OnePlus Nord 3 5G, OnePlus Nord CE 3 5G స్మార్ట్ ఫోన్లు బుధవారం నాడు భారత్ లో లాంచ్ అయ్యాయి. ఈ నార్డ్ ఫోన్ల రాకతో వన్ప్లస్ ఫ్యాన్స్ ఎంతో సంతోషం వ్యక్తం చేస్తున్నారు. ఈ ఫోన్లను కొనుగోలు చేసేందుకు యూజర్లు ఆసక్తి కనబరుస్తున్నారు. నార్డ్ 2టీ కి సక్సెసర్ గా OnePlus Nord 3 5G మార్కెట్ లోకి వచ్చింది. నార్డ్ సీఈ 3 లైట్ కి అప్గ్రేడ్ గా OnePlus Nord CE 3 5G ఎంట్రీ ఇచ్చింది. రెండు ఫోన్లు కూడా త్వరలోనే భారత్ లో సేల్ కి రానున్నాయి. సరే, ఓసారి OnePlus Nord 3 5G, OnePlus Nord CE 3 5G డివైజెస్ ధరలు, లభ్యత, స్పెసిఫికేషన్స్ గురించి తెలుసుకుందాం.
భారత్ లో OnePlus Nord 3 5G, OnePlus Nord CE 3 5G ధరలు
- భారత్ లో OnePlus Nord 3 5G 8జిబి+128జిబి వేరియంట్ ధర రూ.33,999 తో మొదలవుతుంది.
- 16జిబి ర్యామ్ తో వస్తోన్న మొదటి నార్డ్-బ్రాండెడ్ ఫోన్ OnePlus Nord 3 5G. ఈ ఫోన్ 256జిబి స్టోరేజీ వేరియంట్ ధర రూ.37,999.
- జులై 15 నుంచి OnePlus Nord 3 5G సేల్ మొదలవుతుంది. ఓపెన్ సేల్ లో భాగంగా రూ.2,799 విలువగల OnePlus Nord Buds ని సొంతం చేసుకోవచ్చు. ఇంకా కొన్ని ఎంపిక చేయబడిన క్రెడిట్, డెబిట్ కార్డ్స్ పై రూ.1,000 డిస్కౌంట్ లభిస్తుంది. ఈ డిస్కౌంట్ క్రెడిట్ కార్డ్ ఈఎంఐ కి కూడా వర్తిస్తుంది. అదనంగా రూ.4500 విలువగల జియో ఆఫర్ లభిస్తుంది. ఇంకా 6 నెలల కాలపరిమితితో యూట్యూబ్ ప్రీమియమ్ సబ్స్క్రిప్షన్, 6 నెలల పాటు 100జిబి క్లౌండ్ స్టోరేజీ ప్రయోజనం లభిస్తుంది.
- OnePlus Nord CE 3 డివైజ్ 8జిబి + 128జిబి స్టోరేజీ ధర రూ.26,999 గా ఉంది. 12జిబి + 256జిబి స్టోరేజీ ధర రూ.28,999 గా ఉంది.
- OnePlus Nord CE 3 సేల్ ఆగస్టులో ప్రారంభమవుతుంది. కచ్చితమైన తేదీ ఇంకా తెలియాల్సి ఉంది.
OnePlus Nord 3 5G స్పెసిఫికేషన్స్, ఫీచర్స్
- డిస్ప్లే: OnePlus Nord 3 5G లో 6.74-ఇంచ్ 1.5కే అమోలెడ్ డిస్ప్లే, 120 హెర్ట్జ్ రిఫ్రెష్ రేట్, 1450 నిట్స్ పీక్ బ్రైట్నెస్, 100 పర్సెంట్ డీసీఐ-పీ3 కలర్ గేముత్, 1440 హెర్ట్జ్ హై-ఫ్రీక్వెన్సీ పీడబ్ల్యూఎం డిమ్మింగ్, పంచ్-హోల్ కటౌట్ ఉన్నాయి.
- చిప్సెట్: OnePlus Nord 3 5G లో మీడియాటెక్ డైమెన్సిటీ 9000 చిప్, మాలి-జీ710 10-కోర్ జీపీయూ ఉన్నాయి.
- ర్యామ్, స్టోరేజీ: OnePlus Nord 3 5G లో 16జిబి వరకు ర్యామ్, 256జిబి వరకు స్టోరేజీ ఉన్నాయి.
