ప్రముఖ స్మార్ట్ఫోన్ బ్రాండ్ OnePlus ఏస్ సిరీస్ లో ఒక కొత్త ఫోన్ని లాంచ్ చేయనుంది. OnePlus Ace 3V పేరుతో ఈ డివైజ్ మార్కెట్ లోకి రానుంది. తొలుత ఈ ఫోన్ చైనాలో లాంచ్ అవుతుంది. తర్వాత OnePlus Nord 5 పేరుతో
ఈ ఫోన్ భారత్ తో పాటు ప్రపంచ వ్యాప్తంగా లాంచ్ కానుంది. కొన్ని రోజుల్లో లాంచ్ అవుతుందనగా, ఈ ఫోన్ యొక్క ప్రధాన స్పెసిఫికేషన్స్ని టిప్స్టర్ లీక్ చేశారు. ఓసారి ఆ విశేషాలు తెలుసుకుందాం పదండి.
OnePlus Ace 3V స్పెసిఫికేషన్స్ (లీక్)
- టిప్స్టర్ డిజిటల్ చాట్ స్టేషన్ ద్వారా OnePlus Ace 3V యొక్క ప్రధాన ఫీచర్లు రివీల్ అయ్యాయి. మైక్రో బ్లాగింగ్ సైట్ వీబో పై డీసీఎస్ ఈ వివరాలను షేర్ చేసింది.
- SM7675 అనే చిప్సెట్ తో OnePlus Ace 3V డివైజ్ లాంచ్ కానుంది. కోడ్ ప్రకారం, ఇది క్వాల్కమ్ స్నాప్డ్రాగన్ 7+ జెన్ 3 చిప్సెట్ అయ్యే అవకాశం ఉంది.
- అయితే గతంలో ఇదే టిప్స్టర్ క్వాల్కమ్ స్నాప్డ్రాగన్ 7 జెన్ 3 చిప్సెట్ గురించి ప్రస్తావించారు. లాంచ్ సమయంలో దీనిపై స్పష్టత రానుంది.
- ప్రాసెసర్ హై క్లాక్ స్పీడ్ 2.9 గిగాహెర్ట్జ్ గా ఉంటుంది. గ్రాఫిక్స్ కోసం అడ్రెనో 732 జీపీయూని వాడనున్నారు.
- లీక్ ప్రకారం, OnePlus Ace 3V డివైజ్ 1.5కే రెజుల్యూషన్, 120 హెర్ట్జ్ రిఫ్రెష్ రేట్, ఆప్టికల్ ఫింగర్ ప్రింట్ స్కానర్, 16జిబి వరకు ర్యామ్, 1టిబి వరకు స్టోరేజీతో వస్తున్నట్లు తెలుస్తోంది.
- OnePlus Ace 3V ఫోన్లో పవర్ బ్యాకప్ కోసం 5,500 ఎంఏహెచ్ బ్యాటరీ ఉంటుందని సమాచారం. అలాగే 100 వాట్ ఫాస్ట్ చార్జింగ్ సపోర్ట్ ని ఈ ఫోన్ లో అందించే అవకాశం ఉంది.
OnePlus Ace 3V లాంచ్ టైమ్లైన్ (అంచనా)
OnePlus Ace 3V స్మార్ట్ఫోన్ లాంచ్ వివరాలను కంపెనీ ఇంకా షేర్ చేయలేదు. కానీ, లీక్ లో పేర్కొనబడిన ప్రాసెసర్ మార్చిలో లాంచ్ అవుతోంది. దీన్ని బట్టి, ఫోన్ కూడా వచ్చే నెలలో లాంచ్ అవుతుందని భావించవచ్చు.
OnePlus Ace 3V లాంచ్ కి సంబంధించిన వివరాలను త్వరలోనే వన్ప్లస్ సంస్థ వెల్లడించే అవకాశం ఉంది.
OnePlus Ace 3V స్పెసిఫికేషన్స్ (అంచనా)
- డిజైన్: OnePlus Ace 3V డివైజ్ గ్లాస్ బ్యాక్ మరియు ప్లాస్టిక్ ఫ్రేమ్ తో వస్తుందని చెప్పవచ్చు. రెండు మోడల్స్ లో ఫోన్ లాంచ్ అవుతుంది. వీటిలో ఒకటి ఫ్లాట్, మరొకటి కర్వ్డ్-ఎడ్జ్ బాడీని కలిగి ఉంటాయి.
- డిస్ప్లే: OnePlus Ace 3V లో 1.5కే రెజుల్యూషన్, 120 హెర్ట్జ్ రిఫ్రెష్ రేట్ ఉంటాయి.
- చిప్సెట్: OnePlus Ace 3V లో స్నాప్డ్రాగన్ 7+ జెన్ 3 చిప్సెట్, అడ్రెనో 732 జీపీయూ ఉంటాయి.
- ర్యామ్, స్టోరేజీ: OnePlus Ace 3V లో 16జిబి వరకు ర్యామ్, 1టిబి వరకు స్టోరేజీ ఉంటాయి.
- బ్యాటరీ: OnePlus Ace 3V లో పవర్ బ్యాకప్ కోసం 5,500 ఎంఏహెచ్ బ్యాటరీ ఉంటుంది. ఇది 100 వాట్ వైర్డ్ ఫాస్ట్ చార్జింగ్ సపోర్ట్ తో వస్తోంది.
