OnePlus సంస్థ ఈ ఏడాది తన ఖాతాను తెరిచింది. చైనాలో OnePlus 11 ని లాంచ్ చేసింది. ఈ ఫోన్ ఫిబ్రవరిలో భారత్ లో లాంచ్ అవుతుంది. ఫ్లాగ్షిప్స్ తో పాటు ఈ బ్రాండ్ కొన్ని మిడ్-రేంజ్ ఫోన్లపై కూడా పని చేస్తోంది. OnePlus Nord CE 3 ఇందులో ఒకటి. ఇటీవలి కాలంలో ఈ ఫోన్ వార్తల్లో నిలుస్తూ వస్తోంది. 91మొబైల్స్ ఎక్స్క్లూజివ్ గా హై-క్వాలిటీ రెండర్స్ ని పబ్లిష్ చేసింది. ఇప్పుడు OnePlus Nord CE 3 ఫోన్ స్పెసిఫికేషన్స్ ని ప్రముఖ టిప్ స్టర్ నుంచి మేం సేకరించాం. ఆ విశేషాలేంటో తెలుసుకుందాం పదండి.
OnePlus Nord CE 3 స్పెసిఫికేషన్స్ గతంలో కూడా లీక్ అయ్యాయి. ఇప్పుడు లీకైన వివరాలు వాటితో సరిపోలుతున్నాయి. క్వాల్కమ్ స్నాప్ డ్రాగన్ 695 చిప్, ఐపీఎస్ ఎల్సీడీ డిస్ప్లే, 120 హెర్ట్జ్ రిఫ్రెష్ రేట్, 8జిబి ర్యామ్, 108ఎంపి ప్రైమరీ కెమెరా తదితర ఫీచర్లు ఈ ఫోన్ లో ఉన్నాయి. పూర్తి వివరాలు తెలుసుకుందాం పదండి.
వన్ప్లస్ నార్డ్ సీఈ3 స్పెసిఫికేషన్స్ (లీక్డ్)
- 6.7-ఇంచ్ ఐపీఎస్ ఎల్సీడీ డిస్ప్లే
- క్వాల్కమ్ స్నాప్ డ్రాగన్ 695 చిప్
- ఆండ్రాయిడ్ 13 ఓఎస్
- 108ఎంపి + 2ఎంపి + 2ఎంపి ట్రిపుల్ రియర్ కెమెరా సెటప్
- 16ఎంపి సెల్ఫీ కెమెరా
OnePlus Nord CE 3 స్మార్ట్ ఫోన్ లో 6.7-ఇంచ్ ఐపీఎస్ ఎల్సీడీ డిస్ప్లే, 2400*1080 పిక్సెల్స్ రెజుల్యూషన్, 20:9 యాస్పెక్ట్ రేషియో, హెచ్డీఆర్10, హెచ్ఎల్జీ, 120 హెర్ట్జ్ రిఫ్రెష్ రేట్ ఉంటాయి. ఈ ఫోన్ లో స్నాప్ డ్రాగన్ 695 చిప్ వాడారు. గ్రాఫిక్స్ కోసం అడ్రెనో 619 జీపీయూ వాడారు. 8జిబి ఎల్పీడీడీఆర్4ఎక్స్ ర్యామ్, 256జిబి స్టోరేజీ ఈ ఫోన్ లో ఉన్నాయి. ఆండ్రాయిడ్ 13 ఓఎస్ ఆధారిత ఆక్సిజన్ఓఎస్ కస్టమ్ స్కిన్ పై ఈ ఫోన్ పని చేస్తుంది.
OnePlus Nord CE 3 స్మార్ట్ ఫోన్ లో ట్రిపుల్ రియర్ కెమెరా సెటప్ ఉంటుంది. 108ఎంపి మెయిన్ కెమెరా, 2ఎంపి డెప్త్ కెమెరా, 2ఎంపి మ్యాక్రో లెన్స్ ఉంటాయి. సెల్ఫీలు, వీడియో కాల్స్ కోసం ఇందులో 16ఎంపి ఫ్రంట్ కెమెరా ఉంటుంది. 5జీ, 4జీ వొల్టీ, డ్యూయల్ సిమ్, డ్యూయల్-బ్యాండ్ వై-ఫై, బ్లూటూత్, యూఎస్బీ టైప్-సీ పోర్ట్ వంటి కనెక్టివిటీ ఆప్షన్స్ ఈ ఫోన్ లో ఉంటాయి.
గతంలో లీకైన వార్తలను బట్టి, OnePlus Nord CE 3 స్మార్ట్ ఫోన్ 5000 ఎంఏహెచ్ బ్యాటరీ, 67 వాట్ ఫాస్ట్ చార్జింగ్ సపోర్ట్ తో వస్తోందని తెలిసింది. అయితే ఈ ఫోన్ ఎల్సీడీ డిస్ప్లేతో వస్తోన్న విషయాన్ని గమనించాలి. లాంచ్ తర్వాత యూజర్లు ఈ ఫోన్ ని ఏమేరకు రిసీవ్ చేసుకుంటారో చూడాలి.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.