హైలైట్స్
- 2023 H1 (ఏప్రిల్-సెప్టెంబర్) కల్లా OxygenOS 13 రోలౌట్ ని పూర్తి చేయనున్న OnePlus
- రివీల్ అయిన OxygenOS 13 Beta రోలౌట్ రోడ్ మ్యాప్
- 16 డివైజెస్ కి OxygenOS 13 బీటా వర్షన్ అప్డేట్ పంపిస్తోన్న వన్ప్లస్
అర్హత గల డివైజెస్ కి వన్ ప్లస్ సంస్థ OxygenOS 13 అప్డేట్ ని పంపడం మొదలుపెట్టింది. రీసెంట్ గా వన్ ప్లస్ బ్రాండ్ వన్ ప్లస్ 8, 8టీ, 8 ప్రో ఫోన్లకు OxygenOS 13 ఓపెన్ బీటా అప్డేట్ ని పంపించింది. ఇప్పుడు, మిగిలిన డివైజెస్ కి OxygenOS 13 బీటా రోలౌట్ షెడ్యూల్ ని ప్రకటించింది. ఇదే విషయమై, వన్ ప్లస్ సంస్థ వన్ప్లస్ కమ్యూనిటీ ఫోరమ్ ద్వారా అధికార ప్రకటన చేసింది. షెడ్యూల్ ప్రకారం, అన్ని డివైజెస్ కి OxygenOS 13 బీటా రోలౌట్ పూర్తి కానుందని సమాచారం.
ఆండ్రాయిడ్ 13 ఆధారిత OxygenOS 13 ని 16 డివైజెస్ కి అందించాలని వన్ ప్లస్ ప్లాన్ చేస్తోంది. వీటిలో 10 డివైజెస్ వన్ ప్లస్ బ్యాడ్జ్ తో వచ్చినవి కాగా, మిగిలిన 6 ఫోన్లు వన్ప్లస్ నార్డ్ కేటగిరీ లోనివి. 2023 ప్రథమార్థం కల్లా OxygenOS 13 రోలౌట్ ని పూర్తి చేయాలని వన్ ప్లస్ లక్ష్యంగా పెట్టుకుంది. OxygenOS 13 బీటా రోలౌట్ షెడ్యూల్ ఎలా ఉందో ఓసారి చూద్దాం పదండి.
OxygenOS 13 బీటా రోలౌట్ షెడ్యూల్
ఆగస్టు 2022 నుంచి
- OnePlus 10 Pro 5G [స్టేబుల్ రిలీజ్డ్]
సెప్టెంబర్ 2022 నుంచి
- OnePlus 10R 5G [ఓపెన్ బీటా రిలీజ్డ్]
- OnePlus 9 Pro 5G [ఓపెన్ బీటా రిలీజ్డ్]
- OnePlus 9 5G [ఓపెన్ బీటా రిలీజ్డ్]
2022 క్యూ4 నుంచి
- OnePlus 10T 5G [క్లోజ్డ్ బీటా రిలీజ్డ్]
- OnePlus 9RT 5G [ఓపెన్ బీటా రిలీజ్డ్]
- OnePlus 9R 5G [ఓపెన్ బీటా రిలీజ్డ్]
- OnePlus 8 5G [ఓపెన్ బీటా రిలీజ్డ్]
- OnePlus 8T 5G [ఓపెన్ బీటా రిలీజ్డ్]
- OnePlus 8 Pro 5G [ఓపెన్ బీటా రిలీజ్డ్]
- OnePlus Nord 2T 5G
- OnePlus Nord CE 2 Lite 5G
2023 H1 నుంచి
- OnePlus Nord 2 5G
- OnePlus Nord CE 2 5G
- OnePlus Nord CE 5G
OnePlus Nord 2T 5G, OnePlus Nord CE 2 Lite 5G ఫోన్లకు ఈ త్రైమాసికంలోనే OxygenOS 13 Beta అప్డేట్ ని రోలౌట్ చేస్తామని వన్ ప్లస్ తెలిపింది. 2023 ఏప్రిల్ నుంచి OnePlus Nord 2 5G, OnePlus Nord CE 2 5G, OnePlus Nord CE 5G ఫోన్లకు అప్డేట్ అందనుంది. ఇవి OxygenOS 13 Beta రోలౌట్ అని గమనించాలి. స్టేబుల్ వర్షన్ రావడానికి ఇంకొన్ని నెలల సమయం పడుతుంది.
వన్ ప్లస్ కంపెనీ OnePlus Nord N20 SE డివైజ్ కి OxygenOS 13 అప్డేట్ ని ఇంకా ప్లాన్ చేయలేదు. దానికి బదులుగా నేరుగా OxygenOS 13 స్టేబుల్ అప్డేట్ ని 2023 ఏప్రిల్ నుంచి సెప్టెంబర్ మధ్యలో పంపించనుంది. ఇకపోతే OnePlus 7, OnePlus 7T, OnePlus 7 Pro, OnePlus 7T Pro, OnePlus Nord 5G జాబితాలో లేవు. వీటికి OxygenOS 13 అప్డేట్ అర్హత లేదు.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.