ప్రముఖ స్మార్ట్ఫోన్ బ్రాండ్ OnePlus త్వరలో తన ఫ్లాగ్షిప్ డివైజ్ OnePlus 13 ని లాంచ్ చేయనుంది. తాజాగా ఈ డివైజ్ కి సంబంధించిన వివరాలు లీక్ అయ్యాయి. అలాగే మరొక ఫోన్ OnePlus Ace 3 Pro యొక్క స్పెసిఫికేషన్స్ కూడా లీక్ అయ్యాయి. టిప్స్టర్ డిజిటల్ చాట్ స్టేషన్ ఈ ఫోన్లకు సంబంధించిన వివరాలను లీక్ చేసింది. ఏస్ 3 ప్రో డివైజ్ స్నాప్డ్రాగన్ 8 జెన్ 3 చిప్సెట్ తో వస్తోంది. ఓసారి రెండు ఫోన్లకు సంబంధించి లీకైన వివరాలను తెలుసుకుందాం పదండి.
OnePlus 13 వివరాలు (లీక్)
టిప్స్టర్ డిజిటల్ చాట్ స్టేషన్ మైక్రో-బ్లాగింగ్ సైట్ Weibo ద్వారా OnePlus 13 స్మార్ట్ఫోన్ వివరాలను షేర్ చేసింది.
OnePlus 13 డివైజ్ ప్రస్తుతం అల్ట్రాసోనిక్ ఇన్-డిస్ప్లే ఫింగర్ప్రింట్ స్కానర్ కై టెస్టింగ్ దశలో ఉంది.
OnePlus 13 లాంచ్ టైమ్లైన్ కి సంబంధించి మాట్లాడితే, ఈ ఫ్లాగ్షిప్ డివైజ్ 2024 చివర్లో లాంచ్ అయ్యే అవకాశం ఉంది.
OnePlus Ace 3 Pro కి సంబంధించిన స్పెసిఫికేషన్స్ కూడా రివీల్ అయ్యాయి. టిప్స్టర్ డిజిటల్ చాట్ స్టేషన్ వీటిని లీక్ చేసింది. ఓసారి ఆ వివరాలను తెలుసుకుందాం పదండి.
OnePlus Ace 3 Pro స్పెసిఫికేషన్స్
ప్రముఖ టిప్స్టర్ డిజిటల్ చాట్ స్టేషన్ చైనాకు చెందిన సామాజిక మాధ్యమం Weibo పై OnePlus Ace 3 Pro కి సంబంధించిన స్పెసిఫికేషన్స్ని షేర్ చేసింది. అవెలా ఉన్నాయో తెలుసుకుందాం పదండి.
- డిస్ప్లే: OnePlus Ace 3 Pro లో ఓఎల్ఈడీ 8టీ ఎల్టీపీవో డిస్ప్లే, 1.5కే రెజుల్యూషన్ ఉంటాయి.
- ప్రాసెసర్: OnePlus Ace 3 Pro లో క్వాల్కమ్ స్నాప్డ్రాగన్ 8 జెన్ 3 చిప్సెట్ ఉంటుంది.
- బ్యాటరీ: OnePlus Ace 3 Pro లో భారీ బ్యాటరీ ఉంటుంది. దీని కెపాసిటీ ఇంకా తెలియదు. అయితే ఇది 100 వాట్ ఫాస్ట్ చార్జింగ్ సపోర్ట్ తో వస్తోంది.
- ర్యామ్, స్టోరేజీ: OnePlus Ace 3 Pro డివైజ్ 24జిబి వరకు ఎల్పీడీడీఆర్5ఎక్స్ ర్యామ్, 1టిబి వరకు ఇంటర్నల్ స్టోరేజీ ఆప్షన్స్ తో లాంచ్ కానుందని అంచనా వేస్తున్నారు.
- కెమెరా: OnePlus Ace 3 Pro లో 50ఎంపి ప్రైమరీ కెమెరా ఉంటుందని లీక్ ద్వారా తెలిసింది. అయితే, ఫ్రంట్ కెమెరా సెన్సర్ వివరాలు తెలియలేదు.