టెక్నాలజీ ప్రపంచంలో గత కొన్ని రోజులుగా వార్తల్లో నిలుస్తోన్న OnePlus తాజాగా భారతీయ అభిమానులకు శుభవార్త చెప్పింది. కంపెనీ అధికారికంగా, Nord 3 5G, Nord CE 3 5G ఫోన్ల లాంచ్ ప్రకటన చేసింది. ఈ రెండు స్మార్ట్ ఫోన్లు జులై 5 వ తేదీన భారత్ లో లాంచ్ కానున్నాయి. కొత్త స్మార్ట్ ఫోన్లతో పాటు, Nord Buds 2R టీడబ్ల్యూఎస్ కూడా లాంచ్ కానుంది.
OnePlus Nord లాంచ్ ఈవెంట్
జులై 5 వ తేదీన వన్ప్లస్ కంపెనీ ఒక పెద్ద గ్లోబల్ ఈవెంట్ ని నిర్వహించబోతోంది. ఈ ఈవెంట్ పేరుని OnePlus Nord Summer Launch గా నిర్ణయించారు. గ్లోబల్ ఈవెంట్ రాత్రి 7 గంటలకు భారత్ లో ప్రారంభమవుతుంది. కంపెనీ అధికార వెబ్సైట్ మరియు సోషల్ మీడియా హ్యాండిల్స్ పై గ్లోబల్ ఈవెంట్ ని ప్రత్యక్ష ప్రసారం ద్వారా చూడవచ్చు. ఇదే ఈవెంట్ లో OnePlus Nord Buds 2R కూడా లాంచ్ కానున్నాయి.
Pack your passports because we're taking off with the #OnePlusNord3 5G on July 5th at 21:30 GMT+8 | 19:00 IST | 15:30 CEST!https://t.co/jvWvkWdCzE pic.twitter.com/ki4752P1Jq
— OnePlus (@oneplus) June 26, 2023
భారత్ లో OnePlus Nord 3 ధర (లీక్)
లేటెస్ట్ లీక్ ప్రకారం, OnePlus Nord 3 స్మార్ట్ ఫోన్ 8జిబి ర్యామ్ + 128జిబి స్టోరేజీ వేరియంట్ ధర రూ.32,999 గా ఉంటుందని సమాచారం. ఇకపోతే 16జిబి ర్యామ్ + 256జిబి స్టోరేజీ వేరియంట్ ధర రూ.36,999 గా ఉంటుందని అంచనా వేస్తున్నారు. బ్యాంక్ ఆఫర్లు ఇతర స్కీమ్స్ తో ధరలు మరింత తగ్గే అవకాశం ఉంది.
OnePlus Nord 3 స్పెసిఫికేషన్స్ (లీక్)
డిస్ప్లే: OnePlus Nord 3 5G లో 6.74-ఇంచ్ 1.5కే డిస్ప్లే, అమోలెడ్ ప్యానెల్, 120 హెర్ట్జ్ రిఫ్రెష్ రేట్ ఉంటాయి.
కెమెరా: OnePlus Nord 3 5G లో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి మెయిన్ కెమెరా, 8ఎంపి సెకండరీ లెన్స్, 2ఎంపి థర్డ్ లెన్స్ ఉంటాయి. సెల్ఫీస్, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా ఉంటుంది.
చిప్సెట్, ఓఎస్: OnePlus Nord 3 5G లో మీడియాటెక్ డైమెన్సిటీ 9000 చిప్సెట్ ఉంటుంది. ఈ డివైజ్ ఆండ్రాయిడ్ 13 ఓఎస్ ఆధారిత ఆక్సిజన్ఓఎస్ 13 కస్టమ్ స్కిన్ పై పని చేస్తుంది.
వేరియంట్స్: OnePlus Nord 3 5G డివైజ్ లో రెండు ర్యామ్ వేరియంట్స్ ఉంటాయి. ఇందులో 12జిబి ర్యామ్ మరియు 16జిబి ర్యామ్ మోడల్స్ ఉంటాయి. 512జిబి వరకు ఇంటర్నల్ స్టోరేజీ ఆప్షన్స్ అందుబాటులో ఉంటాయి.
బ్యాటరీ: OnePlus Nord 3 5G లో పవర్ బ్యాకప్ కోసం 5000 ఎంఏహెచ్ బ్యాటరీ ఉంటుంది. ఇది 80 వాట్ ఫాస్ట్ చార్జింగ్ టెక్నాలజీతో వస్తోంది.
OnePlus Nord CE 3 5G స్పెసిఫికేషన్స్ (లీక్)
- చిప్సెట్: OnePlus Nord CE 3 5G స్మార్ట్ ఫోన్ లో క్వాల్కమ్ స్నాప్ డ్రాగన్ 782 ప్రాసెసర్ వాడనున్నారని లీక్స్ ద్వారా తెలిసింది.
- ర్యామ్, స్టోరేజీ: OnePlus Nord CE 3 5G లో 12జిబి వరకు ఎల్పీడీడీఆర్4ఎక్స్ ర్యామ్, 16జిబి వరకు ర్యామ్-వీటా, (వర్చువల్ ర్యామ్), హైపర్ టచ్, హైపర్ బూస్ట్ ఉంటాయి.
- డిస్ప్లే: OnePlus Nord CE 3 5G స్మార్ట్ ఫోన్ లో 6.7-ఇంచ్ ఫ్లూయిడ్ అమోలెడ్ డిస్ప్లే, 950 నిట్స్ బ్రైట్నెస్, 120 హెర్ట్జ్ రిఫ్రెష్ రేట్ ఉంటాయి.
- బ్యాటరీ: OnePlus Nord CE 3 5G స్మార్ట్ ఫోన్ లో పవర్ బ్యాకప్ కోసం 5000 ఎంఏహెచ్ బ్యాటరీ ఉంటుంది. ఇది 80 వాట్ ఫాస్ట్ చార్జింగ్ టెక్నాలజీతో వస్తోంది.
- కెమెరా: OnePlus Nord CE 3 5G డివైజ్ లో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి సోని ఐఎంఎక్స్890 చిప్సెట్ ఉంటుంది. దీనికి తోడు 8ఎంపి అల్ట్రావైడ్ లెన్స్, 2ఎంపి మ్యాక్రో సెన్సర్ ఉంటాయి.
- కనెక్టివిటీ: OnePlus Nord CE 3 5G స్మార్ట్ ఫోన్ లో ఐఆర్ బ్లాస్టర్, ఎక్స్-యాక్సిస్ లీనియర్ మోటర్, ఎన్ఎఫ్సీ, అలర్ట్ స్లైడర్ ఉంటాయి.
- ఓఎస్: OnePlus Nord CE 3 5G డివైజ్ ఆండ్రాయిడ్ 13 ఓఎస్ ఆధారిత ఆక్సిజన్ఓఎస్ 13.1 కస్టమ్ స్కిన్ పై పని చేస్తుంది. రెండేళ్ళ పాటు మేజర్ ఆండ్రాయిడ్ అప్డేట్స్, 3 ఏళ్ళ పాటు సెక్యూరిటీ అప్డేట్స్ లభిస్తాయి.
- కలర్ ఆప్షన్స్: OnePlus Nord CE 3 5G డివైజ్ ఆక్వా సర్జ్ మరియు గ్రే షిమ్మర్ కలర్ ఆప్షన్స్ లో లభిస్తుంది.