OnePlus 11 5G ని విజయవంతంగా లాంచ్ చేసిన చైనీస్ స్మార్ట్ ఫోన్ బ్రాండ్ వన్ ప్లస్ ఇప్పుడు నార్డ్ సిరీస్ లో OnePlus Nord 3 ని లాంచ్ చేసేందుకు సిద్ధమవుతోంది. త్వరలోనే ఈ ఫోన్ లాంచ్ కానుంది. కంపెనీ ఇంకా ఈ ఫోన్ లాంచ్ తేదీని ప్రకటించాల్సి ఉంది. OnePlus Nord 3 ఫోన్ ఎప్పుడెప్పుడు లాంచ్ అవుతుందా అని నార్డ్ సిరీస్ లవర్స్ వేచి చూస్తున్నారు. బడ్జెట్ బయ్యర్స్ ని దృష్టిలో పెట్టుకుని వన్ ప్లస్ సంస్థ నార్డ్ సిరీస్ లో పలు వాల్యూ ఫర్ మనీ ఫోన్లను తీసుకొస్తోంది. వన్ ప్లస్ బ్రాండ్ ఫోన్ కొనాలని కోరుకునే వారికి నార్డ్ సిరీస్ ఒక వరమని చెప్పాలి.
OnePlus Nord 3 స్పెసిఫికేషన్స్ కి సంబంధించి తాజాగా ఒక లీక్ బయటకు వచ్చింది. టిప్ స్టర్ దేబయాన్ రాయ్ OnePlus Nord 3 స్పెసిఫికేషన్స్ ని తన ట్విట్టర్ ఖాతాలో పోస్ట్ చేశాడు. దీంతో OnePlus Nord 3 స్పెసిఫికేషన్స్ ఎలా ఉండనున్నాయో తెలిసింది. గతంలో ఈ ఫోన్ 1.5 కే డిస్ప్లే తో వస్తుందని ఓ లీక్ ద్వారా తెలిసింది. అయితే తాజా లీక్ తో ఇది నిజం కాదని తేలింది. సరే, ఓసారి కొత్త లీక్ ద్వారా బయటకు వచ్చిన OnePlus Nord 3 స్పెసిఫికేషన్స్ ఎలా ఉన్నాయో తెలుసుకుందాం పదండి.
OnePlus Nord 3 స్పెసిఫికేషన్స్ (లేటెస్ట్ లీక్)
టిప్స్టర్ దేబయాన్ రాయ్ OnePlus Nord 3 డివైజ్ 1.5 కే డిస్ప్లే తో రావడం లేదని తన లీక్ ద్వారా స్పష్టం చేశాడు. మిగతా స్పెక్స్ విషయానికి వస్తే, OnePlus Nord 3 డివైజ్ 6.5-ఇంచ్ ఫుల్ హెచ్డీ+ అమోలెడ్ డిస్ప్లే, 120 హెర్ట్జ్ రిఫ్రెష్ రేట్ తో వస్తోంది. కెమెరా విభాగం విషయానికి వస్తే, ఈ డివైజ్ 50ఎంపి మెయిన్ ఓఐఎస్ కెమెరాతో వస్తోంది. దీనికి తోడు 8ఎంపి అల్ట్రావైడ్ యాంగిల్ లెన్స్ ఉంటుంది. సెల్ఫీస్, వీడియో కాల్స్ కోసం 32ఎంపి సెల్ఫీ కెమెరా ఉంటాయి.
OnePlus Nord 3 మీడియాటెక్ డైమెన్సిటీ 8100 మ్యాక్స్ చిప్సెట్ లేదా డైమెన్సిటీ 8200 చిప్సెట్ తో రానుంది. ఈ స్మార్ట్ ఫోన్ 4500ఎంఏహెచ్ లేదా 5000ఎంఏహెచ్ బ్యాటరీతో వచ్చే అవకాశం ఉంది. అలాగే 100 వాట్ చార్జింగ్ సపోర్ట్ తో OnePlus Nord 3 రానుందని అంచనా.
OnePlus Nord 3 కి సంబంధించిన పూర్తి వివరాలు త్వరలోనే తెలియనున్నాయి. ప్రస్తుతం లీక్ ద్వారా వెల్లడైన స్పెసిఫికేషన్స్ ని మీకోసం అందించాం. రానున్న రోజుల్లో ఈ డివైజ్ కి సంబంధించిన అధికార సమాచారాన్ని వన్ ప్లస్ సంస్థ పంచుకునే అవకాశం ఉంది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.