ప్రముఖ స్మార్ట్ఫోన్ కంపెనీ OnePlus చైనాలో లాంచైన OnePlus 11R స్పెషల్ ఎడిషన్ ని భారతీయ మార్కెట్ లోకి కొత్త కలర్ వేరియంట్ రూపంలో తీసుకొచ్చే ప్రయత్నాల్లో ఉంది. కంపెనీ ఇప్పటికే OnePlus 11R రెడ్ కలర్ వేరియంట్ ని టీజ్ చేయడం మొదలుపెట్టింది. అయితే ఇంకా లాంచ్ వివరాలను వెల్లడించలేదు. త్వరలోనే లాంచ్ తేదీ ప్రకటన వచ్చే అవకాశం ఉంది. సరే, ఓసారి OnePlus 11R రెడ్ వేరియంట్ వివరాలు, పూర్తి స్పెసిఫికేషన్స్ తెలుసుకుందాం పదండి.
Get ready to relive a decade full of emotions. Get ready to relive the red rush.
— OnePlus India (@OnePlus_IN) October 1, 2023
OnePlus 11R రెడ్ వేరియంట్
OnePlus 11R స్మార్ట్ఫోన్ ప్రస్తుతం భారత్ లో రెండు కలర్ ఆప్షన్స్ లో లభించనుంది. అవి: గెలాక్టిక్ సిల్వర్, సోనిక్ బ్లాక్. సిల్వర్ కలర్ గ్లాసీ గ్లాస్ బ్యాక్ ఫినిష్ తో రానుంది. ఇకపోతే బ్లాక్ వేరియంట్ సాఫ్ట్-టచ్ మ్యాట్ గ్లాస్ ఫినిష్ తో వచ్చింది. ఇప్పుడు రెడ్ వీగన్ లెదర్ కలర్ ఆప్షన్ కూడా ఎంట్రీ ఇవ్వబోతోంది.
తొలుత వన్ప్లస్ కంపెనీ OnePlus Ace 2 Genshin Impact స్పెషల్ ఎడిషన్ ని రెడ్ కలర్ లో తన సొంత దేశం చైనాలో లాంచ్ చేసింది. ఇప్పుడు దీన్నే OnePlus 11R రెడ్ కలర్ వేరియంట్ క్రింద భారతీయ మార్కెట్ లోకి తీసుకొస్తోంది.
భారత్ లో OnePlus 11R ధర, లభ్యత
గ్రేట్ ఇండియన్ ఫెస్టివల్ సేల్ సందర్భంగా OnePlus 11R సేల్ కి వస్తుందని అంచనా వేస్తున్నారు. ఇంకా వన్ప్లస్ అధికార వెబ్ సైట్ ద్వారా కూడా ఈ ఫోన్ ని కొనుగోలు చేయవచ్చు. OnePlus 11R కి పండుగ సీజర్ డిస్కౌంట్ ని ఇంకా కంపెనీ రివీల్ చేయలేదు. OnePlus 11R డివైజ్ 8జిబి ర్యామ్ + 128జిబి స్టోరేజీ వేరియంట్ ధర రూ.39,999 గా ఉంది. 16జిబి + 256జిబి వేరియంట్ ధర రూ.44,999 గా ఉంది.
OnePlus 11R 5G స్పెసిఫికేషన్స్
డిస్ప్లే: OnePlus 11R 5G స్మార్ట్ ఫోన్ 6.74-ఇంచ్ ఫుల్ హెచ్డీ+ 120 హెర్ట్జ్ అమోలెడ్ డిస్ప్లే తో వచ్చింది. 120 హెర్ట్జ్ సూపర్ ఫ్లూయిడ్ డిస్ప్లే, 1450 నిట్స్ పీక్ బ్రైట్నెస్, 1000 హెర్ట్జ్ టచ్ రెస్పాన్స్ రేట్ ఈ ఫోన్ లో ఉన్నాయి.
చిప్సెట్: OnePlus 11R 5G లో స్నాప్డ్రాగన్ 8+ జెన్ 1 చిప్ వాడారు.
బ్యాటరీ: OnePlus 11R 5G లో 5000 ఎంఏహెచ్ బ్యాటరీ ఇచ్చారు. ఇది 100 వాట్ ఫాస్ట్ చార్జింగ్ కి సపోర్ట్ చేస్తుంది. OnePlus 11R 5G డివైజ్ సోనిక్ బ్లాక్, గెలాక్టిక్ సిల్వర్ కలర్ ఆప్షన్స్ లో లభించనుంది.
మెమొరీ: OnePlus 11R 5G లో 16జిబి వరకు ఎల్పీడీడీఆర్5 ర్యామ్, 256జిబి వరకు యూఎఫ్ఎస్4.0 స్టోరేజీ టెక్నాలజీని ఈ ఫోన్ లో అందించారు.
ఓఎస్: ఈ హ్యాండ్సెట్ ఆండ్రాయిడ్ 13 ఓఎస్ ఆధారిత ఆక్సిజన్ ఓఎస్ కస్టమ్ స్కిన్ పై పని చేస్తుంది.
కెమెరా: OnePlus 11R 5G లో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి సోని ఐఎంఎక్స్890 మెయిన్ సెన్సర్, 8ఎంపి అల్ట్రావైడ్ లెన్స్, 2ఎంపి మ్యాక్రో కెమెరా ఈ ఫోన్ లో ఉన్నాయి. సెల్ఫీస్, వీడియో కాల్స్ కోసం ఈ డివైజ్ లో 16ఎంపి ఫ్రంట్ కెమెరా ఇచ్చారు.
కనెక్టివిటీ: OnePlus 11R 5G లో 5జీ, వై-ఫై 6ఈ, బ్లూటూత్ 5.2, జీపీఎస్, యూఎస్బీ టైప్-సీ పోర్ట్ ఉన్నాయి.
చుట్టుకొలత, బరువు: OnePlus 11R 5G డివైజ్ 163.1 మిల్లీ మీటర్ల పొడవు, 74.1 మిల్లీ మీటర్ల వెడల్పు, 8.53 మిల్లీ మీటర్ల మందం, 205 గ్రాముల బరువు ఉంటుంది.
ఇతర ఫీచర్లు: భద్రత కోసం ఈ ఫోన్ లో ఇన్-డిస్ప్లే ఫింగర్ ప్రింట్ స్కానర్ అందించారు. డాల్బి అట్మాస్, అలర్ట్ స్లైడర్ ఈ ఫోన్ లో ఉన్నాయి.