూ.27,000 కే లభించనుంది. ఆసక్తికరమైన విషయం ఏంటంటే, ఏప్రిల్ నెలలో లాంచైన సోలార్ రెడ్ ఎడిషన్ కూడా ఇదే ధరకి లభిస్తుంది. ఇకపోతే, OnePlus 11R ఫోన్ సోనిక్ బ్లాక్ మరియు గెలాక్టిక్ సిల్వర్ కలర్స్ లో లభిస్తుంది.
ఇక్కడ గమనించ దగిన విషయం ఏంటంటే, వన్ప్లస్ వెబ్సైట్ పై OnePlus 11R ధర ఇంకా రూ.35,999 గానే ఉంది. అమెజాన్ ఇండియా వెబ్సైట్ పై OnePlus 11R ఆఫర్ ధర ఎన్ని రోజులు అందుబాటులో ఉంటుందో ఇంకా తెలియదు.
OnePlus 11R స్పెసిఫికేషన్స్
డిస్ప్లే: OnePlus 11R 5G స్మార్ట్ ఫోన్ 6.74-ఇంచ్ ఫుల్ హెచ్డీ+ 120 హెర్ట్జ్ అమోలెడ్ డిస్ప్లే తో వచ్చింది. 120 హెర్ట్జ్ సూపర్ ఫ్లూయిడ్ డిస్ప్లే, 1450 నిట్స్ పీక్ బ్రైట్నెస్, 1000 హెర్ట్జ్ టచ్ రెస్పాన్స్ రేట్ ఈ ఫోన్ లో ఉన్నాయి.
చిప్సెట్: OnePlus 11R 5G లో స్నాప్డ్రాగన్ 8+ జెన్ 1 చిప్ వాడారు.
బ్యాటరీ: OnePlus 11R 5G లో 5000 ఎంఏహెచ్ బ్యాటరీ ఇచ్చారు. ఇది 100 వాట్ ఫాస్ట్ చార్జింగ్ కి సపోర్ట్ చేస్తుంది. OnePlus 11R 5G డివైజ్ సోనిక్ బ్లాక్, గెలాక్టిక్ సిల్వర్ కలర్ ఆప్షన్స్ లో లభించనుంది.
మెమొరీ: OnePlus 11R 5G లో 16జిబి వరకు ఎల్పీడీడీఆర్5 ర్యామ్, 256జిబి వరకు యూఎఫ్ఎస్4.0 స్టోరేజీ టెక్నాలజీని ఈ ఫోన్ లో అందించారు.
ఓఎస్: ఈ హ్యాండ్సెట్ ఆండ్రాయిడ్ 13 ఓఎస్ ఆధారిత ఆక్సిజన్ ఓఎస్ కస్టమ్ స్కిన్ పై పని చేస్తుంది.
కెమెరా: OnePlus 11R 5G లో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి సోని ఐఎంఎక్స్890 మెయిన్ సెన్సర్, 8ఎంపి అల్ట్రావైడ్ లెన్స్, 2ఎంపి మ్యాక్రో కెమెరా ఈ ఫోన్ లో ఉన్నాయి. సెల్ఫీస్, వీడియో కాల్స్ కోసం ఈ డివైజ్ లో 16ఎంపి ఫ్రంట్ కెమెరా ఇచ్చారు.
కనెక్టివిటీ: OnePlus 11R 5G లో 5జీ, వై-ఫై 6ఈ, బ్లూటూత్ 5.2, జీపీఎస్, యూఎస్బీ టైప్-సీ పోర్ట్ ఉన్నాయి.
చుట్టుకొలత, బరువు: OnePlus 11R 5G డివైజ్ 163.1 మిల్లీ మీటర్ల పొడవు, 74.1 మిల్లీ మీటర్ల వెడల్పు, 8.53 మిల్లీ మీటర్ల మందం, 205 గ్రాముల బరువు ఉంటుంది.
ఇతర ఫీచర్లు: భద్రత కోసం ఈ ఫోన్ లో ఇన్-డిస్ప్లే ఫింగర్ ప్రింట్ స్కానర్ అందించారు. డాల్బి అట్మాస్, అలర్ట్ స్లైడర్ ఈ ఫోన్ లో ఉన్నాయి.