- ఓఎస్: OnePlus Nord 3 5G ఆండ్రాయిడ్ 13 ఓఎస్ ఆధారిత ఆక్సిజన్ఓఎస్ 13.1 కస్టమ్ స్కిన్ పై పని చేస్తుంది.
- కెమెరా: OnePlus Nord 3 5G లో 50ఎంపి ప్రైమరీ సోని ఐఎంఎక్స్890 ఓఐఎస్ కెమెరా, 8ఎంపి అల్ట్రా-వైడ్ సోని ఐఎంఎక్స్355 సెన్సర్, 2ఎంపి మ్యాక్రో కెమెరా ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా ఉంది.
- బ్యాటరీ: OnePlus Nord 3 5G లో పవర్ బ్యాకప్ కోసం 5000 ఎంఏహెచ్ బ్యాటరీ ఉంది. 80 వాట్ సూపర్వూక్ ఫాస్ట్ చార్జింగ్ సపోర్ట్ ఉంది.
- కనెక్టివిటీ: OnePlus Nord 3 5G లో 5జీ ఎస్ఏ/ఎన్ఎస్ఏ, డ్యూయల్ 4జీ వొల్టీ, వై-ఫై 6, బ్లూటూత్ 5.3, జీపీఎస్, ఎన్ఎఫ్సీ, యూఎస్బీ టైప్-సీ ఉన్నాయి.
- కలర్స్: OnePlus Nord 3 5G డివైజ్ మిస్టీ గ్రీన్ మరియు టెంపెస్ట్ గ్రే కలర్ ఆప్షన్స్ లో లభిస్తుంది.
OnePlus Nord CE 3 5G స్పెసిఫికేషన్స్, ఫీచర్స్
- డిస్ప్లే: OnePlus Nord CE 3 5G లో 6.7-ఇంచ్ ఫుల్ హెచ్డీ+ అమోలెడ్ డిస్ప్లే, 2412*1080 పిక్సెల్స్ రెజుల్యూషన్, 120 హెర్ట్జ్ రిఫ్రెష్ రేట్, పీ3 కలర్ గేముత్, 10-బిట్ కలర్ డెప్త్, హెచ్డీఆర్10+, పంచ్-హోల్ కటౌట్ ఉన్నాయి.
- ప్రాసెసర్: OnePlus Nord CE 3 5G లో క్వాల్కమ్ స్నాప్ డ్రాగన్ 782జి చిప్సెట్, అడ్రెనో 642ఎల్ జీపీయూ ఉంది.
- ర్యామ్, స్టోరేజీ: OnePlus Nord CE 3 5G డివైజ్ 12జిబి వరకు ర్యామ్, 256జిబి వరకు స్టోరేజీ ఆప్షన్స్ లో లభిస్తుంది.
- కెమెరా: OnePlus Nord CE 3 5G లో 50ఎంపి సోని ఐఎంఎక్స్890 ఓఐఎస్ ప్రైమరీ కెమెరా, 8ఎంపి అల్ట్రావైడ్ కెమెరా, 2ఎంపి మ్యాక్రో లెన్స్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా ఉంది.
- బ్యాటరీ: OnePlus Nord CE 3 5G లో పవర్ బ్యాకప్ కోసం 5000 ఎంఏహెచ్ బ్యాటరీ ఉంది. ఇది 80 వాట్ సూపర్వూక్ ఫాస్ట్ చార్జింగ్ కి సపోర్ట్ చేస్తుంది.
- ఓఎస్: OnePlus Nord CE 3 5G డివైజ్ ఆండ్రాయిడ్ 13 ఓఎస్ ఆధారిత ఆక్సిజన్ఓఎస్ 13.1 కస్టమ్ స్కిన్ పై పని చేస్తుంది.
- కనెక్టివిటీ: OnePlus Nord CE 3 5G లో 5జీ ఎస్ఏ/ఎన్ఎస్ఏ, డ్యూయల్ 4జీ వొల్టీ, వై-ఫై 6, బ్లూటూత్ 5.3, జీపీఎస్, ఎన్ఎఫ్సీ, యూఎస్బీ టైప్-సీ పోర్ట్ ఉన్నాయి.
- కలర్స్: OnePlus Nord CE 3 5G డివైజ్ ఆక్వా సర్జ్ మరియు గ్రే షిమ్మర్ కలర్ ఆప్షన్స్ లో లభిస్తుంది.
