హైలైట్స్:
- లాంచ్ అయిన వన్ ప్లస్ నార్డ్ 20 ఎస్ఈ, ధర 199 యూఎస్ డాలర్లు
- 5,000 ఎంఏహెచ్ బ్యాటరీ, 50ఎంపి డ్యూయల్ రియర్ కెమెరా, 6.56 అంగుళాల హెచ్డీ+ ఎల్సీడీ ప్యానెల్
- సెలెస్టియల్ బ్లాక్, బ్లూ ఒయాసిస్ రంగుల్లో లభ్యం కానున్న వన్ ప్లస్ నార్డ్ 20 ఎస్ఈ
వన్ ప్లస్ 10టీ లాంచ్ చేసిన వన్ ప్లస్ కంపెనీ, నార్డ్ సిరీస్ లో మరొక ఫోన్ ని సైలెంట్ గా లాంచ్ చేసింది. ఆ ఫోన్ పేరే వన్ ప్లస్ నార్డ్ 20 ఎస్ఈ. అలీ ఎక్స్ప్రెస్ లో నార్డ్ 20ఎస్ఈ యొక్క లిస్టింగ్ ద్వారా స్పెసిఫికేషన్స్, ధర రివీల్ అయ్యాయి. అయితే, వన్ ప్లస్ నార్డ్ 20 ఎస్ఈ భారత మార్కెట్ ఎంట్రీ పట్ల వన్ ప్లస్ ఇంకా మౌనంగానే ఉంది. ఈ స్మార్ట్ ఫోన్ లో 5,000 ఎంఏహెచ్ బ్యాటరీ, 50ఎంపి డ్యూయల్ రియర్ కెమెరా, 6.56-ఇంచ్ హెచ్డీ+ ఎల్సీడీ ప్యానెల్ వంటి ఫీచర్లు ఉన్నాయి.
నిన్న భారత్ లో లాంచ్ అయిన ఒప్పో ఏ77 4జీ యొక్క రీబ్రాండెడ్ వర్షన్ గా వన్ ప్లస్ నార్డ్ 20 ఎస్ఈ వచ్చిందని దాని స్పెసిఫికేషన్స్ ని బట్టి అర్థమవుతోంది. మరో విషయం ఏంటంటే, ఒప్పో ఏ77 4జీ మాదిరే నార్డ్ 20 ఎస్ఈ డిజైన్ కూడా ఉంది. మరి వన్ ప్లస్ నార్డ్ 20 ఎస్ఈ ఏయే ఫీచర్లను ఆఫర్ చేస్తుందో చూద్దాం పదండి.
OnePlus Nord 20 SE స్పెసిఫికేషన్స్
వన్ ప్లస్ నార్డ్ 20 ఎస్ఈ లో 6.56 అంగుళాల హెచ్డీ+ ఎల్సీడీ డిస్ప్లే ఉంది. ఇది 60 హెర్ట్జ్ రిఫ్రెష్ రేట్, 1612*720 పిక్సెల్స్ రెజుల్యూషన్ ని కలిగి ఉంది. మీడియాటెక్ హీలియో జీ35 ప్రాసెసర్ ను ఇందులో అమర్చారు. 4జిబి ర్యామ్, 64జిబి స్టోరేజీని ఈ ఫోన్ కలిగి ఉంది. మైక్రో ఎస్డీ కార్డ్ సాయంతో మెమొరీని పెంచుకునే ఆప్షన్ ఉంది. ఇక బ్యాటరీ విభాగం గురించి తెలుసుకుందాం. ఈ ఫోన్ లో 5,000 ఎంఏహెచ్ బ్యాటరీని అమర్చారు. ఇది 33 వాట్ ఫాస్ట్ ఛార్జింగ్ కి సపోర్ట్ చేస్తుంది.
ఇప్పుడు కెమెరా విభాగం గురించి తెలుసుకుందాం. వన్ ప్లస్ నార్డ్ 20 ఎస్ఈ స్మార్ట్ ఫోన్ లో వెనుకాల రెండు కెమెరాలను అమర్చారు. వీటిలో ఒకటి 50ఎంపి ప్రైమరీ కెమెరా కాగా, రెండవది 2ఎంపి డెప్త్ సెన్సర్. ఇక సెల్ఫీలు, వీడియో కాల్స్ కొరకు ఈ ఫోన్లో ముందు వైపున 8ఎంపి కెమెరాను అమర్చారు. ఆండ్రాయిడ్ 12 ఆధారిత, ఆక్సిజన్ ఓఎస్ 12.1 పై ఈ ఫోన్ పని చేస్తుంది.
OnePlus Nord 20 SE ధర
అలీ ఎక్స్ప్రెస్ లిస్టింగ్ ప్రకారం, వన్ ప్లస్ నార్డ్ 20 ఎస్ఈ 4జిబి+64జిబి వేరియంట్ ధర 199 డాలర్లు (రూ.15,800) గా ఉంది. ఈ ఫోన్ రెండు రంగుల్లో లభ్యమవుతుంది. అవి సెలస్టియల్ బ్లాక్ మరియు బ్లూ ఒయాసిస్. భారత్ లో ఒప్పో ఏ77 4జీ స్పెసిఫికేషన్స్ కూడా వన్ ప్లస్ నార్డ్ 20 ఎస్ఈ మాదిరే ఉండగా ఫోన్ ధర రూ.15,499 గా ఉంది. అయితే భారత్ లో వన్ ప్లస్ నార్డ్ 20 ఎస్ఈ లభ్యతపై ఇంకా ఎటువంటి సమాచారం లేదు.
