ప్రముఖ స్మార్ట్ఫోన్ బ్రాండ్ OnePlus నుంచి OnePlus 12, OnePlus 12R డివైజెస్ లాంచ్ కానున్నాయి. ఈ ఫోన్ల కోసం OnePlus ఫ్యాన్స్ ఎంతగానో ఎదురు చూస్తున్నారు. ఈ సమయంలో వన్ప్లస్ సంస్థ ఒక శుభవార్త చెప్పింది. OnePlus 12 మరియు OnePlus 12R స్మార్ట్ఫోన్లు జనవరి 23న లాంచ్ కాబోతున్నట్లు వన్ప్లస్ సంస్థ ప్రకటించింది. సరే, ఓసారి OnePlus 12, OnePlus 12R లాంచ్ వివరాలు మరియు పూర్తి స్పెసిఫికేషన్స్ ఎలా ఉన్నాయో తెలుసుకుందాం పదండి.
OnePlus 12, OnePlus 12R లాంచ్ వివరాలు
The #OnePlus12 and #OnePlus12R launch on Jan 23.
Get ready to experience #SmoothBeyondBelief— OnePlus (@oneplus) December 15, 2023
OnePlus 12, OnePlus 12R లాంచ్ తేదీని కంపెనీ అధికారికంగా ప్రకటించింది. ఈ రెండు ఫోన్లు జనవరి 23 వ తేదీన లాంచ్ అవుతున్నాయి. ఇండియాలో జరిగే ఈవెంట్ ద్వారా గ్లోబల్ గా ఈ ఫోన్లు విడుదల కానున్నాయి. జనవరి 23న రాత్రి 7.30 గంటలకు ప్రారంభం కానుంది.
OnePlus 12 స్పెసిఫికేషన్స్ (చైనా మోడల్)
- డిస్ప్లే: OnePlus 12 లో 6.82-ఇంచ్ ఓఎల్ఈడీ స్క్రీన్, 2కే రెజుల్యూషన్, 120 హెర్ట్జ్ రిఫ్రెష్ రేట్, 4,500 నిట్స్ పీక్ బ్రైట్నెస్, 2,160 హెర్ట్జ్ పీడబ్ల్యూఎమ్ డిమ్మింగ్ సపోర్ట్ ఉన్నాయి.
- ప్రాసెసర్: OnePlus 12 లో క్వాల్కమ్ స్నాప్ డ్రాగన్ 8 జెన్ 3 చిప్సెట్ వాడారు.
- ర్యామ్, స్టోరేజీ: OnePlus 12 స్మార్ట్ఫోన్ 24జిబి వరకు ర్యామ్, 1టిబి వరకు స్టోరేజీ ఆప్షన్స్ లో లభిస్తుంది.
- కెమెరా: OnePlus 12 లో ట్రిపుల్ రియర్ కెమెరా సెటప్ ఉంది. ఇందులో 50ఎంపి సోని ఎల్వైటీ-808 ఓఐఎస్ ప్రైమరీ కెమెరా, 48ఎంపి సోని ఐఎంఎక్స్581 అల్ట్రావైడ్ లెన్స్, 64ఎంపి ఒమ్నివిజన్ ఒవి64బి 3x పెరిస్కోప్ జూమ్ లెన్స్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 32ఎంపి ఫ్రంట్ కెమెరా ఉంది.
- బ్యాటరీ: OnePlus 12 స్మార్ట్ఫోన్ లో పవర్ బ్యాకప్ కోసం 5,400 ఎంఏహెచ్ బ్యాటరీ ఉంది. ఇందులో 100 వాట్ ఫాస్ట్ చార్జింగ్, 50 వాట్ వైర్లెస్ చార్జింగ్ సపోర్ట్ ఉన్నాయి.
- ఓఎస్: OnePlus 12 ఫోన్ ఆండ్రాయిడ్ 14 ఓఎస్ ఆధారిత కలర్ఓఎస్ 14 కస్టమ్ స్కిన్ పై పని చేస్తుంది.